Hamada Elmagic > Hamada's Quotes

“فاضل إية ما أتعملش لسة فيكى مات شباب مات صغار واللى فيكى لسة فيكى ..... ع المناصب والكراسى ناس بتجرى وانتى فاتحه لهم ايديكى ..... فى اللى هارب واللى ناهب واللى قلبة داس عليكى ..... مش كفاية هزار معايا واللا ناوية تبتدى تمدى فى إيديكى !!!!.....وانتى لسة مكملة فى دور غريب لا انتى عارفه مين عدو ومين حبيب ؟؟!!!!.. ارحمينى وبطلى تتعبينى حراااااام عليكى”
― Mohamed Robinho

“بطل تعيش فـ خيالك
و فــــــــــوق بقــي
الحياة مش واقفالك
زمـن الطيبة انتهي”
― Mohamed Robinho

“انا دَمعه مَحبوسه بـ الكَرامه فـ حَي مات ..!
انا قلب مَدبوح بـ السُكات..!
انا صوت صدى ..
مافضلش منه غير اهات !
انا يوم وفات ..
والعمر كَمِل رحلتهُ ..!
انا صَبر مَل من كُتر دقات الساعات !
انا نار كئيبة بقت رماد .!
وشموخ جبل ما يهزه ريح .. اصبح فُتات !!
انا اللي مَريت فـ العيون كيف الخيال ..!
وكأني موجود من عدم ... !
انا روح جَماد ..!
ممزوجة بـ مرارة نَدم .!
انا ماضي جاي.. وبكره رايح للي فات !!
و دَمعه مَحبوسه بـ الكَرامه فـ حَي مات ..!
انا اللي مَوجود من عَدم ...!!”
― Mohamed Robinho

“حاطط ايده علي خده
مستني ايديها يتمدوا
يرسموا الضحكه بجد !”
― Mohamed Robinho

“مانيش مَسطول ..
لكني برضُه مش فَايق ..!
وانا المَسئول ..!
وضحكه تقول ..
سَعيد ومزاجي مش رايق ..!
خيال مشلول ..!
وعين شاكيه ..وعين باكيه ..
وبسمه وسط دمعتها .. كتير بتقول ..!
يااااااا على الهم”
― Mohamed Robinho

“حاسس بـ مُودك مِش تَمام ؟!
خَنقه وملَل ومفيش كَلام ..
وِشَك مِكرمش و الزَهق عَمال يزيد..
واليوم بيمشي والسَلام ومَفيش جديد..
طب ليه تِكشر حَضرتك ؟
قوم هات صِور من دَرفتك ..
البوم قديم من كام سنه ...
امسح ونفض فالتُراب... بشويش يا عم هنتخنق.
شوف الصور..تاني افتكر ايام زمان..
وافتح بيبان الذكريات ..
صورة بـ كورة ع البيلاج فـ اسكندرية ..
صور صحاب المدرسة ..
رحلة جنينة الحيونات...
هتلاقي ذكرى هتبسطك وتضحكك ..
افتح بيبان الذكريات ..
لازم هتضحك ..
ماهو اصل البوم الصور ..مليان عاهات ..!”
― Mohamed Robinho

“مش كُل من قَالك هَفيدك تسمعهُ ..!
وبرضو مش كُل اللي جايلك تمنعهُ ..!
اوزن كلامهم بالميزان ..
في كلام تلاقي مصدره مقنع وعاجبك .!
وكلام رخيص تافه ملوش ولا قيمه عندك
كرمشه وارميه....!
و مترميهوش ع الارض.... في زباله جمبك..!”
― Mohamed Robinho

“بين البداية و النهاية
فرق الساعات
و بين الحكاية و الحكاية
حبة حاجات
عيشها ببساطة
اصل اللي خايف م اللي جاي
عمره ما هاينسي اللي فات”
― Mohamed Robinho

“الحلم فوق الرف
و أيديا مش طيلاه
الحلم فوق الرف
و انا قلبي فوق وياه
شايفة و بتحسر
خايف أنط أجيبه
الحلم يتكسر !”
― Mohamed Robinho

“مكنتش أنا ناوي ,,
بــس الفراق هاوي ,,
يطــول غربتــــي ,,
يحسسني بـــ وحدتي ,,
يمحــي سنين فاتت كانت فيها فرحتي ,,”
― Mohamed Robinho

“انا جوه قلبي الف كلمة مقولتهاش
قدام عنيكي اقول هاقول
و اضعف و اخاف و اقول بلاش
مستني منك كلمه واحد
مستني منك ضحكة وحده
هافضل اعيش و اعيش عشانك
و يوم ما اموت هاتبقي انتي
حلمي اللي عاش !
انا جوه قلبي الف كلمة مقولتهاش”
― Mohamed Robinho

“عرفـــت انـــها متـــساويـــش

فقررت اديهـــا تطنيــش وزى مــا احــب هعيـــش

اصــل انــا فــ الهــم مليـــــــش

فــ يـا دنيــا فكـــك منــى او عادى متفكيـــش”
― Mohamed Robinho

“ف دخل ايده في جيوبه
و لخبط همه فـ عيوبه
و شاف الضعف فـ ذنوبه
و قال للدنيا يا كافره !”
― Mohamed Robinho

“اخر كلمه
كانت بنا
قبل ما يقفل هو الخط
كانت فركش
احنا وصلنا مع بعض طريق
كان الحب
عاجز ومكرمش
فقد الوعى وجاله زهيمر
ناسى شباب الوصل وفرحه
ولما بقوله ازى تتغير
بقل أساوه
قلبى اهو جرحه
وقفل الخط”
― Mohamed Robinho

“هات جديدك يا زمن
الضحك لسه ليه تمن
و الهم ارخص م الجنيه”
― Mohamed Robinho

“عارف انا وانت ايه
انا شيفاك زي القمر
قمر بسهر ليلاتي
أبصله
واحنله
لما يغيب ..
لكني بفضل أنتظر ..
تتولد من جديد ..
تنور مكانك جوا قلبي ..
تنور مكانك في السماء .. وسط الشجر
**
حبك ساعات ينقص في قلبي..
لكن تملي يكتمل ويبقى بدر ..
وأفضل اسرح فيك كتيـــــر
أرسم بيوت وأرسم أميرة وانت الأمير ..
ارسم شطوط وارسم بحر ..
**
وعتمة الليل المخيفه ..
زي لون شعري ..
زي لون الحزن ..
زي أيام حياتي السخيفة
لكن لما ببصلك ..
بحس دايما بلآمان ..
بنسى روحي .. وأنسى حزني ..
وانسى اي جرح كان
في وجودك يا حبيبي ..
عمر قلبي ما حس يوم بالخطر ..
**
يمكن بعيد.. أبعد عني ما يكــــون
لكن حبي قرب المسافات ..
خلى المسافة بينا
زي المسافة ع الوشوش بين العيــون ..
أنا قولتلك انت ايه ..
ولما سألتك نفس السؤال ..
قولتلي ..
انتي زيك يا حبيبتي زي بقية البشر”
― Mohamed Robinho

“رغم جروحى
مستغرب فراشات روحى
لسه محافظه ع الالوان
لسه بتضحك زى زمان
وبتلعب تانى على سطوحى
رغم جروحى”
― Mohamed Robinho

“و فضل الحب جواهم
و كان ماشي عل هواهم
و شافوا كل احلامهم
و رسموا الضحكة ف كتابهم”
― Mohamed Robinho

“على كل جدار فى القلب مرايا
علشانك تتكرر جوايا
واشوفك
صاحبى
وفرجى
وجرحى

واطلع بيك م الدنيا كفايا”
― Mohamed Robinho

“انا فى اتجاه
وانت فى اتجاه
ولو مره اتقبلنا
حد فينا تاه
لاعمره فى يوم
جمعنا هدف
والعشق
كان عندك ترف
والى شغلك منى بس
وتر مشدود
يتعزف
انا بعترف
انى سبت ليكى قلبى
انى ماحبتكيش بعقلى
ان ده كله ذنبى
اننا لازم نختلف
انا بعترف

اختلفنا
كان هدفنا
كنا فيه بندارى خفنا
كنا بنـ نظم صفوفنا
لوقت الحسم
كلنا حصم
بعترفنا

بعترفنا
كنا بن جهز سيفنا
سيف الكلام
سيف الملام
سم الغرام
وقامت قوام
ودرع المحبه الى انكسر
خلى الموجه تكون خطر
صعب فينا مين ينتصر
الضرب كان تحت الحذام
وقفت قوام”
― Mohamed Robinho

“راسمين طريقي ع الهوا

ومحركيني ف الهوا

يمين يمين
شمال شمال

كما الهطل

مضحكين بيا العيال

وأسمي البطل !!!

عاطييني ليه دور البطولة

لما أنتو رابطين أيدي بحبال !!!!!”
― Mohamed Robinho

“ساعات البعد راحه
وساعات يزيد الوجع
عاتب بس بالراحه
خليك حبيب جدع
وعايز تكون قاسى
خاصمه واعمل ناسى
لو عاد قبل التماسى
اتبع عتابك بالدلع”
― Mohamed Robinho

“متقولش على حد وحش
وانت متعرفوش

ياما وشوش جميله
بس فى الأصل وحوش

ده ياما ناس غلابة قلبها ابيض
و ناس القلب الأبيض متعرفوش”
― Mohamed Robinho

“انا مش كلام على الورق ولا جزء مش محسوب
الكون ده لما اتخلق كان ليا دور مكتوب”
― Mohamed Robinho

“لما الكون .. كله يكون ..
بيراهن على دقة قلبك ..
و اما تشوف .. حتى الخوف ..
مطمن جنبك و ف قُربك ..
و اما بتملَى الضحكة غُناك ..
و يطول حلمك حضن سماك ..
و اما تكون مستنى دموعك ..
تِلقى الفرحة ماهيش سايعاك ...
يبقى ضرورى تكون بتحب ..

لما الروح .. فجأة تروح ..
من نغمة عشق معدِّيــة ..
واما يضِـيق .. كل طريق ..
تلقاك طاير و ب حرية ..
واما القلب تزيد دقاته ..
و الطير تتلوِّن نغماته ..
و اما الحزن ف عُمرك يطرَح ..
سكر دايب ف ابتساماته ..
يبقى ضرورى تكون ..
ب ت ح ب :)”
― Mohamed Robinho

“حبك سفر
و طريق طويل هكمله
و برغم إني ف اولُه
لكني واثق م الوصول
قلبي حمول
و عينيكي ضرب من الخيال
فيها إمتزاج العزَّة
بالشوق بالدلال
بُعدي مُحال
و مُجَرَد التفكير جريمة
عارفاني عاشِق للجَمال
و بحب حاجاتي القديمة
عارفة ساعات
اما بقلِّب ف الحاجات
القاكي دايماً ف الرسوم”
― Mohamed Robinho

“عاوزها تكون حبيبة بجد
وزوجه وأم لعيالي
تكون العاقلة وقت الجد
وزي الطفلة تحلالي

كحيلة العين وخجلانة
ومش رغاية زنانة
فـ وقت الحب مجنونة
وتضحك ضحة رنانة

عاوزها الحظ والعكاز
وتوب حنية وسط الناس
تكون مرجع فـ وقت الضيق
وهيئة كبيرة للإحساس

عاوزها تنافس القمرة
وتظهر بالنهار والليل
تكون أجمل من الزهرة
بألونها وصفاء النيل

تكون هادية وحبوبة
دموعها تفارق الخدين
وترسم ضحكة مكسوفة
تغار منها رموش العين

وفي الآخر هقولك إيه
أنا بتمنى أشوف غيرتك
فـ تكوينك وكينونتك
واخاف لو حد جاب سيرتك
وتظهر فـ الهوى حيرتك
ولما بنتنا تكبر
وتسحر كل أولادهم
ساعتها يقولو طلعالك
وتستاهل عشان بنتك”
― Mohamed Robinho

“واّه مِن ضِحكة ضِحكتها ..
ومِن جواها مكتومة ..
وكَام دَمعة بتحبسها ..
ومِن جَواها مهَمومة ..
وايِد كانت بتفردها ..
بقِت دلَوقتي مضَمومة ..”
― Mohamed Robinho

“تشرب اية ؟؟
انا قهوتي سادة !!!
قالت حاضر .. قلت استني ..
قالت مالك .. قلت افادة !!!!!!!
اوعي صوابعك تنزل فيها ..
من حلاوتهم
تقلب من سادة لزيادة !!”
― Mohamed Robinho

“يمشى ينادى "ربوبكيا" على قلبه اللى راح
و الناس تقول " قلبه تعب من مشاوير السنين "
و م الخدوش و التعاوير و الجراح
و الناس اللى بتطبطب ايديهم على جسمه سكاكين”
― Mohamed Robinho