Iman > Iman's Quotes

“قتلوه من التعذيب وقالوا انتحر..
فكرت لحظة وقلت: آه يا غجر!..
لو جنسكم سبناه يعيش في الحياة..
اللي انتحر راح يبقى جنس البشر!”
― صلاح جاهين, رباعيات صلاح جاهين

“لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره

عجبي!”
― صلاح جاهين, رباعيات صلاح جاهين

“ياللي بتبحث عن إله تعـبده
بحث الغريق عن أي شيء ينجده
الله جميل وعليم ورحمن رحــيم
أحمل صفاته .. وانت راح توجده
عجبي

يأسك و صبرك بین إيديك و انت حر
تیأس ما تیأس الحیاه راح تمر
أنا دقت مندا ومندا عجبي لقیت
الصبر مر و برضك الیأس مر
عجبي


أنا قلبي كان شخشيخة أصبح جَرس ....
جلجلت به صحيوا الخدم والحرس...
أنا المهرج .. قمتو ليه خفتو ليه
لا فْ إيدي سيف ولا تحت منى فرس
عجبي !!

سمعت نقطة ميه جوه المحيــط.
بتقول لنقطه ما تنزليش في الغويط.
أخاف عليكي م الغرق .. قلـــــت أنا
ده اللي يخاف م الوعد يبقي عبيط.
عجبي !”
― صلاح جاهين, رباعيات صلاح جاهين

“خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟”
― صلاح جاهين, رباعيات صلاح جاهين

“عبثا باقول واقرا في سورة عبس / ماتلومش حد إن ابتسم أو عبس / فيه ناس تقول الهزل يطلع جــــد / و ناس تقول الجد يطلع عبـــــث”
― صلاح جاهين, رباعيات صلاح جاهين

“على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب”
― صلاح جاهين

“ولدي نصحتك لما صوتي اتنبح..
ما تخافش من جني ولا من شبح ..
وان هب فيك عفريت قتيل اساله ..
ما دافعش ليه عن نفسه يوم ما اندبح ..

وعجبي”
― صلاح جاهين

“أوقات أفوق ، ويحلّ عني غبايا
وأشعر كأني عرفت كل الخبايا
وافتح شفايفي عشان هقول الدرر
مقولش غير حبة غزل في الصبايا

عجبي !!”
― صلاح جاهين

“ مرغم عليك يا صبح . .مغصوب يا ليل.
لا دخلتها برجليا ولا كان لي ميل.
شايليني شيل دخلت أنا في الحياة.
وبكرة هاخرج منها شايليني شيل”
― صلاح جاهين

“عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق

!!!عجبي ”
― صلاح جاهين, رباعيات صلاح جاهين

“نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!”
― صلاح جاهين

“سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!”
― صلاح جاهين, رباعيات صلاح جاهين

“في يوم صحيت شاعر براحة و صفا الهم زال و الحزن راح و اختفي ... خدني العجب و سألت روحي سؤال .. أنا مت ؟و لا وصلت للفلسفة عجبي”
― صلاح جاهين

“فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد
عجبي!!!”
― صلاح جاهين, رباعيات صلاح جاهين

“في ناس بنشوفها بالالوان وناس جواها مش بيبان
وناس اسود وناس ابيض وناس محتاجه بس امان
واكتر ناس تآمنهم ما بيجي الجرح غير منهم
وناس انت بعيد عنهم بتنسي معاهم الاحزان”
― صلاح جاهين

“الشارع لنا، إحنا لوحدنا و الناس التانيين دول مش مننا، دول ناس أنانيين في مكانهم واقفين
دول مش مننا”
― صلاح جاهين

“ليه يا حبيبتي ما بينا دايما بحور
أعدي بحر ألاقي غيره اتحفر”
― صلاح جاهين

“علم اللوع اضخم كتـــــــــاب في الأرض

بس اللي يغلط فيه يجيـــــــــبــه الأرض”
― صلاح جاهين

“لما بلد تتعرض للبيع بجملتها.. تتباع رعيتها بالقطاعي..بالملاليم..”
― صلاح جاهين

“هات يازمان وهات كمان يازمان
غير البسمة الشجعان مامني يبان
هو اللي داق الفرحة يوم ثورته
يقدر يعود ولاثانية للاحزان
وعجبي!!”
― صلاح جاهين, رباعيات صلاح جاهين

“فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!!”
― صلاح جاهين

“كان ياما كان فيه ملك لـكن مالوش أحـباب
عشـق رمى التاج و عاش العمر كله شـباب
فيه نـاس يقـولوا عليه مجنون و ناس جاحد
وأنا اقول أبيع عمرى كله بيوم غرام واحـد”
― صلاح جاهين, الأعمال الكاملة لصلاح جاهين

“«كرباج سعادة وقلبه منى انجلد..
رَمَح كإنه حصان لف البلد.
. ورجع لى آخر الليل وقالى ليه.
.خجلان تقول إنك سعيد يا ولد”
― صلاح جاهين, رباعيات صلاح جاهين

“يا عندليب ماتخــافش من غنوتك
قول شكوتك واحكى على بلوتك
الغنوة مش ح تموتك إنما
كتم الغنا هو اللى ح يموتك
عجبى!”
― صلاح جاهين, رباعيات صلاح جاهين

“عيني رأت مولود على كتف أمـــــــــــه

يصرخ تهنن فيه يصرخ تضــــــــــــمه

يصرخ تقول يا بني ما تنطق كـــــــلام

ده اللي ما يتكلمش يكتر همـــــــــــــه

عجبي !!!!”
― صلاح جاهين

“ياللي انت بيتك قش مفروش بريش

تقوي عليه الريح .. يصبح ما فيش

عجبي عليك حواليك مخالب كـــــبار

و ما لكش غير منقار و قادر تعيش

عجبي !!!!”
― صلاح جاهين

“يا مشرط الجراح أمانة علـــــــــــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!”
― صلاح جاهين

“ولو انضنيت وفنيت وعمري انفرط
مش عايز ألجأ للحلول الوسط
وكمان شطط وجنون مانيش عايز
يا مين يقولّي الصح فين والغلط”
― صلاح جاهين

“وأنا في الظلام من غير شعاع يهتكه.
أقــف مكانى بخوف والا أتـركــــــه. ولمـايـيجى النور واشوف الــدروب.
أحــتار زيـاده أيــّهــم… أســلكـــــــــه.

عجــبــي !”
― صلاح جاهين

“بعد الطوفان الجو شبورة
ننده لبعض بهمسة مذعورة
بشويش نمد الإيدين
ياللي أنت جنبي أنت فين
كان فيه طوفان و خلاص
مابقاش طوفان
المسني ونسني أنا حيران
قل لي
إيه اللي بالإمكان”
― صلاح جاهين