aحmed moْmon > aحmed's Quotes

“لو دامت فى ايد غيرك مكنتش وصلتلك .. حصلت لميت واحد زى اما حصلتلك ... علشان كدا بزعل لكن مابتأزمش وساعات كتير بفرح لكن مابتعشمش فى حاجات مابتدومش”
― مصطفى إبراهيم

“برغم إن الكلام ع الحب من نظرة كلام معتاد
وإن الصدفة أحيانا بتبقى بألف ألف ميعاد
ورغم إن الكلام أصلا بينقص حاجة كل ما زاد
ورغم إني جدع وتقيل وعمرى ما أقولها بالساهل
أنا نفسى أقولها لك فـ أول مرة نتقابل
فلو كان المكان يسمح وست الكل لو تأذن
أنا عايز أقول إني بحبك من زمان جدًا”
― مصطفى إبراهيم

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“بدون ما أعرف سبب واضح ...
عشان أزعل...
أنا زعلان !”
― مصطفى إبراهيم

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم

“الجاي مِش أد اللي راح ؟
وللا إللي جاي أكتر ؟
الشاش على أد الجراح ؟
وللا الجِراح أكبر ؟”
― مصطفى إبراهيم

“أنا عايم على وش المية ..
وأنا سايب ايدى ورجليا ..
والموجة اللى تفوتنى بسيبها ..
وأتشعلق فى الموجة الجاية”
― مصطفى إبراهيم, ويسترن يونيون فرع الهرم

“أنا شئ عِوِج دوغري
كائن عَجُول جدا
عايش على مهلي”
― هيثم دبور, بكرة مش مهم الساعة كام

“بصارع في الوجود نفسي
لـ تغلبني
لـ هغلبها
وفي الحالتين..
أنا الخسران”
― هيثم دبور, أزمة منتصف العمر 23 سنة

“صباحك شاي في حضن حليب مهوش بودره”
― هيثم دبور, وبعدها؟

“لأنك زيى فى طيبتى

وخيبتك نسخة من خيبتى

واسمك مشتبه زيى

يجوز مسلم.. يجوز قبطى

فى إيه فى الدنيا يجبرنى..

بإنى أكرهك أصلاً؟!”
― هيثم دبور

“لا مش انا اللي ابكي
ولا انا اللي احكي
ولا انا اللي اشكي
ولا حتى اللي اتفلق
انا اللي بضحك لغاية
ما بتخنق !!”
― وليد طاهر, حبة هوا...

“في ناس دايما واحشاني معرفش مين هما”
― وليد طاهر, حبة هوا...

“هو احنا مش من امبارح
بنقول نفسنا نبقى بكره؟
ادينا بقينا بكره وبعد بكره
ولسه احنا برضه..امبارح”
― وليد طاهر, حبة هوا...

“جوايا حد زعلان
من اني.... زعلان
من حد جوايا”
― وليد طاهر, حبة هوا...

“كل شئ كان عادي والمقابلة كانت عادية
عدى الوقت..
واكتشفت إن كل اللي فات هيبقى لحظات تاريخية!”
― وليد طاهر, حبة هوا...

“الليل هو الشاي
والنهار هو اللبن
حط ده على ده
وانت تدوق طعم الزمن”
― وليد طاهر, حبة هوا...

“بالحبر الإسود
إزاي أقدر
أرسم
وردة روز !!”
― وليد طاهر, حبة هوا...

“لو لم أكُن كده لوددت أن أكون مِش كده”
― وليد طاهر, حبة هوا...

“جريت أستخبي من قدري لقيت المخبأ ,,, هو قدري”
― وليد طاهر, حبة هوا...

“ماشي ع البحر صافي
مدلدل كتافي
المية ساقعه والرمل دافي
أي..
دخل ف رجلي سؤال
آدي اخرة اللي يمشي حافي”
― وليد طاهر, حبة هوا...

“Never go to bed mad. Stay up and fight.”
― Phyllis Diller

“75 ترانفيل
انا فاضل لسه معايا
كام ( اول مرة ) ف جيبى ؟
كام عود كبريت ف العلبة
مارضيش يولع ع الفاضى ؟
كام عود مالوش ولا سابقة
ف الحرق الا المرة دى ؟
اول مرة ادخل سيما مع بنت كانت ف اعدادى
كان كدة للموضوع قيمة
و بعديها خلاص بقى عادى
انا اسف جدا جدا
ع اول مرة اتحرقت
ع الفاضى و مش وياكى
و ابوسك اول بوسة
تتباس اصلا ف حياتى
و اتأسف بعدك تانى
ع اول مرة معاكى
و اتأسف تانى و تالت
ع كل كلام اتقال
و احرق ف حاجات اتقالت
كانت لازم تتشال
لبتوع الدور الجاى
و الجاى ابقى من الفايت
و ميت بيسلم ع حى
و الميت و ان كان تافه
ف بيفضل مالهوش زى
ف انا هفضل فاكر مى
و اول ايد بنت امسكها
و اول شيكولاتة هدية
و اول توصيل للبيت
و لحد ما فجأة لقيت
مش باقى معايا ف جيبى
غير كام ( اول ) يتعاش
لا اعرف ان كنت هشيلهم
ولا هابيعهم ببلاش
متشكر جدا جدا
ع وقتك تانى يا دكتور
- العفو يا سيدى اتفضل
و اديتنى روشتتى تانى
مشطوب منها اربع تسطر
- مش حاسس انك احسن
- من اخر مرة تجيلى ؟
مش حاسس اصلا حاجة
و ع ايدك اديلى
ساعتين عمال اتكلم
و مش فاكر نص كلامنا
- السبت الجاى معادنا ؟
لا دنتا الحد .. نسيت
- خد بالك بقى من نفسك
- و فيه دوا هنكرره تانى
انا اصلا هبقى كويس
و مفيش حاجة مضايقانى
و اخدت الباب ف اديا
و ما صدقت انى مشيت
.......................
كان فاضل لسه سيجارة
ف العلبة لقيتها معايا
بس استخسرت اشربها
قبل اما اوصل للبيت”
― مصطفى إبراهيم, المانيفستو