محمد > محمد's Quotes

“(باء) و(حاء) و(باء) و(كاف)
كلمه واحده اربع حروف
واجي اقولها مره اخاف
ومره يملاني الكسوف”
― محمد خيري

“قلبه عندي وروحي فيه
لو يزعل يبان في عنيا
ولو افرح يبان في عنينه”
― محمد خيري

“شعب ما كنش عنده صوت
او كان ليه بس اتكتم
(اتوحد) بحكم طاغوط
ولما اتحرر منه (اتقسم)
شعب ماكنش عنده لسان
ولما طلعله لسان .. شتم”
― محمد خيري

“بحبك زي ماتكوني
عصايه في قلبي مرشوقه
ياخوخة قلبي ياعيوني
ياموزا يااحلى برقوقه”
― محمد خيري

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم

“أبعد نُقطة بِالنِسبالك
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― مصطفى إبراهيم, المانيفستو