Noor > Noor's Quotes

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“There is never a time or place for true love. It happens accidentally, in a heartbeat, in a single flashing, throbbing moment.”
― Sarah Dessen, The Truth About Forever

“تفرانيل 50"

أنا بفضل دايما للآخر
ف جيمات الكونكان والشايب
و ف كشف الحاضر والغايب
وف حجز شقق مصيف بلطيم
أنا آخر تايب في اصحابي
وآخرهم ف الصلا ف التسليم
وف دور المدرسه في التطعيم
وفي وقت السين
أنا آخر جيم
أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مِلّه ودين
ولحد ماتميت ست سنين
أنا كنت بحب البني آدمين
وكرهت الناس من بعديها
علشان نسّوني أنا أصلاً مين
مش فاكر إمتى حقيقي بدأت
إنما فيه فتره فاكرها طشاش
كان فنجان قهوتي مابيفضاش
وبكلم ربنا طول الوقت
عمري ماصدقت بنات غير ريم
ويمكن دلوقتي ما اصدقهاش
آخر مره
شفتها فيها
كانت تقريبا بتعزل
و كان فيه سواق تاكسي منزل
ف شنط ناس حتحل مكانها
ووشوش بني آدمين معرفهاش
أنا ريم يمكن كانت قدي
أيامها... لكن دلوقتي أصغر
عارفه إن أنا يوميا بكبر ؟
وبعجز إكمني مابنساش
أنا فاكر أيام بالميللي
أنا فاكر أيام بالتفصيل
أنا فاكر يوم دفنة أختي
حتصدقي..؟ أكتر مافاكرها
وساعات بنسي ف ليله كبيرها
أنا فاكر شقة قصرالنيل
ومش فاكر حد من السكان
من صغري وعمري مابنسي مكان
أنا أصلاً فاكر بيت شادي
مع إني مازورتوش غير مره
بأمارة فيه برواز بره
كان جواه صورته ف إعدادي
كان لسه ساعتها طالعله شنب
ونا حاسس إني طلعلي أتب
من تقل الشيله و م التفكير
معلش أنا آسف برغي كتير
وبسف ف وقتك وف وقتي
أنا حاسس بدماغي بتتقل
أنا نفسي أنام
أنا عاوز أروّح دلوقتي
متشكر جداً ع الجلسه
حنكمل إمتى علاج طيب ؟
لازم حنشوف بعض قريب
أنا ماشي...
سلام”
― مصطفى إبراهيم

“بدون ما أعرف سبب واضح ...
عشان أزعل...
أنا زعلان !”
― مصطفى إبراهيم

“أنا أحسن واحد يقنعك تحكي…

ومابيحكيش…

وأحسن واحد يقنعك تبكي…

...وما بيبكيش…

أنا أحسن واحد يقنعك تفرح….

وأحسن واحد يقنعك تجرح…

أنا أحسن واحد ميت….

يقدر يقنعك….تعيش…”
― مصطفى إبراهيم, المانيفستو

“بعد طرحك من الحساب
للعساكر والكلاب والارانب والفيران
والاجانب والغيلان والارايل والقرون
والمرايل والدقون
اللي فاضل يا افاضل
...هو دا تعداد وحصر
للعيال اللي جبتهم
في الحلال الست مصر”
― مصطفى إبراهيم

“عيشوا المشاهد
كل مشهد
زى ما يكون الاخير
واشبعوا ساعه الوداع
وأحضنوا الحاجه بضمير
دا اللى فاضل مش كتير
اللى فاضل مش كتير”
― مصطفى إبراهيم, ويسترن يونيون فرع الهرم

“العيال اللى كانت بتقعد ف أول ديسك وبيتصاحبوا على المدرسين ويفتنوا على أصحابهم، غالبًا لما يكبروا بيبقوا إخوان. والعيال عديمة الموهبة اللي نفسهم يبقوا حاجة بالعافية، بيكبروا ويبقوا ظباط. والعيال اللى كانت بتجيب معاها حلويات مستوردة والمقلمة أم دورين، هم وأصحابهم بيبقوا فلول. والعيال اللى كانت بتقعد معاك ورا تقشّر يوستفاندى وتقزقز لب سوبر وتقلب ريحة الفصل، بيكبروا يبقوا ليبراليين ويطلع ميتين أبوهم علشان علّموا على كل العيال دى وهمّ صغيرين.”
― مصطفى إبراهيم

“أدين بـ دين الجدعنة و بـ دين رفاق الدرب

و بـ قولة إحنا مش أنا فـ المعمعة و الضرب

و بـ دين ما كنت مصدّقه فـ المعركة الأولى

و بـ دين جثث فـ المشرحة أساميها مجهولة

و أدين من ساب على الأسفلت اخواته مقتولة

و اقوله التوبة مقبولة إلا فـ وقت الحرب”
― مصطفى إبراهيم, المانيفستو

“و النبي ياشتا
وحياة ولادك
البرد و الشبورة و الضباب
بلاش المرة دي لما تيجي
تيجي و تجيب لي
اكتئاب ..!”
― وليد طاهر, حبة هوا...

“عندما أضحك، أشعر أن شخصاُ بداخلي ینظر إلي بمنتھى
القرف!”
― أحمد مختار عاشور, سفر عاشوريات _ 1000 جملة ساخرة

“ما يتنتشر فى مصر ليس تدينا حقيقيا انما اكتئاب نفسي جماعى مصحوب باعراض دينية”
― علاء الأسواني, شيكاجو

“فمن يثور لا يكتئب , و من يكتئب فهو عاجز عن الثورة أو محروم منها.ابتلاع الغضب و الحنق بتحول إلى اكتئاب و حقد”
― مصطفى حجازي, الإنسان المهدور: دراسة تحليلية نفسية اجتماعية

“كانت عفاف صغيرة جداً لكنها أدركت بشكل ما أنها تُعاقب لأنها أنثى .. الجريمة الشنعاء هي أنها لم تولد ذكراً ، وهذا هو الخطأ الاعظم.”
― أحمد خالد توفيق, السنجة

“الكون كله يصلح شاشة عرض للمشاهد الشنيعة التى نريد نسيانها”
― أحمد خالد توفيق, السنجة