Emosh Ahmed > Emosh's Quotes

“ناقص حته
وكل ما أوزن
ألاقي لسه
ناقصلي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
وأقول ها نفرح
ف يوم
ها نفرح
ويوم مانفرح
علي الله يفضل
في القلب حته”
― علي سلامة, ناقص حتة

“معرفش ليه ...
تنحت للدنيا كده .. !
وفجأة لقيتني مسكون بالملل ...
لاعندي رغبة ف البكا ..
ولا في الكلام ...
ولا عايز أنام ...
ولا حتي بسأل إيه ده ليه ..
وآخرتها إيه ..
وإيه العمل .......
وأخاف أقول لأي حد ….
أحسن يقوم يقلبها جد …
حد صاحبي ينزعج ...
يمد إيده جوه قلبه من باب الكرم ..
عشان يشاركني الألم ...
أو يستلفلي من لئيم حبة أمل ..
حالة كده ....
معرفش إيه ...
ملهاش معاد ..
ساعات تزورني ف الربيع ..
ف الحر ...
وف عز الشتا ...
وتجيب حاجات ...
لا فيها روح ولا ميته...
حالة كده ....
لا معاها تنفع كلمتين ولا غنوتين ...
ولا لقطة من ألبوم صور ..
آلاقي قلبي ف الهوا ويا الكور ...
أخاف أقول لأي حد ....
أحسن يقوم يقلبها جد ..
حالة كده ..
معرفش إيه ..
لكني بطلع منها بعد السكات ..
فاهم شويه ف اللي فات ..
حاسس أوي بحضن الصحاب ...
محظوظ أنا ...
ساعات أشاور ...
ينفتحللي ألف باب…
لكني باغلط ف الحساب ..
ومعرفش ليه
تنحت للدنيا كده ...”
― علي سلامة

“عارف ؟
حلوة قوي ضحكتك
لكنها بتكشفك
وتقول إنك موجوع”
― علي سلامة

“أما الدنيا دى حلوة حلاوة
يخرب بيت كده..
تمد إيدك تساعد حد
يرد عليك بنظرة رضا..
ما تعرفش ساعتها
مين اللى كان محتاج للتانى ..”
― علي سلامة

“زهقت من قولة
دي بنت بألف راجل
أنا عايزة أحس
إني معاك مخلوق ضعيف
وإني فعلا بنتمي لجنسي اللطيف
تحميني من حزني
ومن إحساس مخيف

طول النهار مكشرة
وواخداها جد
ولمّة شعري على ورا
ومش شايفة حد
والدنيا حر موت
وأنا مليانة برد
وكل ده عشان يا دوب
أعدي الرصيف

ما عادش في الشارع شجر
بيرمي ضل
وكل يوم حاجات تضيع
وحاجات تقل
وأنا خلاص
ماعرفش ليه بقيت أملّ
واعذرني لو كان الكلام
مُر وسخيف”
― علي سلامة

“أنا لما بافرح
بحكى للدنيا كلها
حتى لطوب الأرض
واحزن.. أخبى
واسكت كأنى
عمرى ما عرفت الكلام”
― علي سلامة

“شئ ما نفقده دون ان ندرى فى لحظات الانتظار”
― محمد صادق, هيبتا

“كل ثانية يوضع أمامك اختيار بسيط قد يجعل الحياة كلها مختلفة..
وكل ثانية تختار أن تؤجل القرار خوفا، فتظل كما أنت”
― محمد صادق, هيبتا

“الحق نفسك قبل ما الوجع يغيّرك..لأنك عُمرك ما هتعرف ترجع تاني !”
― محمد صادق, هيبتا

“الحب اللي بجد هو اللي الدنيا عمالة تهيئك ليه من ساعة ما اتولدت.. بكل حاجة وحشة وكل حاجة حلوة ..بعلاقات بايظة وجراح ماتتنسيش.. الحب بيبدأ بجد لما القلب يسأل سؤال صغير كده قوى بيفرق في كل حاجه.. لما بيسال هو انا مش هرتاح بقي.. الحب أصله استعداد نفسي.. عشان كده مرحلة البداية أهم مرحلة بكل اللخبطة اللي فيها لأنها هي اللي بيجي فيها لحظه معينه بنقدر نستسلم لأننا ممكن نتوجع تاني.”
― محمد صادق, هيبتا

“هناك أشياء في الحياة، مهما طال عمرها، قصيرة..
و هناك أشياء، مهما قصر عمرها.. مؤبدة..”
― محمد صادق, هيبتا

“الصديق الحقيقي ، هو الذي يعلم معنى صمتك. ويظل بجانبك دون أن يفتح فمه !”
― محمد صادق, هيبتا

“ورقة في عرض البحر مكتوب عليها .. أنقذوني !”
― محمد صادق, هيبتا

“هناك أشياء إن بررناها أصبحنا في نظر أنفسنا أقل بكثير.”
― محمد صادق, هيبتا

“قال لها بهدوء :
- هو أنا كان لازم أموت عشان أقابلك ؟
قالت مغمضة العينين بـابتسامة هادئة :
- لا .. أنت كنت لازم تموت عشان تعرف تلاقي في نفسك براح إنك تعيش !”
― محمد صادق, هيبتا

“انت عمرك ما كنت مسئول عن مرضك... بس النهارده انت مسئول عن شفاك.”
― عصام يوسف, 1/4 جرام