Norhan > Norhan's Quotes

“كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين”
― أحمد فؤاد نجم

“الأوله آه
والتانيه آه
والتالته آه
***
الأوله آه
والغدر لَمَّن حكم
صبح الأمان بقشيش
والتانيه آه
والندل لما احتكم
يقدر ولا يعفيش
والتالته آه
والحر مهما انحكم
للندل ما يوطيش
الأوله غربتي
والتانيه بلوتي
والتالته كلمتي”
― أحمد فؤاد نجم, أحمد فؤاد نجم: الأعمال الشعرية الكاملة

“يا اسكندريه
بحرك عجايب
يا ريت ينوبني م الحب نايب
تحدفني موجه
على صدر موجه
والبحر هوجه
والصيد مطايب
أغسل هدومي
وانشر همومي
على شمس طالعه
وانا فيها دايب”
― أحمد فؤاد نجم, أحمد فؤاد نجم: الأعمال الشعرية الكاملة