Ebrahim Elbdrawy > Ebrahim's Quotes

“يا طير يا طاير فـِـ السما .. يا بختك
لا فارق معاك حاجة وعايش براحتك
لــو عــرفــت إيــــه اللـــي فـيـنـــا
عــمــــرك مــــا هـتـبـــص تـحـتـــك
وعجبي !!”
― صلاح جاهين

“قتلوه من التعذيب وقالوا انتحر..
فكرت لحظة وقلت: آه يا غجر!..
لو جنسكم سبناه يعيش في الحياة..
اللي انتحر راح يبقى جنس البشر!”
― صلاح جاهين, رباعيات صلاح جاهين

“لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره

عجبي!”
― صلاح جاهين, رباعيات صلاح جاهين

“عارف لما تشوف الصبح بيطلع .. و انت قاعد
لما تلاقى قلبك بيدق وانت بارد
أو تنام و انت شارد .. و تجرى وانت واقف .. و تبكى وانت ساكت
عارف لما عينيك تشوف جوه ناس .. و تحس بإحساس
عارف لما تبقى كل حاجا غلط صح .. و كل حلال حرام
المية تبقى نار و النار تبقى مطر
عارف لما تسكت و جواك مليان كلام
و تتكلم وانت مش طايق الكلام
تشوف الكدب من العينين باظظ
وإن اتكلمت هاتبقى عينيك بتشوف مش زى مانت باصص
تمشى مش زى مانت رايح
تتمنى تموت و انت عايش
او تعيش بس مش على الهامش
لما تحس انك نصين لحاجة واحدة بس مش بتوع بعض
نص برق و التانى رعد”
― أحمد حلمي, 28 حرف

“مافيش بني آدم مابيكدبش.. وبعد مدّة حتى الحقيقة بتبقي كِدب !”
― أحمد مراد, الفيل الأزرق

“إحنا اللي الملايكة قالوا علينا هنسفك الدماء ونفسد في الأرض.”
― أحمد مراد, تراب الماس

“و قد يطول الحلم و قد يقصر... و قد يتحقق و قد لا يتحقق و لكن يكفينا أننا حاولنا و حلمنا في زمن الأحلام الفقيره”
― فاروق جويدة, قالت

“اترك لنفسك طبيعتها.. دعها تحاول وتجرب وتسبح.. حتى لو تعرضت للغرق.”
― فاروق جويدة, قالت

“قالت: ما الذي يجعلك حزيناً؟

قلت: أشعر أنني جئت فى غير زماني . . كنت أتمنى أن أعيش زماناً آخر . .

قالت: وأى زمان تمنيت أن تعيشه؟

قلت: ليس هناك زمان بعينه تمنيت ان أعيش فيه . . ولكنني أشعر اننا نعيش احط عصور التاريخ . . لا أعتقد أن هناك فترة فى تاريخنا كله تتشابه مع الزمن الذي نعيشه اليوم.

فالت: ولكن الإنسان هو الذي يصنع زمانه . . فإذا كان زماننا رديئاً فنحن الذين صنعناه . .

قلت: طبيعة الأشياء تقول ذلك . . و لكن الذي حدث غير ذلك تماماً . .

طبيعة الأشياء تقول أن الأجيال تسلم الراية لبعضها البعض . . وأن مسئوليات التاريخ تُوزع على سنوات الزمن و يصبح لكل جيل دوره و مشاركته سلباً و إيجاباً . . ولكن الذي حدث أن هناك جيلاً أمسك برقبة التاريخ ولم يتركه و لم يتركنا حتي الآن رغم كل ما حدث من كوارث . .
إن الممثلين يرفضون أن يتركوا المسرح رغم أن الرواية انتهت و ألقى الجمهور على الممثلين آخر الزجاجات الفارغة . .”
― فاروق جويدة, قالت

“فى حارتنا إما أن يكون الرجل فتوة وإما أن يُعدّ قفاه للصفع”
― Naguib Mahfouz, أولاد حارتنا

“أمس راقبت ذبابة سقطت في خيوط عنكبوت .. كانت في البداية تتصرف بخيلاء وثقة. كانت تعتقد أنها حرة، وأن بوسعها التملص بشىء من الجهد الصادق .. ذبابة قوية مثلها لن تعوقها خيوط من حرير لا يمكن كتابة سمكها علي الورق .. لكنها بدأت تقلق .. بدأت تتوتر عندما عرفت أن كل حركة جديدة تقيدها أكثر .. لابد أن ربع ساعة قد مر وهي تزداد تورطاً، وفي النهاية عرفت أن عليها أن تصاب بالذعر .. بدأت ترفرف بجناحيها بقوة وتطن بصوت مسموع وعال، حاسبة أن هذه الهستيريا سوف تحقق ما عجزت عنه .. لا جدوي .. لا جدوي.. لكن كان لطنينها نتيجة واحدة أكيدة، هي أن الذبذبات وصلت إلي العنكبوت .. لقد جاء من مكان ما، ووقف علي طرف النسيج يختبره بقدم .. تأكد من أنه متين، ثم اتجه نحو الذبابة .. كأنه كابوس يمشي علي ثمان أقدام .. لهذا يصاب الناس بالأراكنوفوبيا .. هذا المخلوق جدير بأن يستأثر لنفسه بنوع كامل من الفوبيا .. بحركات رشيقة مدروسة راح يدور حولها ليحكم الكفن الحريري. دورة. دورتان.. ثلاث دورات .. الخيط يخرج ويلتف أكثر والذبابة لم تعد مرئية تقريباً ... وفي النهاية دنا منها ليحقنها بالسم .. وسرعان ما همدت وبدأت عملية الامتصاص .. غداً تهب الريح وتهدم جزءاً من النسيج .. لو فتحت هذا الكفن لوجدت هيكل ذبابة بعد ما امتص منها عصارة الحياة ... هيكلاً يتهشم لو نفخت فيه .. الذبابة المغرورة التي حسبت أنها تملك إرادتها .. لكن الغرور كان مفيداً للعنكبوت .. لابد أن تجن الذبابة وتحسب نفسها حرة ..”
― أحمد خالد توفيق, أسطورة معرض الرعب

“كثيرون في دور العبادة بأجسادهم..قليلون مع الله بقلوبهم..!”
― أشرف العشماوي, البارمان

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
― مصطفى إبراهيم, ويسترن يونيون فرع الهرم

“كل الحاجات حواليك...

ف الكادر سانده عليك....

لو جيت وشلْت اديك....

الصورة تتفركش ….

ضلك على الحيطه ….

كان خافي عنها النور ….

وطلّعها بتنغمش...

كفك على السفره...

من غيره كان إزاي...

مفرشها يتكرمش ؟..

بصمة صباع إيدك...

لسّاها ع الشبابيك...

ميت ألف تفصيله...

ملهاش وجود غير بيك..

وإنتا عليك تختار...

حتبدّي مين على مين ؟..

وتبدّي إيه على إيه ؟..

الجاي والجايين ؟

وللا اللي خدت عليه ؟

أصل الحياه للعلم..

مفهاش حاجات ببلاش..

وعشان ماتصبح فيلم...

وأصلا عشان تتعاش..

كادر الحياه المشحون...

فرح والم وشجون..

لازم يكون
بيلف....

لازم يكون….
بيدور..


يتقل عليك ويخف..

ويعشّمك بالنور..

ف نهاية المشوار...

ونا قلبي لف و دار.....

ميت ألف ليل ونهار....

نفسه ف فرحه كادوه.....

وحلاوه من غير نار....

ومّا الزمن تعبه...

قصقص شريط الفيلم....

وخَد كادر كان عاجبه....

وقرر يعيش ف الحلم.....”
― مصطفى إبراهيم, ويسترن يونيون فرع الهرم