إسلام > إسلام's Quotes

“كل الحاجات بتفكرني
بعيون حيرتها تحيرني
والذكرى مش بتصبرني
تمر صورتك اتبسم
الابتسامه تعذبني
كل الحاجات حواليا تدور
زي الحيطان بتداري النور
وقلبي من بعد الطيران
ما حيلته الا جناح مكسور
دلوقتي مهما اقول الآه
وانت بعيد مين يسمعني



كل الحاجات الا عيونك ممكن انسى
كل الحاجات من حواليا عارفة وحاسة
ضاع الونس يا قمر غايب
بعدك ماليش اي حبايب
دلوقتي حتى بخاف حزني يبعد عني
كل الحاجات كانت تضحك لما اقابلك
لا عرفت نفسي من قبلك ولا من بعدك
قبلك ماكانليش ولا حاجة
بعدك سنيني محتاجه
ياريت تشوف دمعه صوتي لما أغني”
― عبدالرحمن الأبنودي

“ساعات أقوم الصبح قلبى حزين
أطل بره الباب ياخدنى الحنين
اللى لقيته ضاع
واللى اشتريته انباع
واللى قابلته راح وفات الأنين

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين

حبيبى سكر مر طعم الهوى
فرق ما بيننا البين ماعدناش سوا
حرام عليك يا عذاب
نبقى كده اغراب
ده البعد والله جرح من غير دوا

آدى اللى كان وآدى القدر وآدى المصير
نودع الماضى و حلمه الكبير
نودع الأفراح نودع الأشباح
راح اللى راح ماعدش فاضل كتير

ايه العمل فى الوقت ده يا صديق
غير اننا عندافتراق الطريق
نبص قدامناعلى شمس أحلامنا
نلقاها بتشق السحاب الغميق

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين”
― صلاح جاهين