Aňa ŞaŞo > Aňa ŞaŞo's Quotes

“مـي مع إبتسامة " بتصدق في السحر ؟َ! "
أحمد بصلها و ضِحكـ و قال " ههههههه .. سِحر مِش عيب واحدة متعلمة زيكـ تقول سِحر ؟ والله عجيبة "

إبتسمت مي " أنـا كُنت بقول زيكـ كِده بالظبط .. بس محدش يقدر ينكر إن السحر موجود .. سِحر الطبيعة .. سِحر الشعوذة .. سحر الهواء .. سحر الماء .. سحر النار .. سِحر التُراب .. الطلاسم .. سحر الكنعانيين .. سحر أصحاب الأوهام و النفوس القوية .. سحر العزائم و تسخير الجن .. سحر التخيل والأخذ بالعيون .. سحر الأعمال العجيبة .. دَه حتي الرازي إتكلم عنهُم في كتابُه السحر و السحرة .. و أخيراً السحر الإسود ..

السحر الإسود .. نوع مِن أنواع الشعوذة .. و السحر الإسود مِن أقوي أنواع السِحر .. لإنُه ببساطة لي هو إلا شئ بيجمع كُل أنواع السحر .. و بيتطلب قوة تحكم في النفس عالية جِداً .. لأنه سهل يسيطر عليكـ .. و السحر الإسود لُه أكتر مِن جانب فـ هو بيـجمع بين الجانب الطيب و الشرير و الأفعال الطيبة و الشريرة لـ كُل الناس .. ناس كتير بتؤمن إن السحر الإسود بيلزم يكون فيه زمالة مع الشيطانية .. لأن دايماً عواقب السحر وحشة فـ بيربطوها بالشيطان و العياذُ بالله ..

سحر الظلام أو فنون الظلام دايماً بتورط الواحد في مشاكِل و تخليه يحلها بـ طُرق تٌخالف الطبيعة البشرية تماماً .. و ده ساعات بيضعف التحكم في النفس ساعات و السحر الإسود بيشير دايماً لـ قوى الظلام .. مع إن كتير بتكون نواتج السحر الإسود مفيدة و كويسة و طيبة ..

و كُل عصر مِن العصور لُه الساحر القوي بتاعُه .. و كُل ما بيكون الساحر مُنحدر مِن سُلالة السحرة .. كُل مـا بيكون قوتُه أكبر و قوة تحكمٌه في النفس أكبر .. و زي سلالة البشر .. و أي نوع أو سلالة ليها عائلة حاكمة و العامة و المتوسطين .. و كُل المناصب و طبقات الشعب .. عشان كِده سُلالة السحرة قريبة لـ سُلالة البـشر ..

لكن للحفاظ عليهُم بيكونوا متخفيين طول حياتهُم .. لأن الفرق بين السحرة و البشر هو بس القوة علي فعل الأشياء .. بيعيشوا في إنسجام مع بعض .. كُل السحرة بتظهر عادي .. إلا سحرة السحر الإسود .. لأن كتير جداً بيفقدوا السيطرة علي نفسهم .. عشان كِده تقريباً كُلهم عايشين في مُجتمع مقفول عليهم محدش يعرف عنُه حاجة .. عليه حماية بالسحر”
― شيري محمد