Mostafa Saed > Mostafa's Quotes

“ورد فى ورق سلوفان يا حلوة أهديلك ؟
ولا أنقله بلطين فى شتلة و أجيلك ؟
الأولانى لو وحا بحنانى
عجبى على التانى ب ايه يوحيلك ؟
عجبى !!”
― صلاح جاهين, رباعيات صلاح جاهين

“مهبوش بخربوش الألم والضياع
قلبي ومنزوع م الضلوع انتزاع
يا مرايتي يا اللي بترسمي ضحكتي
يا هلترى ده وش والا قناع”
― صلاح جاهين, رباعيات صلاح جاهين

“صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن”
― صلاح جاهين, رباعيات صلاح جاهين

“الدنيا آوده كبيرة للإنتظار
فيها ابن آدم زيه زي الحمار
الهم واحد . . والملل مشترك
ومفيش حمار بيحاول الإنتحار”
― صلاح جاهين, رباعيات صلاح جاهين

“حقرا وفوق كوكب حقير محتقر
في الكون تكون دنياكو إيه يا بَقَر
رملايه من صحرا ؟ .. لكين إيش تقول
والكون بحاله جوّه عقل البشر


عجبي”
― صلاح جاهين

“آدي اللي كان، وآدي القدر وآدي المصير
نودع الماضي.. وحلمه الكبير
نودع الأفراح... نودع الأشجان
راح إللي راح ومعدش فاضل كتير
إيه العمل فى الوقت ده يا صديق
غير إننا عند إفتراق الطريق
نبص قدمنا، على شمس أحلامنا
نلقاها بتشق السحاب الغميق
وأرجع وأقول: لسه الطيور بتحن،
والنحليات بتطن، والطفل ضحكو يرن
مع إن ..مش كل البشر فرحانين”
― صلاح جاهين

“ماليش كتير في السياسة
أنا قلبي مليان حماسة
لكل شيء حر صادق
ماليش كتير في السياسة
لكن بحب المبادىء
و باحب صاحب المبادىء”
― صلاح جاهين, عن القمر والطين

“اوقـات  افـوق  ويحــل  عنـى  غبـايا
واشـعر  كأنى   فـهمت   كـل  الخبـايـا
وافتـح  شـفايفى  عشــان  أقـول  الدرر
مـا  أقـولش  غير حبة  غزل  فى  الصبايا”
― صلاح جاهين, رباعيات صلاح جاهين

“أحسـن مـا فيهـا العشـق والمعشـقة وشـويتين الضـحــك والتـريقـة”
― صلاح جاهين, رباعيات صلاح جاهين