Lilit > Lilit's Quotes

“Մոռացիր մի կերպ անմոռանալին,
Ուրացիր մի կերպ անուրանալին,
Եվ հաղթիր դու քեզ:
Հաղթիր ամենը,
Ինչ որ անհիմն է ու անհնարին:
Միևնույն է, դու
Ինչ էլ ստանաս,
Այդպես էլ կարոտ,
Այդպես էլ կորած,
Հող ու ծուխ դառած
Պետք է որ գնաս:
Եվ միևնույն է չկա ոչ մի տեղ,
Ինչ փնտրում ես դու
Կես դար անընդմեջ:
Քո հնարածով ինքդ տարվելով,
Չգտնելով ու խելագարվելով,
Չկա կորուստիդ դուռն ու բանալին,
Ուրացիր մի կերպ անուրանալին:”
― Մարո Մարգարյան

“Ապրեցինք բարձ ջերմաստիճանով,
Եվ խլխլթացինք տարիներ ի վեր.
Երգեր լսեցինք սիրո անունից՝
Խոհուն, անձնուրաց ու սրբանվեր.
Եվ դավեր տեսանք նվիրումի տակ,
Փառքեր ոսկեզոծ ու գեղաքանդակ,
Անհագ ծարավի վրա հիմք դրած,
Եվ ուրացումի անդունդին հենծ,
Ապրեցինք մենակ.
Խլացած հոգու աղաղկներում,
Շուրթերով լռած.
Եվ համբերության հսկայածավալ
Մի դարպաս կռած.
Ու որքան ուժ էր հարկավոր հոգու,
Կանգնելու ուղիղ բոլորի հանդեպ
Մնալու անթեք:”
― Մարո Մարգարյան