Mohab > Mohab's Quotes

“المجتمع زى الرصيف وسخ ولا زم يتكنس فى ناس بتعرق ع الرغيف وناس بتعرق م التنس”
― فؤاد قاعود

“لو النجوم تنزل و تمشى فى الشوارع
و لو العمارات تطير
و لو الضفادع فى الشتا عرقت
و الجو فى أغسطس أصبح مطير
و لو الحمير أتكلمت بفصاحة
و النملة صبحت فى ضخامة الفيل
مش حأندهش
بعد اللى فات
علشان أنا من سنة
إحساسى بالدهشة مات”
― فؤاد قاعود, الصدمة

“يا ولدي قول الشعر بلا إعلان
وانشد بلا استئذان
وإن جيت ف عصر إنحطاط
امشى لوحدك ع الصراط
واعلا فوق الأوان
الشعر أكبر م المكان والزمان”
― فؤاد قاعود, الصدمة

“انا بعترض ع الباطل المطلوق سراحه
والحق متكتف بجنزير حديد
و بعترض على قلة البركه
فى كل ايد
وبعترض على قسمة المخاليق
حراس و ساده و عبيد”
― فؤاد قاعود, الأعمال الشعرية الكاملة

“لو أصطفانى المضحك المشهور
بلبعه و أتشقلب قصادى
حيطل من عينى الغضب
و مستحيل أبتسم
مهما المهرج هاص و زاط
علشان أنا من سنة
عرفت إن الضحك إبن العياط”
― فؤاد قاعود

“لو خصنى الفيلسوف
بحكمته المحفورة فى ذهن الزمن
و بدأ يوجه لى الحديث
حأخد طريق غير طريقه
و أمشى بعيد عن ندوته و الزحام
علشان أنا من سنة
مؤمن بلا جدوى الكلام”
― فؤاد قاعود

“لو نزلت المحروسة ملفوفة القوام
أم العيون بنفسجى
من قصرها العالى و شاورت لى
لوحدى من دون الأنام
حأغض بصرى
و مش حرد السلام
علشان أنا من سنة
نفضت إيدى من الغرام”
― فؤاد قاعود

“لو دندن البلبل بصوته الرخيم
و ضم عودته تحت جناحاته
و كنت أنا وحدى النديم
حأقفل ودانى فى وش أنغامه
و أهيل عليه التراب
علشان أنا من سنة
شفت الغنا كداب”
― فؤاد قاعود

“Seek not greater wealth, but simpler pleasure; not higher fortune, but deeper felicity.”
― Mahatma Ghandi