Rahma Mohammed > Rahma's Quotes

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
― مصطفى إبراهيم, ويسترن يونيون فرع الهرم

“الكوتشى اللى باش ..
م اللف فى شوارعك ..
يحرم عليه ..
يبوس أرض غيرك ..
و القلب القماش ..
المكوى بعمايلك ..
لساه معبق ..
بريحة عبيرك ..
و الواد اللى عاش ..
طول عمره يحايلك ..
و نفسه إسمه ..
ييجى فى رسايلك ..
و تبعتيله تطمنيه ..
إن انتى عارفة ..
إن أنتى ليه ..
و إن أنتى قايمة و نايمة بيه ..
وقت الشتا يتدفى بيكى ..
ووقت الخطر تتحامى فيه ..
وساعة أما بيقسى عليكى ..
وساعة أما بتدعى عليه ..
محدش فيكوا بيهداله بال ..
وأول ما تصفى تفكى الريال ..
و تروحى تجيبيله كوتشى بدال ..
الكوتشى اللى باش ..”
― مصطفى إبراهيم, ويسترن يونيون فرع الهرم

“أنت مش مضطر تثبت أى حاجه لأى حد”
― Essam Youssef

“انت ممكن تاخد الحصان لغاية الميه بس متقدرش تخليه يشرب”
― Essam Youssef

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم

“يا بشر عرفاني و عارفه أنا مين
بلغوا أسفي لكل البلالين
كلنا كنا ف يوم بالونة
فقعتنا تجارب بني أدمين”
― مصطفى إبراهيم, ويسترن يونيون فرع الهرم

“عارفه إن أنا يوميا بكبر ؟
وبعجز اكمني مابنساش
أنا فاكر أيام بالميللي
أنا فاكر أيام بالتفصيل”
― مصطفى إبراهيم

“لكن دعني أخبرك بشيء مهم ,لا تقض حياتك بإنتظار أن تنتهي الفترة كذا و الفترة كذا ..
أن تنتهي فترة الدراسة .. أن تنتهي فترة التجنيد الإجباري .. أن تنتهي فترة انتدابك في كينيا .. إلخ
لسوف تجد أن حياتك صارت مجموعة من الفترات يجب أن تنتهي و هوب! تكتشف أنك بلغت نهاية العمر ولما تنعم بحياتك يوما واحدا ..
يجب أن تستمتع بكل فترة كأنها هي الصورة الوحيدة النهائية لحياتك ..”
― أحمد خالد توفيق

“شدتني البساطة التي تكلمت بها مع غريب مثلي، كأنها تعرفني منذ زمن، وبرغم هذا لا تبدو وقحة أو متحررة، كأنها تناقش زوجها أو أخاها، بلا أي غرض سوى المناقشة في حد ذاتها. إن هذا الأسلوب يُحيّر الرجل الشرقي الذي لا يتوقع من الفتاة إلا أن تكون شديدة الحياء أو شديدة المجون، ولا يفهم أي أسلوب آخر في التعامل.”
― أحمد خالد توفيق

“علمني ( د. نبيل فاروق ) ـ وهو يكبرني بخمسة أعوام أو ستة ـ أن التجاهل هو الحل الأمثل ما دمت تعرف أنك لم تفعل ما يتهمونك به .. وقال لي إن الرد يترك ضباباً قد يثبت التهمة . لكني برغم هذا أجد نفسي مدفوعاً مرات كثيرة لذلك ..”
― أحمد خالد توفيق

“إن المصريين لايحبون المنطوى، ولا يستريحون له بشكلٍ عام ... إنهم يفهمون أن تكون وقحاً ، أو أن تكون صاخباً، أما أن تكون منطوياً مهذباً غامضاً، فهم يظنون بك الظنون”
― أحمد خالد توفيق, أسطورة آكل البشر

“وداعا أيها الغريب
كانت إقامتك قصيرة، لكنها كانت رائعة
عسى أن تجد جنتك التي فتشت عنها كثيرا

وداعا أيها الغريب

كانت زيارتك رقصة من رقصات الظل
قطرة من قطرات الندى قبل شروق الشمس
لحناً سمعناه لثوان من الدغل
ثم هززنا رؤوسنا وقلنا أننا توهمناه

وداعا أيها الغريب
لكن كل شيء ينتهي!”
― أحمد خالد توفيق, أسطورة النبوءة

“و أنا يا رفاق أخشى الموت كثيراً ...و لست من هؤلاء المدعين الذين يرددون في فخر بطولي ...نحن لا نهاب الموت ...كيف لا أهاب الموت و أنا غير مستعد لمواجهة خالقي ...إن من لا يخشى الموت هو أحمق أو واهن الإيمان ...و كفاني أن "عمرو بن الخطاب" _رضي الله عنه_ أعلن أنه يخسى الموت كثيراً ...فأين نحن منه ...”
― أحمد خالد توفيق

“بعض الكلمات تنتهى صلاحيته من كثرة الإستعمال أكثر الناس تشدقاً بكلمة الوطن هم الذين يدمرونه بلا توقف ..”
― أحمد خالد توفيق, الآن أفهم

“الشجاعة العظمى هى ألا تخشى أن تبدو جباناً! ألا يجرفك حماس الآخرين الأهوج الذى يدفعك لتكون منهم”
― أحمد خالد توفيق

“عندما تغرب الشمس..
عندما يكف الأصحاب عن تقديم عزائهم لك..
عندما تستطيل الظلال قبل أن تفنى..
عندها يبدأ موعد سجنك الخاص..”
― أحمد خالد توفيق, السنجة

“لأن ما حدث حدث في وقت لم يتوقع فيه أحد أن يحدث، فإن أحدًا لم يفعل شيئًا وبالتالي لا يوجد ما يستحق التعليق عليه.”
― أحمد خالد توفيق, قصاصات قابلة للحرق

“معنى الصداقة ھو أنني – تلقائيًا – أراك جديرًا بأن ائتمنك على جزء من كرامتي.”
― احمد خالد توفيق

“لماذا تصارحينني بهذه الأسرار المروعة التي لا تقال لرجل ؟.. ثقتك هذه لا تسعدني بل تتعسني .. تشعرني بأنه لا خطر مني، كما كانت الملكة لا تبالي بنزع ثيابها أمام شراذم الأغوات في حمامها.”
― أحمد خالد توفيق, قصاصات قابلة للحرق

“يتوقف الامر على قيمة ما يدافع المرء عنه بالنسبة له و ليس بشكل مطلق”
― أحمد خالد توفيق, يوتوبيا

“الكبت أزمة عنيفة في كل المجتمعات، لكنها أعنف في مجتمعنا، ولا أعني بهذا الكبت الجنسي فحسب بل العجز عن التعبير عن الغضب أو القهر أو الغيظ. تأمل لو أنك انفجرت في رئيسك غاضبًا وقلت له رأيك فيه فالنتيجة هي: "إنت مش عارف شغلك يا أفندي.. خصم 15 يوم ومن بكره في الشئون القانونية"!.

تنفجر في أستاذك فتكون النتيجة: "مجلس تأديب وفصل.."!.

تنفجر في الضابط المستفز فتكون النتيجة: "إنت حتطول لسانك يا روح تيييييييت؟!" ثم: "وبتفتيش المتهم قمنا بتحريز قطعة بانجو يحملها بغرض الاتجار".

تتشاجر مع زوجتك: "إنت ازاي تكلمني كده؟! ماما كان معاها حق لما قالت إنك إنسان سافل!!"..

تتشاجر مع أي واحد في الشارع. النتيجة هي أن تصحو في المستشفى لتتشاجر من جديد مع الممرضات!..

هكذا لا يوجد مكان يتحمل انفجارك على الإطلاق، وهذه مشكلة حقيقية لذا يبحث الناس عن مخرج، وهذا المخرج قد يكون غريبًا.. في كل رمضان سوف تقرأ في الصحف قصة العامل الذي ذبح زوجته وأحرقها بالكيروسين؛ لأنه عاد للبيت قبل أذان المغرب وهي لم تنتهِ من طهي الفطور بعد. الأمر لا يتعلق بالجوع ولكن بإخراج شحنة الغضب والعنف الداخلي لأوهن سبب، خاصة أنه لم يشرب شايًا أو يدخن منذ ساعات.. لهذا يصير خلقه أضيق من سم الخياط..”
― أحمد خالد توفيق, دماغي كده

“عندما يتضخم كبرياؤك وتعتقد أن الآخرين لا يمكن أن يعلموك أي شيء فأنت تنهار بسرعة لا تصدق.”
― أحمد خالد توفيق, دماغي كده

“رغبة عارمة فى البكاء تستبد بك ولا تعرف لها سبباً.. الألم الشخصى العبقرى الذى تكفى لمسة كى تجعله ينفجر، وانفجاره يبلل المناديل دائماً ..”
― أحمد خالد توفيق, الآن نفتح الصندوق 1

“هل هو حب ؟ لا ليس حباً بالتأكيد .. لكن الهشاشة النفسية تجعلك تتشبث بأي إنسان و تشعر بأنك تهيم به حباً”
― أحمد خالد توفيق, حظك اليوم

“عندما تقرر أن تلعب بالنار فلا تملأ الدنيا صراخاً عندما تحترق .”
― أحمد خالد توفيق, حظك اليوم

“فقط للماضى ميزة واحدة هى انه صار ماضياً لهذا نشعر بالحنين له , بينما الحاضر موجود فى كل مكان و فى كل لحظة لهذا نزهده..”
― احمد خالد توفيق

“ان الترجمة تفسد الأمر برمته .. فأم كلثوم مزيج خاص لا يفهمه سوى عربى .. مثلها مثل صوت الشيخ رفعت قبل الإفطار فى رمضان ، وصوت التكبير صباح العيد ، ومذاق الشاى بالنعناع وقت الغروب”
― أحمد خالد توفيق

“الرجال الاشداء يصيرون اطفالا عندما يتعاملون مع امرأة جميلة”
― احمد خالد توفيق