Marwa Youssef > Marwa's Quotes

“عارف لما تشوف الصبح بيطلع .. و انت قاعد
لما تلاقى قلبك بيدق وانت بارد
أو تنام و انت شارد .. و تجرى وانت واقف .. و تبكى وانت ساكت
عارف لما عينيك تشوف جوه ناس .. و تحس بإحساس
عارف لما تبقى كل حاجا غلط صح .. و كل حلال حرام
المية تبقى نار و النار تبقى مطر
عارف لما تسكت و جواك مليان كلام
و تتكلم وانت مش طايق الكلام
تشوف الكدب من العينين باظظ
وإن اتكلمت هاتبقى عينيك بتشوف مش زى مانت باصص
تمشى مش زى مانت رايح
تتمنى تموت و انت عايش
او تعيش بس مش على الهامش
لما تحس انك نصين لحاجة واحدة بس مش بتوع بعض
نص برق و التانى رعد”
― أحمد حلمي, 28 حرف

“أحب الميم لأننا مصريون , و الصاد لاننا صابرون , و الراء لأننا راضون ... نعم نحن مصريون صابرون راضون”
― أحمد حلمي, 28 حرف

“عرفت إن أبويا مرتبه علي قده.. مايفرقش كتير عن الراجل اللي كان بيتكلم جنبي.. طيب إزاي إحنا عايشين .. ويا تري عايشين بالتلتميت جنيه ولا عايشين بالستر ولا عايشين ببركة دعاء الوالدين.. في ناس بتبص للتلتميت جنيه علي إنهم «ستميت نص جنيه»، وناس تانيه بتصبر نفسها أكتر وبتبص للتلتميت جنيه علي إنهم «ألف ومتين ربع جنيه».. ده غير بقي اللي شايفينهم «تلات تلاف عشرة صاغ»، وغيرهم شايفينهم «سته تلاف خمسة صاغ»، وفي بقي اللي شايفنهم «تلاتين ألف قرش».
أنا مش عارف هي الناس طماعة ولا إيه.. لما يبقي في موظف مرتبه «تلاتييييين ألف قرش» في الشهر.. عايز إيه تاني؟!.. أقولك حاجة ياللي بتاخد تلتميت جنيه في الشهر.. لو حد سألك بتاخد كام في الشهر.. إبقي قوله تلاتين ألف.. واسكت أو اقفل السماعة قبل ما تقول كلمة «قرش».. لأنك مش هاتعرف تكدب عليه وتبدل القرش بجنيه.. أصل لو ليك في الكدب.. كان بقي مرتبك فعلا تلاتين ألف جنيه..
الله يرحمك يا والدي.”
― أحمد حلمي, 28 حرف

“ربما تتعلم شيئا من شخص بسيط لا يمتلك علماو لكنة يمتلك زمنا يحمل علما بالحياة”
― أحمد حلمي, 28 حرف

“ما أشهر جملة نسمعها دائماً تقول: " الحقيقة أنا مش عارف أقول لك إيه و الله", يجب أن تعرف بعدها أن من قالها لن يقول لك الحقيقة أبداً. سوف يضم حاجبيه و يقطبهما ليصبحاحاجباً واحداَ أشبه بسطر أسود فوق عينيه فيصبح وجهاًلا يعبر أبداً عن الحقيقة.”
― أحمد حلمي, 28 حرف

“لقد اصبح العثور على الحقيقة كالعثور على سمكة تائهة فى المحيط او كالنقش على ماء شلال”
― أحمد حلمي, 28 حرف

“ما أصعب أن تقول لا , وأنت في شده أشد الحاجة لقول نعم .. تلك هي قوة الرفض”
― أحمد حلمي, 28 حرف

“ما اصعب ان يشعر الاب القدوة انة لا يقوى على فعل شئ فيصبح عبرة”
― أحمد حلمي, 28 حرف

“(يوم ذكرى ميلادك ابقى فكر قبل ماتطفى الشمع انت عملت ايه السنه اللى فاتت لو لاقيت عمايلك بيضاء زود شمعه على شمع سنينك اللى انت حاططها فى تورته عمرك هتعرف ان عمرك زاد سنه مفيده .. اما بقى لو لقيت نفسك مش مفيد ولا مهم علطول شيل من شمع سنينك شمعة نقص من عمرك سنه عدت من غير ما تعمل فيها اى حاجه مهمه ساعتها لازم تعرف ان عمرك نقص سنه وكل سنه هينقص سنه) .. عيد ميلادى ..
(عارف لما تشوف الصبح بيطلع وانت قاعد .. لما تلاقى قلبك بيدق وانت بارد .. او تنام وانت شارد .. وتبكى وانت ساكت)”
― أحمد حلمي, 28 حرف

“أسألك أن تقرأ المعوذتين بالله عليك حتى تبعد هذا الشيطان اللعين الرجيم الذى يمكن أن يوسوس فى نفسك أننى ربما سوف أتحدث عن غياب الحقيقة المستمر من مدرسة الأخلاق الحميدة حتى تم فصلها نهائياَ لتصبح من منازلهم .”
― أحمد حلمي, 28 حرف

“ما أصعب ان يشعر الأب القدوة أنه لا يقوى على فعل شيء فيصبح عبرة”
― أحمد حلمي, 28 حرف

“لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره

عجبي!”
― صلاح جاهين, رباعيات صلاح جاهين

“قتلوه من التعذيب وقالوا انتحر..
فكرت لحظة وقلت: آه يا غجر!..
لو جنسكم سبناه يعيش في الحياة..
اللي انتحر راح يبقى جنس البشر!”
― صلاح جاهين, رباعيات صلاح جاهين

“دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت

عجبي !!”
― صلاح جاهين, رباعيات صلاح جاهين

“إنسان .. أيا انسان ما أجهلك
ما أتفهك فى الكون وما أضألك
شمس وقمر وسدوم وملايين نجوم
وفاكرها يا موهوم مخلوقة لك؟
عجبى”
― صلاح جاهين, رباعيات صلاح جاهين

“عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق

!!!عجبي ”
― صلاح جاهين, رباعيات صلاح جاهين

“سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!”
― صلاح جاهين, رباعيات صلاح جاهين

“عبثا باقول واقرا في سورة عبس / ماتلومش حد إن ابتسم أو عبس / فيه ناس تقول الهزل يطلع جــــد / و ناس تقول الجد يطلع عبـــــث”
― صلاح جاهين, رباعيات صلاح جاهين

“غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع

عجبي !!”
― صلاح جاهين, رباعيات صلاح جاهين

“ليل بعد ليل .. و نجم ورا نجم اتحدف ..
و انا باغني ... لكن لوحدي للأسف ..
لحني الجميل مش لاقي إنسان يسمعه
يا ريته ما اتغنى .. يا ريته ما اتعزف”
― صلاح جاهين, رباعيات صلاح جاهين