Menna Maged > Menna's Quotes

“الحب الحقيقى ..هو الحب الى كل الناس بتتعب فيه كل يوم وكل ثانيه عشان يعرفوا يوصلوا لنقطة تخلى الحياة "شبه حلوة..لان ببساطه شديدة..الحياة عمرها مابتبقى حلوة..بس بتبقى احلى مع حد مقدر وجودك ف الدنيا...”
― محمد صادق, هيبتا

“الحب اللي بجد هو اللي الدنيا عمالة تهيئك ليه من ساعة ما اتولدت.. بكل حاجة وحشة وكل حاجة حلوة ..بعلاقات بايظة وجراح ماتتنسيش.. الحب بيبدأ بجد لما القلب يسأل سؤال صغير كده قوى بيفرق في كل حاجه.. لما بيسال هو انا مش هرتاح بقي.. الحب أصله استعداد نفسي.. عشان كده مرحلة البداية أهم مرحلة بكل اللخبطة اللي فيها لأنها هي اللي بيجي فيها لحظه معينه بنقدر نستسلم لأننا ممكن نتوجع تاني.”
― محمد صادق, هيبتا

“الواحد بيخون كل حاجه عاهد بيها نفسه قبل كده.. كل وجع اتوجعه ,وكل قرار قرره بأنه مش هيسلم قلبه تاني لحد.. بيخون الخوف من الجر.. بيخون عقله.. بيخون حتى نفسه.”
― محمد صادق, هيبتا

“العُيوب - هي عادة - أسوأ نقاط الضعف اللي بيفضل البني آدم طٌول عمره بيحارب عشان يثبت إنها مش فيه !”
― محمد صادق, هيبتا

“كل مسمار.. ليه المعشوق بتاعه، اللي هو صح، عمره ما يفك أو يتشد بعيد عنه أبدا.. الفكرة أن الأحاسيس بتشابه.. في ناس كتير بنفهم منها غلط إن هم دول "معشوقنا" .. بس لما بنعرفهم أكتر بنكتشف قد إيه هم مش مناسبين.. "بنلقلق" فيهم .. بنحس أن المكان مش بتاعنا وكل حاجة ناقصة.”
― محمد صادق, هيبتا

“-ربنا خلقنا نوعين ..

نوع يعيش فيها ويموت فيها من غير ما يعرف أي حاجة .. جعلوه فانجعل .. دول اللي بتلاقيهم فكل حتة مابيحبوش الجنان ولا بيروحوا حفلات مزيكا ولا بيروحوا يحضروا ماتش كورة حتى .. خرجوا من كلياتهم اشتغلوا واتجوزوا وخلفوا .. دول اللى عاوزين الناس كلهم يبقوا زيهم .. مجرد مصيف فى أسكندرية وكتابين لمصطفى محمود على شريط قران كريم علي تفاسير ابن كثير اللي مابتتفتحش .. مشاكلهم تافهه ونظرتهم للدنيا على قد عنيهم بس .. ضيقة قوي .. وفاكرين أنهم غير أى حد واللى بيحصل لهم ده عمره ما حصل مع حد .. بيقلدوا كل حاجه وهم مش فاهمين أى حاجه ..


النوع التأني هو اللي بيفهم كل حاجه .. فبيفضل نايه وسط بشر مش عارفين يفهموا غير اللي حفظوه .. هم دول اللي ربنا اختارهم وتحولوا أنبيا .. وبعد ما الأنبيا خلصوا هتلاقي ربنا برضه خلاهم حاجه بتعمل فرق فى الدنيا .. سيدنا إبراهيم اللى قال أكيد ربنا مش أصنام .. شوفي كام واحد حاربه بقوة غير طبيعية عشان بيقول كلام ما بيخشش دماغهم .. المشكلة ان احنا كلنا عارفين القصص دي .. بس لما حد يبجي يقول كلام غريب عنهم بيكفروه ويحاربوه كأنه شيطان .. اختلفوا ايه عن كفار قريش مش فاهم !”
― محمد صادق, هيبتا

“الفرق بين اللي حب بجد.. واللي حب الاهتمام بس .. تلات أرباع الجوازات بيبقى عشان بيحبوا الاهتمام.. بيعوض نقص جواهم أو بيخليهم يعيشوا فى موود الحب.. بس اللى هما مش عارفينه .. ان الحب مش تعويض نقص .. الحب اكتمال روح.”
― محمد صادق, هيبتا

“لا يوجد من هم أسخف ممن يستخفون بألمك.”
― محمد صادق, هيبتا

“طول عمره يرتبط كل شئ عنده بالموسيقى.. ذلك السحر الوحيد فى الأرض, الذى قاوم كل الأساطير و الخرافات و العلم السخيف.. و ظل عبر الأزمان على قيد الحياة..
الموسيقى بالنسبة له.. حياة..”
― محمد صادق, هيبتا