Cheahour Seng > Cheahour's Quotes

“អ្នកដឹកនាំ ស្អីដែលខ្លួនយល់ថា ត្រូវ ត្រូវនាំប្រជាពលរដ្ឋពីកន្លែងខុស មកកន្លែងត្រូវ”
― Khem Veasna

“ចំណេះដឹងដំបូងដៃនៅក្នុងជីវិតរបស់ខ្ញុំ គឺខ្ញុំដឹងថាពិភពលោកហ្នឹង ដេក”
― Khem Veasna

“ខ្ញុំមើលសព្វៗទៅ ខ្ញុំថា អញឆ្កួត ឬក៏គេឆ្កួតណោះ? ស្រុកខ្មែរ ខ្ញុំចេះតែឆ្ងល់ អញឆ្កួត ឬក៏គេឆ្កួតណោះ? យូៗ បាកពេក គេច្រើនពេក អញឆ្កួត ឬក៏គេឆ្កួតណោះ? ចង់បានថ្នល់ ចង់បានសាលារៀន ចង់បានមន្ទីពេទ្យ ទៅនាំគ្នាធ្វើវិហារ យីម៉េចទៅចឹង ចង់បានសេចក្តីសុខអីណា ទ្រព្យសម្បត្តិមាតុភូមិហ្នឹងវាល្អសម្បូរសប្បាយ នាំគ្នាធ្វើវិហារ ចង់សងគុណម៉ែ ម៉ែនៅរែកទឹករាល់ថ្ងៃ ចង់សងគុណម៉ែ ទៅបួសលោក ខ្ញុំចេះតែឆ្ងល់ អញឆ្កួត ឬគេឆ្កួតណោះ? ម៉ែហ្នឹងក្រោយពីរែកទឹកហើយយកបាយទៅអោយកូនឆាន់ទៀត បួសសងគុណម៉ែ ហើយមួយប្រទេស អត់មានពីណាជំទាស់ទេ តុលាការអយុតិធម៌ណាស់ តុលាការអយុតិធម៌ណាស់ ដើម្បីអោយមានអំពើយុត្តិធម៌នាំគ្នាទៅដុតអុកធុកបួងសួងនៅវត្តភ្នំ ដឹកនាំដោយអង្កការសង្គមស៊ីវិល អ្នកនយោបាយល្បីៗនៅស្រុកខ្មែរ ខ្ញុំថា អញឆ្កួតឬគេឆ្កួតណោះ? អញដូចទុទ្ទិដ្ធិនឹងខ្មែរតាហ្មងបងប្អូន ធ្វើបុណ្យបាចអំបិលអោយគេចុះ បងប្អូនពិចារណាមើល ប៉ះគេក្តៅមកបង្ក្រាបហ្នឹងណា”
― Khem Veasna

“ក្មួយៗរៀនគិតបន្តិចមើល ពូអត្ថាធិប្បាយអោយក្មួយៗស្តាប់
-គ្មានការហួងហែង ក៏មិនមែនជាសេចក្តីស្នេហាដែរ
-បើគ្មានការហួងហែង ក៏មិនអាចនិយាយថា ជាការលះបង់ដែរ
-បើគ្មានការលះបង់ក៏មិនមែនជាស្នេហាពិតប្រាកដដែរ
-ប៉ុន្តែបើមានការលះបង់ តែការលះបង់នោះមិនគិតដល់តំលៃមនុស្សដែលយើងត្រូវលះបង់អោយ ក៏មិនមែនជាស្នេហាប្រកបដោយមសិការដែរ។”
― Khem Veasna

“Being sad is my happiness.”
― Khem Veasna

“មានពេលខ្លះណាបងប្អូន នឹកឃើញឧ៌ ខ្លួនអញវាចាស់ ខ្ញុំប្រើពាក្យថាម៉េចទេ? ដឹងគេពាល់អារម្មណ៍ខ្ញុំត្រូវអត់ទេ​ មែនរឿងខ្លួនខ្ញុំទេណាបងប្អូន រឿង​បស់គេ ដល់ពេលយើងវាក្តៅក្រហាយនឹងពួកអាខូចហ្នឹង វាពេញដីពេក ហើយខ្លួនឯងវាចាស់ ខ្ញុំមានអារម្មណ៍ថាម៉េចទេ? ខ្ញុំថា ជីវិតហ្នឹងដូចចង់ឆាចោល​ ជីវិតអញវី ដូចខ្លីណាស់ ដូចធ្វើអីមិនទាន់ហ្មង ដូចពួកអាខូចហ្នឹងនៅឲ្យពេញដី ពន្យល់ប្រជាពលរដ្ឋហ្នឹងមិនបាន ចឹងបានខ្ញុំចង់ធ្វើកុនមួយហ្នឹងក្រែងលោវាបានជាជំនួយខ្លះ អោយបងប្អូនមើល”
― Khem Veasna

“ខ្ញុំមើលសៀវភៅបានមួយចំនួន ស្តាប់គេពន្យល់បានតិចៗ ប៉ុន្តែអ្វីដែលខ្ញុំបានច្រើនជាងគេគឺអង្គុយគិត ខ្ញុំអាឡូវមើលសៀវភៅ សឹង មើលលែងចង់បាន ពីព្រោះខ្ញុំមើលទៅច្រើនតែខុស មើលទៅវាខុស បើសៀវភៅគេសរសេរពីប្រវត្តិសាស្ត្រ ពីការអភិវឌ្ឃន៍ស្រុកគេអីៗ ខ្ញុំមើល បាន ដល់តែសរសេរជាទស្សនៈ ពួកអ្នកសរសេរទស្សនៈទាំងឡាយមិនទាន់ធ្លុះអញ មិនទាន់ធ្លុះអញ”
― Khem Veasna

“ចំពោះមនុស្សម្មាក់ដែលបានធ្វើកំហុសអ្វីមួយ វាមិនសំខាន់ពេកទេដែលអ្នកបានសុំទោសគេរួចរាល់ហើយ ប៉ុន្តែវាកាតព្វកិច្ច ដែលអ្នកត្រូវតែពន្យល់គេយ៉ាងលំអិតនិងដោយស្មោះត្រង់ថាហេតុអ្វីបានជាអ្នកប្រព្រិត្តកំហុសនោះ ហើយដែលសំខាន់និងចាំបាច់បផុតនោះគឹ អ្នកត្រូវធ្វើអោយគេជឿជាក់ថា ដាច់ខាតអ្នកនឹងមិនប្រព្រិត្តកំហុសនោះម្តងទៀតឡើយ៕”
― Khem Veasna

“ប្រភេទទីបីជាកំពូលនៃក្តីស្នេហាដែលរកបានដោយកំរក្នុងសង្គមមនុស្ស ហើយមនុស្សពិបាកនឹងយល់បន្តិចពីព្រោះជួនកាលគេមិនអាចពាល់អារម្មណ៍នោះត្រូវ”
― Khem Veasna

“សព្វថ្ងៃ ខ្ញុំចង់បង្រៀនមនុស្សអោយទៅជាមនុស្ស”
― Khem Veasna

“ប្រភេទទីពីរ គឺមិនងងិតងងល់ដូចស្នេហាទីមួយទេ គឺមានការគិតគូរថ្លឹងថ្លែង រកភាពគួរឬមិនគួរ។ គេមានឱកាសគិត ព្រោះពិតណាស់គេមិនត្រូវបានអូសទាញដោយស្នេហាទីមួយទេ គេអាចពិចារណាទៅ លើរូបសម្បត្តិខ្លះ លើចរិយាសម្បត្តិខ្លះ ទៅលើភាពល្អរបស់ អ្នកដែលខ្លួនប្រុងរើសជាគូជីវិត មកលើខ្លួនគេខ្លះ។ ដូចជាប្រើពាក្យថានាង ឬគាត់ល្អនឹងខ្ញុំណាស់ នាងឬគាត់ស្រលាញ់ខ្ញុំណាស់ នាងឬគាត់បានលះបង់ចំពោះខ្ញុំច្រើនណាស់ នាងឬគាត់មានចរិតល្អណាស់ នាងឬគាត់យល់ចិត្តខ្ញុំណាស់ ខ្ញុំសង្ឃឹមថា អាចពឹងពាក់ជាគូជីវិតរហូតដល់ថ្ងៃស្លាប់បាន ខ្ញុំជឿជាក់ថានាងឬគាត់ស្មោះត្រង់នឹងខ្ញុំណាស់ ជាដើម ។ វាអាចកើតពីអានុស្សាវរីយ៍ល្អជាមួយគ្នា ឬភាពស៊ីសង្វាក់ផ្នែកអារម្នណ៍ដែលពិបាកបំភ្លេចគ្នាបាន។ ស្នេហាប្រភេទនេះមានចំនួនច្រើនគួរសមដែរ ហើយអាចជា understanding love ដែរ ព្រោះហេតុផលនៃការស្រលាញ់ភ្លឺស្វាងគួរសមដែរ ប៉ុន្តែ ជាក្តីស្នេហា ដើម្បីអញដដែល មិនមែនជាក្តីស្រលាញ់ដែលមានលក្ខណៈជាកាផ្តល់អោយទេ ដែលស្នេហាខ្ពស់បំផុតរបស់មនុស្សទេ”
― Khem Veasna

“ផ្នូរខ្ងុំបើមិនអាចកប់នៅក្នុងបេះដូងរបស់ប្រជាពលរដ្ឋខ្មែរបានទេ មិនបាច់កប់កន្លែងណាទេ”
― Khem Veasna

“ដើម្បីជ្រើសរើសគូជីវិតគួរមានត្រឹមតែលក្ខខណ្ឌតែបីយ៉ាងបានហើយ
-អ្នកត្រូវតែជាមនុស្សដែលខ្ញុំស្រឡាញ់
-អ្នកត្រូវតែជាមនុស្សដែលស្រឡាញ់ខ្ញុំ
-អ្នកត្រូវតែជាមនុស្សដែលមានតំលៃ សក្តិសមនឹងទទួលបានការស្រឡាញ់។

មិនចាំបាច់ថាអ្នកត្រូវតែជាមនុស្សដែលត្រូវតែនៅថែរក្សាខ្ញុំ អ្នកត្រូវតែជួួយសំរាលបន្ទុករបស់ខ្ញុំ អ្នកត្រូវតែមានពេលគ្រប់គ្រាន់សំរាប់ខ្ញុំ អ្នកត្រូវតែជាមេគ្រួសារដែលត្រូវតែនៅគ្រប់គ្រងគ្រួសារអោយបានល្អ ព្រោះថាបើអ្នកពិតជាស្រលាញ់ខ្ញុំ ទោះអ្នកមិនបាននៅជិតខ្ញុំ ក៏មុខតែខ្ញុំអាចមានអារម្មណ៍កក់ក្តៅពីចំងាយតាមរយៈសកម្មភាពណាមួយរបស់អ្នកបានដែរ។ បើអ្នកមានករណីចាំបាច់ត្រូវតែរស់នៅឆ្ងាយពីខ្ញុំ មិនបានជួយសំរាលបន្ទុករបស់ខ្ញុំ មិនបានបំពេញតួនាទីជាមេគ្រួសារល្អ ក៏ខ្ញុំនៅតែមើលឃើញថាអ្នកមនុស្សមានតំលៃ ព្រោះការងារជាតំលៃរបស់អ្នកតំរូវអោយអ្នកត្រូវឃ្លាតឆ្ងាយពីខ្ញុំ។ ក្នុងករណីនេះខ្ញុំនៅតែមានភាពកក់ក្តៅដែលកើតពីក្តីស្រលាញ់របស់អ្នក ទោះអ្នកនៅឆ្ងាយប៉ុណ្ណាពីខ្ញុំក៏ដោយ ហើយអ្នកនៅតែជាមនុស្សមានតំលៃសំរាប់ទទួលបានក្តីស្រលាញ់ដ៏ស្មោះត្រង់របស់ខ្ញុំជារៀងរហូត៕”
― Khem Veasna

“ស្នេហាឬការស្រលាញ់មានបីពួក មួយគឺសំដៅដល់ស្នេហាដែលត្រូវបានទាក់ទាញដោយចំណង់ផ្លូវភេទ ជាក្តីស្នេហ៍ដែលឆាបឆេះខ្លាំងណាស់ តែមិនងំយូរទេ ជាទូទៅគឺដោយសាររូបសម្បត្តិខាងក្រៅ អីចឹងហើយបានជាមនុស្សស្អាតសង្ហា ច្រើនមានមនុស្សស្រលាញ់ច្រើន។ ស្ទើរតែគ្មានមនុស្សណាម្នាក់ដែលចិត្តរបស់គេមិនត្រូវបានទាក់ទាញ ដោយរូបសម្បត្តិស្អាតសង្ហារបស់អ្នកដ៏ទៃនោះទេ ប៉ុន្តែគ្រាន់តែអ្នកខ្លះតិច អ្នកខ្លះខ្លាំង ហើយគេទប់អារម្មណ៍គេតែប៉ុណ្ណោះ។ ស្នេហាប្រភេទនេះទៅជាមួយនឹងភាពងងឹតរបស់ចិត្ត ឆាប់ស្រលាញ់ឆាប់បាត់ ជាទូទៅពិបាកសួររកមូលហេតុនៃការស្រឡាញ់ និងការបាត់ការស្រលាញ់អោយបានច្បាស់លាស់ណាស់។ ស្រលាញ់គឺស្រលាញ់ ឈប់ស្រលាញ់គឺឈប់ស្រលាញ់ កុំសួរពីមូលហេតុ”
― Khem Veasna

“ផលប្រយោជន៍ផ្ទាល់ខ្លួនរបស់យើងម្នាក់ៗ អាចមិនមែនជាផលប្រយោជន៍ជាតិ ប៉ុន្តែផលប្រយោជន៍ជាតិច្បាស់ណាស់ គឺជាផលប្រយោជន៍របស់យើងគ្រប់ៗគ្នា”
― Khem Veasna

“នយោបាយជាសិល្បៈនៃការធ្វើអោយបានសម្រេចគោលដៅ”
― Khem Veasna

“មនុស្សបង្ហាញភាពជាអ្នកចេះទាំងឡាយ សុទ្ធតែជាមនុស្សល្ងង់”
― Khem Veasna

“ខ្ងុំមើលសៀវភៅបានមួយចំនួន ស្តាប់គេពន្យល់បានតិចៗ ប៉ុន្តែអ្វីដែលខ្ញុំបានច្រើនជាងគេគឺអង្គុយគិត”
― Khem Veasna

“គុណធម៌នៅខាងក្នុងគឺជាតម្លៃពិតប្រាកដរបស់មនុស្ស”
― Khem Veasna

“គ្រប់កាលទេសទាំងអស់ គ្រប់កាលទេសទាំងអស់ ទោះបីរំដោះប្រទេសរួចហើយ យើងបានកាន់ការងារប្រទេសជាតិ ទោះបីយើងមិនទាន់បានកាន់ការងារប្រទេសជាតិ ការផ្តល់មូលដ្ឋានក្នុងការត្រិះរិះពិចារណាអោយប្រជាពលរដ្ឋគឺនៅតែសំខាន់”
― Khem Veasna

“មនុស្សដែលទទួលយកការព្រានប្រដៅ ដោយខ្លួនឯងអត់យល់ មនុស្សហ្នឹងល្ងង់ណាស់”
― Khem Veasna

“មនុស្សទាំងអស់គ្មានតម្លៃទេ បើសិនណាជាគេមិនបានធ្វើការងារដែលមានតម្លៃ ដែលហៅថាការងារដែលមានតម្លៃ គឺជាការងារដែលប្រាស់ចាកភាពអាត្មានិយម”
― Khem Veasna

“គេក្បត់យើង យើងឈឺចាប់ យើងក្បត់គេ យើងមានវិប្បដិសារី រវាងការឈឺចាប់ និង​វិប្បដិសារី សម្រាប់ខ្ញុំ វិប្បដិសារីធំជាង”
― Khem Veasna

“ខ្ញុំទុកចិត្តអ្នក អ្នកក៏ត្រូវតែទុកចិត្តខ្ញុំដែរ ដោយខ្ញុំប្រើពាក្យថា បើអ្នកទុកចិត្តខ្ញុំ ខ្ញុំអត់អោយអ្នកថោកទេ បើថ្ងៃណាមួយអ្នករកឃើញថា ខ្ញុំវាថោកអញ្ជឹង មិនបាច់និយាយអីច្រើនទេ ដើរមកខ្សឹបក្បែត្រចៀកខ្ញុំថា ហ្អែងមិនសមជាមនុស្សទេ តែប៉ុណ្ណឹងគឺបាន មិនបាច់និយាយច្រើនទេ មនុស្សដូចខ្ញុំ”
― Khem Veasna

“បងប្អូនគិតពិចារណាអញ្ចេះតិច គេថាមនុស្សអាក្រក់ តែធ្វើអាក្រក់ធ្លាក់នរកហើយ ហើយធ្លាក់ម្តងៗ
និយាយពីយូ គេថា យូហាស់ បើមនុស្សអាក្រក់អោយតែធ្វើអាក្រក់ធ្លាក់នរក ហើយធ្លាក់យូៗយ៉ាងហ្នឹង បែបនៅលើផែនដីហ្នឹងសុទ្ធតែមនុស្សល្អអស់ហើយបងប្អូន បើវាធ្លាក់យូៗយ៉ាងហ្នឹងហុស រួចចុះហេតុអីបាននៅលើផែនដីហ្នឹងមនុស្ស អាក្រក់ច្រើនមែស ហាស់? ហេតុអីបានមនុស្សអាក្រក់ច្រើនមែស ពីព្រោះក្នុងច្បាប់ធម្មជាតិអត់ចឹងទេ បងប្អូន ច្បាប់ធម្មជាតិ”
― Khem Veasna

“ខ្ញុំណាបងប្អូន ខ្ញុំយល់យ៉ាងច្បាស់ថា អត់មានផ្លូវណាដើម្បីអាចដោះស្រាយបញ្ហាខ្មែរបាន ក្រៅពីអ្នកដែលត្រូវបានគេជិះជាន់ហ្នឹងងើបទេ បងប្អូនគិតថាម៉េច? បងប្អូនបាត់គោ បងប្អូនគិតថា មកពីអាចោលួច ខ្ញុំថាមកពីអាម្ចាស់វា វាកញ្ជើធ្លុះ វាដេកវាមិនព្រមមើលគោ មើលក្របីវា គេថា ហេ្អហេ្អ! មកពីរដ្ឋាភិបាល ខ្ញុំថា មកពីប្រជាពលរដ្ឋ វាល្ងង់ អោយគេជាន់ក្បាល រឿងហ្នឹងណាបងប្អូន ចេញមិនរួចទេ បើសិនណាជាបងប្អូនមិនព្រមទទួលស្គាល់ថា បងប្អូន អន់”
― Khem Veasna

“មនុស្សដែលពូកែបង្កើតរបស់ថ្មីបានគឺជាមនុស្សដែលពូកែយល់សប្តិនៅពេលអត់ដេក”
― Khem Veasna

“ខ្ញុំទុកចិត្តអ្នក អ្នកក៏ត្រូវតែទុកចិត្តខ្ញុំដែរ ដោយខ្ញុំប្រើពាក្យថា បើអ្នកទុកចិត្តខ្ញុំ ខ្ញុំអត់អោយអ្នកថោកទេ បើថ្ងៃណាមួយអ្នករកឃើញថា ខ្ញុំវាថោកអញ្ចឹង មិនបាច់និយាយអីច្រើនទេ ដើរមកខ្សឹបក្បែត្រចៀកខ្ញុំថា ហ្អែងមិនសមជាមនុស្សទេ តែប៉ុណ្ណឹងគឺបាន មិនបាច់និយាយច្រើនទេ មនុស្សដូចខ្ញុំ”
― Khem Veasna

“ខ្ញុំមិនដឹកនាំអ្នកទេ ហើយអ្នកក៏មិនត្រូវដឹកនាំខ្ញុំដែរ ប៉ុន្តែពួកយើងកៀកស្មាគ្នា ឆ្ពោះទៅមុខជាមួយគ្នា ក្នុងភាពជាបងប្អូន”
― Khem Veasna

“ក្នុងនាមជាពូជសាសន៍ណាមួយ អ្នកមិនអាចរកបានភាពថ្លៃថ្នូរដាច់ដោយឡែកក្នុងភាពថោកទាបរបស់ពូជសាសន៍អ្នកឡើយ”
― Khem Veasna