Ayat > Ayat's Quotes

“لا مش انا اللي ابكي
ولا انا اللي احكي
ولا انا اللي اشكي
ولا حتى اللي اتفلق
انا اللي بضحك لغاية
ما بتخنق !!”
― وليد طاهر, حبة هوا...

“في ناس دايما واحشاني معرفش مين هما”
― وليد طاهر, حبة هوا...

“هو احنا مش من امبارح
بنقول نفسنا نبقى بكره؟
ادينا بقينا بكره وبعد بكره
ولسه احنا برضه..امبارح”
― وليد طاهر, حبة هوا...

“الليل هو الشاي
والنهار هو اللبن
حط ده على ده
وانت تدوق طعم الزمن”
― وليد طاهر, حبة هوا...

“جوايا حد زعلان
من اني.... زعلان
من حد جوايا”
― وليد طاهر, حبة هوا...

“كل شئ كان عادي والمقابلة كانت عادية
عدى الوقت..
واكتشفت إن كل اللي فات هيبقى لحظات تاريخية!”
― وليد طاهر, حبة هوا...

“امبارح و أنا مروح .. ما دخلتش في شارعنا ..
و دخلت في شارع تاني .. تهت .. بس شفت ..
شجر تاني .. باب تاني .. كلب تاني ..
بكره و أنا مروح .. مش هروح .. و هأسيب نفسي
أتوه تاني !”
― وليد طاهر, حبة هوا...