Ähmëd Îbrähîm > Ähmëd's Quotes

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“ايديا فى جيوبى و قلبى طرب
سارح فى غربة بس مش مغترب
وحدى لكن ونسان و ماشى كده
وبابتعد....ماعرفش....او باقترب
عجبى”
― صلاح جاهين

“أنا اللي بالأمر المحال اغتوى
شفت القمر نطيت لفوق في الهوا
طلته مطلتوش - إيه أنا يهمني ؟
وليه ما دام بالنشوى قلبي ارتوى

عجبي !!”
― صلاح جاهين

“حقيقة قصة غرق التيتانك
هناك كاهنة عاشت وماتت سنة 1600 قبل الميلاد وكانت لها قوة اخطر من قوة توت عنخ امون... هذه الكاهنة عاشت في مدينة طيبة.. وكان نفوذها قويا وسحرها مخيفا.. وقد استطاع العالم الاثري دوجلاس موراي ان ينقلها من مصر الي لندن ولكن حدث ان ذهب هذا الرجل للصيد فانطلقت البندقية فيه واصابت ذراعه.. وحاولوا ان ينقلوه الي القاهرة .. فلم يفلحوا .. وانما هبت رياح غريبة عطلت سير السفينة وبعد عشرة ايام وصل الي القاهرة وقطعوا ذراعه ... واما الخادمان المصريان اللذان نقلا تابوت هذه الكاهنة , فقد ماتافجأة, وما الثلاثة الانجليز الذين حرسوا التابوت دون ان يعرفوا قوة هذه اللعنة الفرعونية فقد ماتوا في الطريق.. وعندما رست السفينة على الشاطئ الانجليزي نزلت اربع جثث, جثث هؤلاء الانجليز وجثة الكاهنة.
وكان موراي يشكو من ان عيني الكاهنة تتحركان في اتجاهه, وتتبعانه اينما ذهب .. وتخلص موراي من التابوت.. واعطاه لسيدة غنية.. انكسرت رجلها.. وانتحرت ابنتها.. وابنتها الاخرى هرب منها خطيبها.
وقررت السيدة ان تبيع التابوت للمتحف البريطاني.. واشتراه المتحف البريطاني ووضعه في احد المخازن .. ويقال ان عددا من الحراس الذين نقلوه قد ماتوا الواحد بعد الاخر وفي ظروف غامضة.. وحاول احد العلماء ان يدرس التابوت اكثر ونقله الي مكتبة .. هذا العالم كان يصرخ لا شعوريا , ووجدوه بعد ذلك ميتا
وفي يوم 4 ابريل 1915 روعت الدنيا كلها بغرق السفينة تيتانيك عندما اصطدمت بأحد الجبال الجليدية وكان على ظهرها الفان من الركاب وقد غرق منهم 1517 نسمة ولم يكن احد يتصور ان هذه السفينة سوف تغرق لاي سبب ويقال ان القبطان والبحارة لم يستمعوا لكل التحذيرات التي ارسلتها لهم السفن الصغيرة وغرقت الباخرة
وبعد غرقها بعشرين عاما اعلن احد علماء الاثار ان المتحف البريطاني عندما قرر التخلص من تابوت هذه الكاهنة ارسله على ظهر السفينة تيتانيك هدية الي المتحف الضخم الفخم بمدينة نيويورك.”
― انيس منصور

“ثمة شخص جمع الاوغاد والخاملين والافاقين و فاقدي الهمة من كل ارجاء الارض في وطن قومي واحد هو مصر...لهذا لا تجد في اليابان فاقد همة...لهذا لا تجد في المانيا وغدا...لهذا لا تجد في الارجنتين افاقا...كلهم هنا يا صاحبي !!”
― احمد خالد توفيق__ يوتوبيا

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم

“برغم إن الكلام ع الحب من نظرة كلام معتاد
وإن الصدفة أحيانا بتبقى بألف ألف ميعاد
ورغم إن الكلام أصلا بينقص حاجة كل ما زاد
ورغم إني جدع وتقيل وعمرى ما أقولها بالساهل
أنا نفسى أقولها لك فـ أول مرة نتقابل
فلو كان المكان يسمح وست الكل لو تأذن
أنا عايز أقول إني بحبك من زمان جدًا”
― مصطفى إبراهيم

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم