Hadeel Medhat > Hadeel's Quotes

“إن السعادة تنتقل بالعدوى ..لا تنتظر عدوى أحد .. كن حاملاً لهذا الميكروب”
― أنيس منصور

“You only live once, but if you do it right, once is enough.”
― Mae West

“صدقنى انا زاهد بالصدفة .. او من غير قصد
انا طاير آه .. لكن علشان مش لاقى الارض
صدقنى انا كان نفسى اتعلق .. ف حاجات ياما
وأعيش احساس ان انا فعلا من غيرها هموت

انا اعرف اعيش
من غير ما احتاج انى اقرا الوقت
من غير ولا واحد م اللى اعرفهم دلوقت
انا اعرف اعيش من غير اسمى
او سنتوف بره حدود جسمى”
― مصطفى إبراهيم, المانيفستو

“يا بشر عرفاني و عارفه أنا مين
بلغوا أسفي لكل البلالين
كلنا كنا ف يوم بالونة
فقعتنا تجارب بني أدمين”
― مصطفى إبراهيم, ويسترن يونيون فرع الهرم

“ما بيبكيناش ف غيابكم إلا الشوق
وما تفهموش من ضحكتى إنى ارتحت
لو حدّ فينا ارتاح يبقى اللى بيغمض ساعة الفراق
أما أنا ساعة الفراق .. فتّحت”
― مصطفى إبراهيم, المانيفستو

“وأسمع حكايات صاحبي الأنتيم
ونكلم بعض واسرح
ف ادوس علي حرف الميم دوستين ورا بعض
وبسيبه ساعات لما أزهق من كتر الحكايات
وأكتبله حاجات ملهاش معني زي الشفرة
وابعت للناس ف وشوش صفرا
وازعل منها ف أكتب طيب
وأزعل أكتر ف اكتب ماشي
وبراحتك اصلا أنا ماشي
واما أضحك ادوس علي حرف ال هه
وعلي قد الضحكه أفضل دايس
ازعل ملاقيش للحزن زرار
وبرغم بأنى معبّي وشوش
فعلا ملهوش.... إزاي حختار؟
فيه وش واحشنى وعمره ما جه
....مصطفى بيقولك
ب
ر
ب
......فيرد يقولي
ت
ى
ت

ف اطلع واقفل نور الاوضه....
واسند بدراعى على الشباك
وابص لفوق
واتمنى ساعتها اكون وياك
واسرح وافوق
واما ازهق م الوقفة لواحدى
اكمن مفيش حد معدي
ف بطّلّع شباك الدنيا
......واكتبله انا باك”
― مصطفى إبراهيم

“العيال اللى كانت بتقعد ف أول ديسك وبيتصاحبوا على المدرسين ويفتنوا على أصحابهم، غالبًا لما يكبروا بيبقوا إخوان. والعيال عديمة الموهبة اللي نفسهم يبقوا حاجة بالعافية، بيكبروا ويبقوا ظباط. والعيال اللى كانت بتجيب معاها حلويات مستوردة والمقلمة أم دورين، هم وأصحابهم بيبقوا فلول. والعيال اللى كانت بتقعد معاك ورا تقشّر يوستفاندى وتقزقز لب سوبر وتقلب ريحة الفصل، بيكبروا يبقوا ليبراليين ويطلع ميتين أبوهم علشان علّموا على كل العيال دى وهمّ صغيرين.”
― مصطفى إبراهيم

“ساب الجاكت في الفاترينه
بعد ما قاس
ساب الجزمه في الكرتونه
بعد ما داس
حط التلج وبلع بق
وساب الكاس
ساب حكاياته للي حاكيها
وفضي حياته للي ماليها
ساب الدنيا بكل مافيها
بعد ماجرب كل الناس”
― مصطفى إبراهيم

“أدين بـ دين الجدعنة و بـ دين رفاق الدرب

و بـ قولة إحنا مش أنا فـ المعمعة و الضرب

و بـ دين ما كنت مصدّقه فـ المعركة الأولى

و بـ دين جثث فـ المشرحة أساميها مجهولة

و أدين من ساب على الأسفلت اخواته مقتولة

و اقوله التوبة مقبولة إلا فـ وقت الحرب”
― مصطفى إبراهيم, المانيفستو

“السلام عليكم ياللى سيبتونا و نزلتم تحت
السلام عليمن ياللى سيبتونا و طلعتم فوق
ما بيبكيناش ف غيابكم الا الشوق
و ما تفهموش من ضحكتى انى ارتحت
لو حد فينا ارتاح
يبقى اللى بيغمض ساعة الفراق
اما انا ساعة الفراق ... فتحت”
― مصطفى إبراهيم, المانيفستو

“ارجوك يا زمان خبى المقدور
الضلمة براح اكتر من النور
سيبنى اتخيل .. ان انا بختار
قبل اما اعرف .. ان انا مجبور”
― مصطفى إبراهيم, المانيفستو

“ثم دارت اللمونة
دورة كاملة… ثم داخت
ثم جه إخوانّا ولامونا
ثم إن الثورة باخت
ثم هُمّا هُمّا برضه
اللى باعوا الطول وعرضه
يِصحُوا يتخانقوا ويعارضوا
ثم إن الرِّيحة فاحت
ثم مش نازلين معاكو
ثم إن الجيش حمونا
ثم تاخدوا على قفاكو
ثم دارت اللمونة…….
ثم قال حانزل لوحدى
ثم دقن ف كل حتة
ثم يعمل مليونية
ثم يمشى الساعة ستة
ثم يعمل فيها عنتر
ثم ياخد علقة سخنة
ثم حيخزوقنا عسكر
ثم يطلع من نافوخنا
ثم فيه أصلا مؤامرة
ثم ناس مش لاقية تاكل
ثم تيت الثورة حمرا
إحنا مش عايزين مشاكل
ثم دارت اللمونة
دورة أكبر… ثم دخنا

ثم فجأة الكل يتعب
ثم إن الجيش حيقتل
ثم إحنا حمارنا يغلب
ثم جيم الدومينو يقفل
ثم مصر عاوزة زَقَّة
ثم ناس ماتقولش لأه
يركبوا عَ الثورة تانى
ثم نخسر… ثم نكسب”
― مصطفى إبراهيم

“يعني أنَا لو مِنَّك بصراحة
وقَلَبت الصناديق عرض وطول
ومالقيتش اللي أنا كان نفسي ألقاه
هَفْضَل سايب صندوق مقفول
وهَقول بالتأكيد كان جُوَّاه”
― مصطفى إبراهيم, المانيفستو

“للأسف من صغر سني
علتي .. بزهق قوام
ابتدى و أسخن لكنى
بعد فترة أبرد و أنام
كله في الأول بميل له
و كله في الأخر بمله
حتى لو كان شئ فاضله
خطوة واحدة ع الختام”
― مصطفى إبراهيم, ويسترن يونيون فرع الهرم

“البقاء لله يا صاحبى
شد حيلك ..كله فانى
وابقى قول لو عوزت حاجة ..وانت عارف فين مكانى
وإحنا أهل مفيش كسوف
حد ضامن الظروف ؟!
وانتا عارف
عينى ليك
واحنا عشرة
وعيب عليك
إنتا خيرك برضه سابق
واللى بينا مش شوية
واللى راح كان زى أخويا
وكان جدع ويخاف عليا
وكنت أحس إيه مضايقه وهو جاى من بعيد
وكان فاهمنى زيى وأكتر
وكنت أنا صاحبه الوحيد
من وكنا صغيرين
إتناقشنا فـ كل حاجة
كورة ..فن ..سياسة ..دين
وله معايا ..ميت حكاية
وذكريات ملو السنين
وربنا يجمع ما بينا فـ حتة أحسن
قول آمين .
هو مين بيعزى مين !
ولا اعزى ازاى فـ دمى
ع العموم متشيلش همى
وخلى بالك بس منى
مش بقول تنساه لكنك
عارف إن الدنيا ماشية
وبكره نبقى كويسين
وابقى زوزره كل جمعة
واقرا عدية يس
وانتا عارف
لو هينفع
كنت أجيلك
والبقاء لله يا صاحبى
وشد حيلك
اللى فات ..
نص تلغراف وصلنى من ساعات
وكان عزا نصى اللى عايش ليا
فـ النص اللى مات”
― مصطفى إبراهيم

“تحتك فى ناس عايزة الأمل .. مش عاوزه ؟ سيبهولهم”
― مصطفى إبراهيم, المانيفستو

“نشبه لإيه؟؟
نشبه لأي إتنين يحبوا و ميقولوش!
نشبه لإيه؟
لإلي خايفين يحلموا ف مبيعيشوش
و ملقوش طريق يتقابلوا فيه..نشبه لإيه؟
نشبه حكايات عيشتها..أو حلم ناقص و إنتهى..
نشبه حاجات مش وقتها..أو جرح متعود عليه
نشبه لإيه؟!”
― مصطفى إبراهيم

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم

“الكوتشي اللي باش
م اللف ف شوارعك
يحرم عليه
يبوس ارض غيرك

والقلب القماش
اللي مكوي بعمايلك
لساه معبق
بريحة عبيرك

والواد اللي عاش
طول عمره يحايلك
ونفسه اسمه
ييجي في رسايلك

وتبعتيله تطمنيه
ان انتي عارفة
ان انتي ليه
وان انتي قايمة ونايمة بيه

وقت الشتا يتدفي بيكي
ووقت الخطر تتحامي فيه
وساعة اما بيقسي عليكي
وساعة اما بتدعي عليه
محدش فيكوا بيهنالوا بال

واول ما تصفي تفكي الريال
وتروحي تجيبيلوا كوتشي بدال
الكوتشي اللي باش”
― مصطفى إبراهيم

“لو دامت فى ايد غيرك مكنتش وصلتلك .. حصلت لميت واحد زى اما حصلتلك ... علشان كدا بزعل لكن مابتأزمش وساعات كتير بفرح لكن مابتعشمش فى حاجات مابتدومش”
― مصطفى إبراهيم

“ونا قلبى لف ودار ميت الف ليل ونهار نفسة فى فرحه كادوه وحلاوه من غير نار وما الزمن تعبه قصقص شريط الففيلم خد كادر كات عاجبة وقرر يعيش فى الحلم”
― مصطفى إبراهيم

“مَثلُ الذين بِيمشوا ع الكتالوج
و بِيعملوا المطلوب .. مِن غير ولا غلطة
مَثلُ الذين بِيركبوا المترو
و ما يركبوش اتناشر و أربعة بشَرطة
لاتنين ما بِيحبوش .. القعدة ع الدكة
و بِيكسبوا وقتهم
و بِيخسروا السِكَّة”
― مصطفى إبراهيم, المانيفستو

“و إن بعتوا دم شهيد .. بكرة .. هتتباعوا”
― مصطفى إبراهيم, المانيفستو

“و بتأثر
و بتحسر
على كل اللى كان ممكن
أكونه
بس ما بقيتهوش”
― مصطفى إبراهيم, المانيفستو

“أصل اللي زيي حيعيش لماذا ؟
لو عاش لوحده
العمر كله ؟؟”
― مصطفى إبراهيم, ويسترن يونيون فرع الهرم

“ساب الجاكت في الفاترينة..
بعد ما قاس..
ساب الجزمة في الكرتونة..
بعد ما داس
حطّ التلج وبلّع بُق وساب الكاس..
ساب حكاياته للي حاكيها..
وقضّى حياته م اللي ماليها..
ساب الدنيا بكل ما فيها..
بعد ما جرّب كل الناس..”
― مصطفى إبراهيم, ويسترن يونيون فرع الهرم

“عارف ؟
حلوة قوي ضحكتك
لكنها بتكشفك
وتقول إنك موجوع”
― علي سلامة

“معرفش ليه ...
تنحت للدنيا كده .. !
وفجأة لقيتني مسكون بالملل ...
لاعندي رغبة ف البكا ..
ولا في الكلام ...
ولا عايز أنام ...
ولا حتي بسأل إيه ده ليه ..
وآخرتها إيه ..
وإيه العمل .......
وأخاف أقول لأي حد ….
أحسن يقوم يقلبها جد …
حد صاحبي ينزعج ...
يمد إيده جوه قلبه من باب الكرم ..
عشان يشاركني الألم ...
أو يستلفلي من لئيم حبة أمل ..
حالة كده ....
معرفش إيه ...
ملهاش معاد ..
ساعات تزورني ف الربيع ..
ف الحر ...
وف عز الشتا ...
وتجيب حاجات ...
لا فيها روح ولا ميته...
حالة كده ....
لا معاها تنفع كلمتين ولا غنوتين ...
ولا لقطة من ألبوم صور ..
آلاقي قلبي ف الهوا ويا الكور ...
أخاف أقول لأي حد ....
أحسن يقوم يقلبها جد ..
حالة كده ..
معرفش إيه ..
لكني بطلع منها بعد السكات ..
فاهم شويه ف اللي فات ..
حاسس أوي بحضن الصحاب ...
محظوظ أنا ...
ساعات أشاور ...
ينفتحللي ألف باب…
لكني باغلط ف الحساب ..
ومعرفش ليه
تنحت للدنيا كده ...”
― علي سلامة

“وأنا أقرأ لك أتخيلك وأنت تكتب،أرى وجهك، جلستك، حركة يديك، مكتبك... فأشتاق أكثر!”
― رضوى عاشور, الطنطورية

“عندما تتوقف بسيارتك في الاشارة بجوار ميكروباص فتجد جميع الركاب ينظرون اليك في وقت واحد ... نظرة لا معنى لها”
― عمر طاهر, شكلها باظت