Braut Des nil > Braut's Quotes

“غريب أمر تلك الفتاة..
تريد أن تكون ملفتة
دون أن يلتف الذباب حولها.”
― أحمد مراد, تراب الماس

“يا بشر عرفاني و عارفه أنا مين
بلغوا أسفي لكل البلالين
كلنا كنا ف يوم بالونة
فقعتنا تجارب بني أدمين”
― مصطفى إبراهيم, ويسترن يونيون فرع الهرم

“لوح البنور الصافي
الرايق زي الميه
كان اجمل جايز لاكن
الأجمل دايما هش
علشان كدا لما اتجرح
كان عارف ان الدنيا
بتبدل نعمة بتانية
و خلته ميخافش الخدش”
― مصطفى إبراهيم, ويسترن يونيون فرع الهرم

“كل الحاجات حواليك...

ف الكادر سانده عليك....

لو جيت وشلْت اديك....

الصورة تتفركش ….

ضلك على الحيطه ….

كان خافي عنها النور ….

وطلّعها بتنغمش...

كفك على السفره...

من غيره كان إزاي...

مفرشها يتكرمش ؟..

بصمة صباع إيدك...

لسّاها ع الشبابيك...

ميت ألف تفصيله...

ملهاش وجود غير بيك..

وإنتا عليك تختار...

حتبدّي مين على مين ؟..

وتبدّي إيه على إيه ؟..

الجاي والجايين ؟

وللا اللي خدت عليه ؟

أصل الحياه للعلم..

مفهاش حاجات ببلاش..

وعشان ماتصبح فيلم...

وأصلا عشان تتعاش..

كادر الحياه المشحون...

فرح والم وشجون..

لازم يكون
بيلف....

لازم يكون….
بيدور..


يتقل عليك ويخف..

ويعشّمك بالنور..

ف نهاية المشوار...

ونا قلبي لف و دار.....

ميت ألف ليل ونهار....

نفسه ف فرحه كادوه.....

وحلاوه من غير نار....

ومّا الزمن تعبه...

قصقص شريط الفيلم....

وخَد كادر كان عاجبه....

وقرر يعيش ف الحلم.....”
― مصطفى إبراهيم, ويسترن يونيون فرع الهرم

“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
― مصطفى إبراهيم, ويسترن يونيون فرع الهرم