H MaN > H's Quotes

Showing 1-30 of 42
« previous 1
sort by

  • #1
    مأمون عرفة
    “كل حاجه حلوه .......... ناقصه حته
    ومش هتلاقى ف حاجه واحده كل الحاجات
    للفرح سكه وللحزن 100 ألف سكه
    خد م الحياة دى حلوها وانسى اللى فات”
    مأمون عرفة

  • #2
    مأمون عرفة
    “ساعات بحس إني بقلبين
    ساعات أحبك وساعات لأ
    ساعات أنساكي ف غمضة عين
    وساعات أحس إني مليش حق”
    مأمون عرفة

  • #3
    مأمون عرفة
    “اسمى : مأمون ..اسم منتشر جداً
    عمرى : قبل اليوم كان غريب جدا
    المهنه : تلميذ.. تلميذ ما دام عايش
    هوايتى : غير النوم كوره وقلم طايش
    حلمى : على قدى مش مبالغ فيه
    عنوانى : مايتوهش لو سألت عليه
    الحب : صوت فيروز أقرب حاجه لقلبى
    وأمنيتى :إنى أموت .. راضى عنى ربى”
    مأمون عرفة

  • #4
    مأمون عرفة
    “!بقول يارب وهقول يا مين تانى
    كلمه واحده وبتنسينى أحزانى
    لو ضاقت بيك ف يوم قول يارب
    ولو فرحت .. قول يارب من تانى”
    مأمون عرفة

  • #5
    مأمون عرفة
    “مش مكسوف أقول "اّسف"
    ومش عارف أقولها لمين !

    فيه ناس زعلان أنا منها
    ومزعل منى ناس تانيين

    وناس عامله زعلانه
    وناس فـ رجوعى عشمانه
    وناس بعشقها بـ أمانه
    وبستغرب وصلنا لفين !

    أنا اّ سف يا أغلى الناس
    ولو مش أنا الغلطان

    أنا اّسف ..أنا مسامح
    أنا من غيركم الخسران”
    مأمون عرفة

  • #6
    مأمون عرفة
    “أنا "الشاطر" فـ تجارة الدين
    "جزار" أحلام المساكين
    أمريكا قالت إنى "بديع"
    والباقى كخه و وحشين

    "صبحى" نهضه وليلى أمان
    و فـ عهدى هتبات "عريان"
    "مالك" أختام الشرعيه
    ولعلمك .... أنا مش اخوان”
    مأمون عرفة

  • #7
    مأمون عرفة
    “نص قلبك فاضى ؟
    محتاج إنك تملاه ؟
    محتاج حد تشكيله ؟
    تنسى همومك وياه ؟
    حد قلبك يرتاحله ؟
    تشتاق روحك للقاه ؟

    ربك أولى بــ ده كله
    فـ دعوه إشكيله وقوله
    هتلاقى الكون يضحكلك
    وفـ سجده هينزل همك
    هتحس إنك إنسان ...
    والنص الفاضى مليان”
    مأمون عرفة

  • #8
    مأمون عرفة
    “أنا كنت طفل زمان
    لكن بقلب حديد
    حاجز فى بكره مكان
    عايش حياتى سعيد
    كانت الحياة ألوان
    والحلم كان عنوانى
    كنت وكنت زمان
    تقريبا حد تانى !”
    مأمون عرفة

  • #9
    مأمون عرفة
    “املى قلبك بحب ربك
    تلقى كل الدنيا ملكك
    تلقى أحلى ما فيها عندك
    تلقى ناس وقلوب تحبك”
    مأمون عرفة

  • #10
    مأمون عرفة
    “ف حياتنا مشاهد متعاده
    بنشوفها تفكرنا بحاجه
    منا اللى بيتعلم منها
    وأغلبنا بيغلط كالعاده”
    مأمون عرفة

  • #11
    مأمون عرفة
    “أحلى ما فينا قلوب
    وحب مش محسوب
    لكل خلق الله

    أحلى ما فينا احساس
    وطيبة أجدع ناس
    أحلى ما فينا حياة”
    مأمون عرفة

  • #12
    مأمون عرفة
    “أنا الشاعر ومش شاعر بحاجه جديده فـ الدنيا
    وعارف إنى مش عارف هيحصل ايه كمان ثانيه
    وحاسس إنى مش حاسس بحاجه مهمه شدانى
    وألاقى الروح تروح رايحه برغم ثبوتى فـ مكانى

    يادنيا ممله هاتى جديد .. قديمك فات و راح زمنه
    وعدتينتا كتير بالعيد ... وأخدتى مننا تمنه
    عيدك فاتنا ولا مجاش ؟.. الخاسر إحنا فـ الحالتين
    أيامنا تفوت ببلاش !! .. والصبر بس نجيبه منين ؟”
    مأمون عرفة

  • #13
    مأمون عرفة
    “البنت حلوه .. بس القمر أحلى
    والغنوه حلوه ,, وصوت الأدان أحلى
    وأحلى ما ف الدنيا قلب نضيف
    وخالق الكون أحلى وأحلى وأحلى”
    مأمون عرفة

  • #14
    مأمون عرفة
    “ساعات الدمعه بتقوى
    ساعات تبنى ولا تهدش
    وساعات الضحكه بتخلى
    القلوب ضلمه ولا تحسش !!”
    مأمون عرفة

  • #15
    مأمون عرفة
    “بنحاول نبقى إخوات
    ونكدب جوانا حاجات
    بنحارب شوقنا وهوانا
    وبنضيع وقتنا فى سكات

    بنحاول نوهم روحنا
    وتزبد جوانا جراحنا
    الكلمه الحلوه بتجرحنا !
    وبنرجع ونحِن ساعات

    بندوس ع الإحساس جوانا
    وقلوبنا بنظلمها معانا
    حبنا للبعد خلانا
    ياحبيبى بينا مسافات”
    مأمون عرفة

  • #16
    مأمون عرفة
    “فيه بسمه حلوه حنينه .. ع الخير علامه
    وفيه ناس وشوشها بتبتسم من غير وسامه
    وفيه بسمه واحده تشيل هموم وهموم
    ! و ناس بتقتل ناس بإبتسامه”
    مأمون عرفة

  • #17
    مأمون عرفة
    “الحكايه مش فى نهضة
    مش فى حل التأسيسة
    مش حكاية حكم مرشد
    ولا تخوين الثورجيه
    الحكايه باعوا ثوره
    قتلوا فى الناس الطموح
    مش مهم أى حاجة
    بس أوعى الكرسى يروح
    تبت فيه بإيديك وسنانك
    بكره يخونك زى ما خان
    أصل الشعب المصرى جنابك
    عمره ماسلم يوم لجبان”
    مأمون عرفة

  • #18
    مأمون عرفة
    “متفرعن ليه ياسيدى؟
    هوه انت تبقى مين؟؟
    شايف نفسك ملاك ؟!
    ما كلنا بنى اّدمين
    مش ابن اّدم وحوا ؟
    مش لحم ودم برضه ؟
    طول ياعم بالك
    دا أصلك ياحلو طـيـن”
    مأمون عرفة

  • #19
    مأمون عرفة
    “مش مُجبر إنى أختار
    الحر رأيه من راسه
    ودستور الجنه والنار
    دستور ملعوب فى أساسه”
    مأمون عرفة

  • #20
    مأمون عرفة
    “مخلوق الحزن لينا
    بنــعـزه ويـعـزنا
    نبعد عنه ينادينا
    مكتوب مع اسمنا
    نخاف لو يوم فرحنا
    ونرجع للحزن تانى
    بنحب الحزن أصلا
    حتى فى الأغانى !!!”
    مأمون عرفة

  • #21
    مأمون عرفة
    “لليأس أنا مش هسلم ... بإيدى هكسره
    والحال لو مش عاجبنى ..أنا ممكن أغيره
    قدامى طريق طويل .. صعب مش مستحيل
    وخلاص فكرت كتير ... ووقتى مش هخسره”
    مأمون عرفة

  • #22
    مأمون عرفة
    “كل كلام الحب العادى حتى بحبك متكفيش
    ماهو لو كان الحب ده عادى
    كنت أقولها ولا خبيش
    حتى كلام الحب حبك
    ومكنتش عايش من قبلك
    ومن دلوقت أنا هبدأ أعيش”
    مأمون عرفة

  • #23
    مأمون عرفة
    “بقينا صوره من غير ألوان
    دابـت ألوانها مع الوقـت
    كـنا الصوره الأحـلى زمـان
    وصوره من غير إحساس دلوقت”
    مأمون عرفة

  • #24
    مأمون عرفة
    “عايز أفرح رغم انى حزين
    عايز أنسى حزنى وخلاص
    حزن وفرح .. جوايا عايشين
    وبيحاربوا بعض بإخلاص
    تعبت وتوهت ما بين الاتنين
    لا فرحت ولا حزنت ياناس”
    مأمون عرفة

  • #25
    مأمون عرفة
    “عايز أنسى حاجات كتير
    بس إزاى أقدر أمسحها ؟

    تعبت بجد من التفكير
    حاولت كتير إنى أصلحها

    أصلح حاجه وبكسر غيرها
    وأفكر أكتر وقلبى يعانى

    وأفكر إنى هموت فى اّخرها
    ألاقى نفسى بفكر تانى !!!”
    مأمون عرفة

  • #26
    مأمون عرفة
    “كتير بنندم ع اللى كان
    وبنرجع ونقول قدرنا
    كان بإيدينا الحل زمان
    وقدرنا اخترناه واختارنا”
    مأمون عرفة

  • #27
    مأمون عرفة
    “عرفت طريقى اللى مكنتش أنا شايفه زمان
    وياما فات الوقت وانا براهن ف طريق خسران
    كان لازم أجرب وعشان كده أن مش ندمان

    عرفت طريقى ومش هندم على حد بايعنى
    مش واقفه الدنيا عليه أو غيره وايه يعنى
    وهكمل كده ومفيش ولا حاجه ترجعنى”
    مأمون عرفة

  • #28
    مأمون عرفة
    “بعد ما قولنا لبعض سلام
    بعد ماخلص بينا الكلام
    شوفت دمعه ف عينه مداريها
    نزلت منى الدمعه أوام

    بعد ما قاللى خلاص هتحمل
    وقولت لنفسى هقدر أكمل
    وخلاص نوينا نفترق
    ضعفه منعنى وضعفى كمان”
    مأمون عرفة

  • #29
    مأمون عرفة
    “انتى قبر ولا دولة ؟!
    موتى فيكى سهل ليه ؟!
    نفسى أشوف منك محاولة
    نفسى دمى يتخاف عليه”
    مأمون عرفة

  • #30
    مأمون عرفة
    “ولسه الفرح ممنوع
    ولسه الغراب جبان
    ولسه الهتاف مسموع
    ولسه للثورة ميدان

    ولسه عندى حبة دم
    ولسه حق أخويا مجاش
    ولسه هيبة سيادته أهم
    ولسه جيلنا مابينساش”
    مأمون عرفة



Rss
« previous 1