Sara Adel > Sara's Quotes

“مش مهم انك تغير الكون... المهم انك تخلي الكون ما يغيركش”
― عمر طاهر

“أستمتع بالحاجات الصغيرة بكره هتعرف أنها كانت كبيره”
― عمر طاهر, جر ناعم

“الغياب بيقتل قصص الحب الصغيره و بيقوى قصص الحب الكبيره...زى الرياح ما بتتطفى شمعه على الترابيزه و بتزود حريقه فى الغابه”
― عمر طاهر, جر ناعم

“وازاى هاضحك من قلبى وأنا قلبى واخدها بجد؟”
― عمر طاهر, قهوة وشيكولاتة

“ازاى الخوف وصلنى لدرجة انى ماخافش؟
ياللى فرقتوا الحب أنا قلبى بجد ماخدش”
― عمر طاهر, قهوة وشيكولاتة

“أكره المذاكره لأنها تعطي الأفضلية والنجومية لـ عيال دمها تقيل”
― عمر طاهر, كابتن مصر: ألبوم ساخر للمراهقين

“زرعت شجرة "لو كان" وسقتها بمية "ياريت"... طرحت "مايجيش منه".”
― عمر طاهر

“الحياة كوميدية بالنسبة للناس اللى دماغهم عاليه و مأساة بالنسبة للناس اللى احساسهم عالى”
― عمر طاهر, جر ناعم

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“انا زى زيـــــــــك ....معنديش حاجه تمنعنى من دخول جهنم
غير قوله
يــــــــــــــا رب”
― أحمد العايدي, العشق السادي

“للأسف ...
النور رجع
بس انـــــــا
مبقتش أشوف”
― أحمد العايدي, العشق السادي

“من يقرأ التاريخ في دول العالم الثالث سيجد المأساة مؤلمة، كثيرون تحرروا بالثورة من المحتل الاجنبي ليخضعوا طواعية للمحتل الوطني”
― أحمد العايدي, أن تكون عباس العبد

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“إننا لا ننتهى أبدا من صنع أنفسنا ؛
أشعر هذه الأيام بأننى أواجه نفسى مثل نحَّات يقف أمام صخرة
يجب أن يحذف منها كل ما هو غير جوهري”
― Juan José Millás

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“الحق نفسك قبل ما الوجع يغيّرك..لأنك عُمرك ما هتعرف ترجع تاني !”
― محمد صادق, هيبتا

“حياتك حافلة، مليئة، كاملة، أو هكذا يخيل إليك، حتى يظهر فيها شخص يجعلك تدرك ما كنت تفتقده طوال هذا الوقت.
مثل مرآة تعكس الغائب لا الحاضر، تريك الفراغ فى روحك، الفراغ الذى كنت تقاوم رؤيته.”
― Elif Shafak, The Forty Rules of Love

“البشر يميلون إلى الاستخفاف بما لا يمكنهم فهمه”
― Elif Safak

“أنا أحسن واحد يقنعك تحكي…

ومابيحكيش…

وأحسن واحد يقنعك تبكي…

...وما بيبكيش…

أنا أحسن واحد يقنعك تفرح….

وأحسن واحد يقنعك تجرح…

أنا أحسن واحد ميت….

يقدر يقنعك….تعيش…”
― مصطفى إبراهيم, المانيفستو

“الاسماك الميتة فقط هى التى تسبح مع التيار”
― محمود عوض, أفكار ضد الرصاص

“يا خالق كل شئ ناقص .. كمالته معاك
يا شايل م الحاجات حتة .. بنترجاك
بحق المشهد الكامل
و اسمك اللى أنا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته”
― مصطفى إبراهيم, المانيفستو

“برغم إن الكلام ع الحب من نظرة كلام معتاد
وإن الصدفة أحيانا بتبقى بألف ألف ميعاد
ورغم إن الكلام أصلا بينقص حاجة كل ما زاد
ورغم إني جدع وتقيل وعمرى ما أقولها بالساهل
أنا نفسى أقولها لك فـ أول مرة نتقابل
فلو كان المكان يسمح وست الكل لو تأذن
أنا عايز أقول إني بحبك من زمان جدًا”
― مصطفى إبراهيم

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

“في حاجات لازم علشان نعرف درجة قوتها بنكسرها ... وحاجات في إيدينا علشان نعرف إننا عايزينها بنخسرها .”
― مصطفى إبراهيم

“بعد طرحك من الحساب
للعساكر والكلاب والارانب والفيران
والاجانب والغيلان والارايل والقرون
والمرايل والدقون
اللي فاضل يا افاضل
...هو دا تعداد وحصر
للعيال اللي جبتهم
في الحلال الست مصر”
― مصطفى إبراهيم

“إزاي هزهد في حاجا ماعييش؟
-ياحمار دي فضيله الاستغناء
وانا كنت استغنيت بمزاجي؟
أنا اسمي يئست ومستغنتش
إيه الزهد في إني أما أجي
أشتري ما بجيبش عشان ما لقتش؟
فيه فرق ما بين صبر العاجز
علشان مبقاش حاجه ف إيده
وبين واحد أصلا مش عايز
غير زي ما بس يعوز سيده
صدقني أنا زاهد بالصدفه .. أو من غير قصد
أنا طاير آه .. لكن علشان مش لاقي الأرض”
― مصطفى إبراهيم, المانيفستو

“ويرحل عنا زمان الأمان
فأشتاق من راحتيك الحنان
وأحمل قلبي كطفل جريح
يصارعه الشيب قبل الأوان
وأصبح بعدك لحنا.. عجوزا
شقي الزمان غريب المكان
وتبقين وحدك فوق الزمان
وتبقى عيونك أحلى مكان
سنين من العمر تمضي علينا
وفي الفرح ننسى حساب السنين
أعد الليالي.. ربيعا ربيعا
ويمضي الزمان ولا ترجعين
وتبقين وحدك نبضا بقلبي
ويرحل عمري ولا ترحلين
وسافرت بعدك في كل أرض
وكم كنت أشعر أني غريب
وجربت يا حب عمري كثيرا
وأسأل قلبي.. ولا يستجيب
فألقاك في كل حلم بعيد
وألقاك في كل طيف قريب
* * *
وأبحث عنك كثيرا.. كثيرا
يدور الزمان وقلبي لديك
يضيع الأمان فأبحث عنك
ويشتاق قلبي كثيرا إليك
إذا جاء صيف سألت النسيم
ترى من عبيرك هذا العبير؟
وإن طال ليل تساءل قلبي:
بربك أين ملاكي الصغير؟
وإن جاءني الحزن ضيفا ثقيلا
يعاتبني الدمع هل من رفيق؟
فأبحث عنك على كل ضوء
وعمر الحيارى ظلام سحيق
لأنك مني وأني إليك
كما يعرف الزهر طعم الرحيق
وأبحث عنك كثيرا.. كثيرا
فأنت الضياع وأنت الطريق!!”
― فاروق جويدة, في عينيك عنواني

“الأوّله… أرزاق ...
والتانيه…. أسماء...
والتالته…. بشتاق....
الأوّله… أرزاق مفيش حيلة ولا سكّة....
والتانيه…. أسماء عيال بتحب ع الدكّة....
والتالته… بشتاق لطعم الفرح والضحكة.....
الأوّله… أرزاق مفيش حيلة ولا سكّة غير المكتوب....
والتانيه…. أسماء عيال بتحب ع الدكّة و راسمة قلوب....
والتالته… بشتاق لطعم الفرح والضحكة يا شيخ أيوب ....
الأوّله… أرزاق مفيش حيلة ولا سكّة غير المكتوب مقّسِم كلّه بالحتة…
والتانيه…. أسماء عيال بتحب ع الدكّة و راسمة قلوب لكل الخلق إلا انت....
والتالته… بشتاق لطعم الفرح والضحكة يا شيخ أيوب أنا ملّيت ..حدوق امتي ؟....
الأوّله… أرزاق مفيش حيلة ولا سكّة غير المكتوب مقّسِم كلّه بالحتة وكله نصيب.....
متزعلشي…..
والتانيه…. أسماء عيال بتحب ع الدكّة و راسمة قلوب لكل الخلق إلا انت ملكش حبيب ...
متزعلشي….
والتالته… بشتاق لطعم الفرح والضحكة يا شيخ أيوب أنا ملّيت..حدوق امتي ؟ ف قاللي قريب ....
متزعلشي…..”
― مصطفى إبراهيم, ويسترن يونيون فرع الهرم