Hala Khamis > Hala's Quotes

“قتلوه من التعذيب وقالوا انتحر..
فكرت لحظة وقلت: آه يا غجر!..
لو جنسكم سبناه يعيش في الحياة..
اللي انتحر راح يبقى جنس البشر!”
― صلاح جاهين, رباعيات صلاح جاهين

“دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت

عجبي !!”
― صلاح جاهين, رباعيات صلاح جاهين

“أنا مش تبع مخلوق يا سيدنا البيه
أنا حُر في إللي يقول ضميري عليه
وإن كنت تُحكم جوا ملكوتك
الشارع الواسع فاتح لي إيديه”
― صلاح جاهين, رباعيات صلاح جاهين

“عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق

!!!عجبي ”
― صلاح جاهين, رباعيات صلاح جاهين

“غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع

عجبي !!”
― صلاح جاهين, رباعيات صلاح جاهين

“ياللي بتبحث عن إله تعـبده
بحث الغريق عن أي شيء ينجده
الله جميل وعليم ورحمن رحــيم
أحمل صفاته .. وانت راح توجده
عجبي

يأسك و صبرك بین إيديك و انت حر
تیأس ما تیأس الحیاه راح تمر
أنا دقت مندا ومندا عجبي لقیت
الصبر مر و برضك الیأس مر
عجبي


أنا قلبي كان شخشيخة أصبح جَرس ....
جلجلت به صحيوا الخدم والحرس...
أنا المهرج .. قمتو ليه خفتو ليه
لا فْ إيدي سيف ولا تحت منى فرس
عجبي !!

سمعت نقطة ميه جوه المحيــط.
بتقول لنقطه ما تنزليش في الغويط.
أخاف عليكي م الغرق .. قلـــــت أنا
ده اللي يخاف م الوعد يبقي عبيط.
عجبي !”
― صلاح جاهين, رباعيات صلاح جاهين

“زحام و أبواق سيارات مزعجـــــة
للي يطول له رصيف.. يبقي نجـــا
لو كنت جنبي يا حبيبي أنــــــــــــا
مش كنت أشوف إن الحياة مبهجة
عجبي!!
 
إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!
 
يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!
 
مرحب ربيع مرحب ربيع مرحبــــــــــه
يا طفل يا للي ف دمي ناغا  وحبــــــــا
علشان عيونك يا صغنن هويــــــــــــت
حتي ديدان الأرض و الأغربــــــــــــــة
عجبي !!!
 
فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!!
 
غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!”
― صلاح جاهين, رباعيات صلاح جاهين

“«كرباج سعادة وقلبه منى انجلد..
رَمَح كإنه حصان لف البلد.
. ورجع لى آخر الليل وقالى ليه.
.خجلان تقول إنك سعيد يا ولد”
― صلاح جاهين, رباعيات صلاح جاهين

“يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!”
― صلاح جاهين, رباعيات صلاح جاهين

“يا حزين يا قـُـمـقـُم تحت بحر الضياع

حزين أنا زيـَّك و إيه مستطاع ؟!

الحزن ما بقالهوش جلال يا جدع !

الحزن زي البرد ... زي الصداع

عجبي !!!!”
― صلاح جاهين, رباعيات صلاح جاهين

“أنا  قلبـى  كـورة . .   والفـراودة  أكـم
يـامـا  اتنطـح  وانشـاط .. وياما  اتعكم
واقـول  له  كـل  ح  ينتهى  فى  المعـاد
يقـول  بسـاعتك ؟  والا  سـاعة الحكم ؟”
― صلاح جاهين, رباعيات صلاح جاهين

“مهبوش بخربوش الألم والضياع
قلبي ومنزوع م الضلوع انتزاع
يا مرايتي يا اللي بترسمي ضحكتي
يا هلترى ده وش والا قناع”
― صلاح جاهين, رباعيات صلاح جاهين

“تسلم يا غصن الخوخ ياعود الحطب
بيجي الربيع تطلع زهورك عجب
وأنا ليه يمضي ربيع وييجي ربيع
ولسه برضك قلبي حته خشب
عجبي”
― صلاح جاهين, رباعيات صلاح جاهين

“أوقات أفوق ، ويحلّ عني غبايا
وأشعر كأني عرفت كل الخبايا
وافتح شفايفي عشان هقول الدرر
مقولش غير حبة غزل في الصبايا

عجبي !!”
― صلاح جاهين

“كام اشتغلت يا نيل في نحت الصخور
مليون بئونه و الف مليون هاــــتور
يا نيل أنا ابن حلال و من خلفتــــــك
و ليه صعيبه علي بس الأمــــــــور”
― صلاح جاهين, رباعيات صلاح جاهين

“سنوات وفايته عليّا فوج بعد فوج

واحدة خَدِتني إبن والتانية زوج

والتالتة أَب خدتني والرابعة إيه

إيه يعمل إللي بيحْدفُه موج لموج ؟

عجبي !!”
― صلاح جاهين, رباعيات صلاح جاهين

“انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي”
― صلاح جاهين, رباعيات صلاح جاهين

“عجبى على بنت لذيذه شقيه من براها ..
لكن حزينه من جواها ..
تبص لوشها تلاقى البدر منور ليلاتى
, وتبص جواها تلاقى بنى آدم بيموت يوماتى !”
― صلاح جاهين, رباعيات صلاح جاهين

“كيف شـفت قلبى والنبـى ياطبيـب
هـَمد ومات والا سـامع له دبيـب
قـاللى لاقـيته مختنـق بالدموع
ومالوش دوا غير لمسـة من إيد حبيـب

عجبى !”
― صلاح جاهين, رباعيات صلاح جاهين

“حبيت ..لكن حب من غير حنان
وصحبت .. لكن صحبة مالهاش أمان
رحت لحكيم وأكتر لقيت بلوتى
إن اللى جوه القلب مش ع اللسان
عجبى ..”
― صلاح جاهين, رباعيات صلاح جاهين

“بحر الحياه مليان بغرقي الحياه

صرخت خش الموج في حلقي ملاه

قارب نجاه .. صرخت قالوا مفيش

غير بس هو الحب قارب نجاه

عجبي !!!”
― صلاح جاهين, رباعيات صلاح جاهين

“لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي !!!!”
― صلاح جاهين, رباعيات صلاح جاهين