Mohammed Nemr > Mohammed's Quotes

“لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره

عجبي!”
― صلاح جاهين, رباعيات صلاح جاهين

“سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!”
― صلاح جاهين, رباعيات صلاح جاهين

“غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع

عجبي !!”
― صلاح جاهين, رباعيات صلاح جاهين

“مع ان كل الخلق من اصل طين
وكلهم بينزلوا مغمضين
بعد الدقايق والشهور والسنين
تلاقي ناس اشرار وناس طيبين”
― صلاح جاهين, رباعيات صلاح جاهين

“أحسـن مـا فيهـا العشـق والمعشـقة وشـويتين الضـحــك والتـريقـة”
― صلاح جاهين, رباعيات صلاح جاهين

“حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟”
― صلاح جاهين, رباعيات صلاح جاهين

“أوصيك يابني بالقمر و الزهـــــــــــــور
أوصيك بليل القاهرة المسحـــــــــــــور
و إن جيت في بالك .. إشتري عقد فل
لأي سمرا.. وقبري إوعك تـــــــــزور”
― صلاح جاهين, رباعيات صلاح جاهين