Gogo > Gogo's Quotes

“ساعات بنضطر نعمل غلطات صغيره نصلّح بيها غلطات اكبر”
― أحمد مراد, تراب الماس

“الناس ماينفعش معاها غير أسلوب واحد .. الخوف .. من أيام " موسى " عليه السلام وهي بتتحكم بيه .. خدوا على كده خلاص .. كُل نبي كان بينزل للناس .. إلا موسى .. هو الوحيد اللي نزل ل" فرعون " .. لييييييه؟ عشان ماينفعش تكلم الناس .. في مصر تكلم الكبير يظبط الصغير”
― أحمد مراد, تراب الماس

“كانت نوع ثالث .. نوع يسلبك كل فرصة في الرحيل عنه .. تلك التي لا تعلم كم ستبقى معها .. ولن تبحث عن إجابة .. فقط ترغب في أن تراها كل يوم .. كل ساعة .. تصغي لها ولا تسمع .. تسبح في ملامحها .. تتأمل أصغر تفاصيلها .. والعيوب التي أصبحت تحبها .. فقط لأنها فيها”
― أحمد مراد, تراب الماس

“بدت مرهقة ومكسورة .. كانت كأوراق شجر الخريف .. باهتة لن تتحمل ضغطة .. ستصدر صوت خرفشة إذا لمس يدها .. ستطير مع الرياح إذا اشتدت”
― أحمد مراد, ڤيرتيجو

“هناك أعوام تمر فى حياتك دون أن يحدث فيها شىء سوى أن تمر”
― عزالدين شكري فشير, باب الخروج: رسالة علي المفعمة ببهجة غير متوقعة

“إن الأمور لا تتحسن مع الوقت بل نحن الذين نعتاد سُوأَها.”
― عزالدين شكري فشير, باب الخروج: رسالة علي المفعمة ببهجة غير متوقعة

“كلما عرفت تفاصيل الأمور ودواخلها، صعب عليك شرحها لمن لا يعرفها.”
― عزالدين شكري فشير, باب الخروج: رسالة علي المفعمة ببهجة غير متوقعة

“الحقيقة أنى كلما فكرت فى حياتى السابقة أفاجأ بأنى لا أندم على شىء فعلته بقدر ما أندم دوما على أشياء لم أفعلها.”
― عزالدين شكري فشير, باب الخروج: رسالة علي المفعمة ببهجة غير متوقعة

“ياماما... ياأما...يا أماتي
سلاماتي .... احتراماتي .... قبلاتي
صباح الخير يامولاتي
ياماما ....يا أما ....يا أماتي
أبوس الأيد ,,,وقلبي سعيد
يا أول حب في حياتي
يا أمي
علشانك النهاردة
الدنيا كارت معايدة
لا الربيع أركانها
بمليون ألف وردة
والكون بقى جوة بيتك
وأنا قبل الكل جنبك
ياللي
أنا وأنتي حاجة واحدة
تحبيني وأنا أحبك
وأعيش بالقرب من قلبك
عيوني معجبة بيكي
وروحي كلها تجاوبك
تفضل تقول لك وتقول لك
دايما وابدا اقول لك
صباح الخير يامولاتي
بأغني للأمومة
واليد الخدومة
وأقول الله ياأمي
ع الدفء والنعومة
ياست يافدائية
ياللي قضيتها هي
تجعل حياتي جنة
ولو تبات مهمومة
تعبتي كثير عشان خاطري
عشان أمشي .. عشان أجري
لما جريت بعيد خالص
في عيدك جيت ووفيت نذري
أضمك بفرحة وأقول
صباح الخير يامولاتي
ما أنساش الإبتسامة
ومش هنسى ياماما
الشخطة اللي تعلم
وما تهينش الكرامة
علمتيني المعاني
والصبر ع الأماني
والضحك والأغاني
وبكتيني ياماما
باجيكي وأهنيكي
وأقول يارب يحميكي
كل ما أشوف أمل وحياة
أشوف صورتك وأناديكي
يا ماما...يا أمة ...يا أماتي
صباح الخير يامولاتي”
― صلاح جاهين

“زحام و أبواق سيارات مزعجـــــة
للي يطول له رصيف.. يبقي نجـــا
لو كنت جنبي يا حبيبي أنــــــــــــا
مش كنت أشوف إن الحياة مبهجة
عجبي!!
 
إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!
 
يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!
 
مرحب ربيع مرحب ربيع مرحبــــــــــه
يا طفل يا للي ف دمي ناغا  وحبــــــــا
علشان عيونك يا صغنن هويــــــــــــت
حتي ديدان الأرض و الأغربــــــــــــــة
عجبي !!!
 
فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!!
 
غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!”
― صلاح جاهين, رباعيات صلاح جاهين

“غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع

عجبي !!”
― صلاح جاهين, رباعيات صلاح جاهين

“ليل بعد ليل .. و نجم ورا نجم اتحدف ..
و انا باغني ... لكن لوحدي للأسف ..
لحني الجميل مش لاقي إنسان يسمعه
يا ريته ما اتغنى .. يا ريته ما اتعزف”
― صلاح جاهين, رباعيات صلاح جاهين

“فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد
عجبي!!!”
― صلاح جاهين, رباعيات صلاح جاهين

“ارفع غماك يا تور وارفض تلف
واكسر تروس الساقيه واشتم وتف
قال خطوه كمان وخطوه كمان....
يا اوصل نهاية السكه
يالبير تجف!!!
وعجبي”
― صلاح جاهين

“في ناس بنشوفها بالالوان وناس جواها مش بيبان
وناس اسود وناس ابيض وناس محتاجه بس امان
واكتر ناس تآمنهم ما بيجي الجرح غير منهم
وناس انت بعيد عنهم بتنسي معاهم الاحزان”
― صلاح جاهين