زهره الصبار > زهره's Quotes

“المراية بعيدة جداً ،
و الطريق على مد شوفي ..
و الفضول اللي ف عنيا إني اشوفني ..
مداري خوفي ..
وصف كل الخلق ليا .. ليه تمللي عكس بعضه ؟
و كل وصف اتقال عليا .. ليه بييجي عكسه بعده ؟
حد شايف اني خايف .. غيره حاسس اني بايع ..
حبه فاكرين اني عارف .. حبة عارفين اني ضايع ..
طلعوا كل الطبايع ، الصفات الممكنة ..
و ارسموني بفرشة تايهة .. م الآراء و الألسنة ..
تطلع الصورة الغريبة ..لحد أصلاً مش هنا ..
و النتيجة كل مادا ..
صورتي تتلخبط زيادة ..
و أنسى أصل شكلي إيه ..
و للا نفسي أشوفني ليه ..
حد زيي بعد فترة ازاي يصدق غير عينيه ؟
نفسي أوصل للحقيقة ،،
قبل ما اوصل للنهاية..
نفسي أشوف صورتي الدقيقة ..
و لو دقيقة .. في المراية ..
و المراية ..
بعـيدة جداً ..
و الطريق على مد شوفي ..
و الفضول اللي ف عنيا .. إني اشوفني ..
مداري خوفي ..”
― مصطفى ابراهيم

“والحضن دايماً يختصر
نُص الكلام”
― مصطفى ابراهيم

“نظرتها ليك حتى .. ساعة ما بصتلك .. لو دامت لعين غيرك .. مكنتش وصلتلك ....”
― مصطفى ابراهيم

“دايماً على قد ما تتساب ..سيب
وعلى قد ما واحشك أحباب ..غيب
كل الداين ..كان متداين
والدين بيلف بدون ترتيب”
― مصطفى ابراهيم

“بخاف م الموت
عشان خايف ساعتها أكون
عبيط..كل اللي سبته..كلام
بشوف افلام
عن الدنيا
وعن حكايات
لناس عاشت حاجات تانية
وعن حكايات لناس ماعاشوش
وبَتأثّر
وبَتحسّر
على كل اللي كان ممكن
أكونه
بس ما بقيتهوش”
― مصطفى ابراهيم

“تبّت يدا من ساب رفاق المعركة بطولهم
تمن القضية اللي اندفع مبقاش يجوز يرجع
تتعب تبص ف عين أصحابك الطايرةشوف مين من الأخر دفع ..
لو زيهم ... إدفع
تلت الرصاص نحو العدو .. تلتينه للخاين .
.الطعنة جاية من هنا مش من هناك
تعب النهاردة غير تعب بكرة .. الوقت مش دايمًا معاك
تحتك فيه ناس عاوزة الأمل .. مش عاوزه؟سيبهولهم ..”
― مصطفى ابراهيم

“فيه فرق ما بين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده”
― مصطفى ابراهيم

“أبعد نُقطة بالنسبالك جوّا الدايرة
هيّ مكانك
ولأن أساساً ف الدايرة
هنا هوّ هناك
ف طبيعي تحسّ إنك عايش
بإتنين جوّاك”
― مصطفى ابراهيم

“الدم هيروح فين .. الدايــــره مقفوله ..!”
― مصطفى ابراهيم

“ماتقولش الحظ اداني قفاه
وانه طلع فالصو والامونيا
الحظ يا عم ادَّاك وشُه
م الناحية التانية من الدنيا”
― مصطفى ابراهيم

“ورغم انهم دايقين..خطر الطلوع قُدّام
لاكنّهم عارفين
ان الرجوع..اخطر”
― مصطفى ابراهيم

“أنا واحد حي
مٌضطر يعيش في الفاترينة
وبيكره جمهور الفتارين”
― مصطفى ابراهيم

“إذا كان الميزان مقلوب
ف يبقى العرض حقه الدم
ولو منفعش حدف الطوب
هتبقى البندقية أهم”
― مصطفى ابراهيم

“قالولي زمان و انا صغيّر ما فيش انسان بيتغيّر ..
و ان الوش و الماسكات تمللي عمرها قصيّر ..
و مادام الطبع كالعادة .. تملى بيغلب التطبيع
هتفرق تربيــة زياده .. فى واحد بالجينات هيصيع ؟!”
― مصطفى ابراهيم

“والذكريات دايما بتصحى لما نيجى نحتضر”
― مصطفى ابراهيم

“بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش”
― مصطفى ابراهيم

“قلبى عايش نص حى....ونص ميت من زمان
إيد بتمسك فى الى جاى....وعقل سارح ف الى كان”
― مصطفى ابراهيم

“فلان اللى مطلعش جوا البرامج
وكان بس صوته فى قلب الهتاف
فلاح اللى روًح اكل واستحمى
فلان اللى ضايع فى وسط الألاف
فلان اللى غرقلى خل الكوفيه
وشالنى ساعة لما جت طلقه فيا
فلان اللى مات يومها تلزمله ديه
من ابن الفلانى اللى كل لحمه حاف”
― مصطفى ابراهيم

“ايه الزهد في اني اما آجي .. اشتري ما بجبش علشان ما لقتش؟
فيه فرق ما بين صبر العاجز علشان مابقاش حاجه ف ايده
وبين واحد أصلا مش عايز غير زي ما يعوز سيده!!”
― مصطفى ابراهيم