Halim Mohammed > Halim's Quotes

“حُزن يا بقّال ورا الجـامع .. هات بنص ريـال عسـل ف الكوز
خد سنين الجري وسنيني .. هات لي سن غزال دهب عيني ..
قطّع الأسفلت شراييني .. هـات بيــاض القطن شـاش اللوز
دا اللي كـان عيِّل بقا شــاعر .. واللي كــان ضـاحك بقا أراجـوووز”
― خالد عبد القادر, سيرة الأراجوز

“مُـر أنـا يا صاحبي لو دقتني .. جيت أقول الآه ما صدقتني
يطرح إيه الملح غير مـالح ... يطلع إيه م الجرح غيـر مجروح
ليه ما تصفاشي لغير صافي ... ليه ف عـز الحوجة بتجافي
شفتني غـاطس ولا طـافي .. كنت بندهلك حـلاوة رووح”
― خالد عبد القادر, سيرة الأراجوز

“حزن يا محوِّل خطوط سيري
حزن يا عطَّار ف باب اللوق
شوف لي تحويجة لتفسيري
حط ريحة بن لضميري
شوف لي عود أصلب من المغشوش
.
.”
― خالد عبد القادر, سيرة الأراجوز

“ليه كلام بُكرة
موغوشني”
― خالد عبد القادر, سيرة الأراجوز

“سنّ قلبي الشكّ
شكِّكني
ضَمني ع الوِحدة
فكِّكني
قفِّل الشبابيك
و شبِّكني
فوق سرير أخشن
من الأسمنت
نمت.. لمّا نمت
ماحلمتِش
خُفت يوم احلم
و يوم ما حلِمت
كنت بصحى لصوت
بيندهني
قال : يا متهمِّش
و إيه همِّشَك ؟
قلت : رمش البنت
لو يرمشك
قلت : جلد الفقر
لو كرمِشَك
قلت : ناب الوِحدة
لو خربِشَك
كنت قلت يا حلم
في المشمش
طال سواد الليل
صفار مشمشك”
― خالد عبد القادر , سيرة الأراجوز

“يا ضلعين
مابين غايب وبين غايب
يا أرض عمــار
بيحكمها الحديد والنـار
.
يا شِفـة ورد بتبوس العطش تحتـار
ما بين موتة وبين موتة ..
يا نـاس عايشة وأحلامهُم على النوتة
محدش شـاف ولد فايق،
لكن سـكران ف حدوتة”
― خالد عبد القادر

“لسه فاكر لما صاحب قال : يا كافر
لما قلت :
"شفت ربنا في الورد"
صاحب
رغم عنه ماشافش شوفك”
― خالد عبد القادر, سيرة الأراجوز

“فضلت تحب .. كل الناس

؟!وهما فين .. مُحبينك”
― خالد عبد القادر, سيرة الأراجوز

“شُفت عَ الكورنيش
ملامح غول
شفت مرسيدس
مع الحافي
شفت همبورجر
في طبق الفول
شفت ناس تشبه
لبعضيها
كنت لا اعرف دول
و لا اعرف دول”
― خالد عبد القادر, سيرة الأراجوز