Asma > Asma's Quotes

“I'm selfish, impatient and a little insecure. I make mistakes, I am out of control and at times hard to handle. But if you can't handle me at my worst, then you sure as hell don't deserve me at my best.”
― Marilyn Monroe

“It is better to remain silent at the risk of being thought a fool, than to talk and remove all doubt of it.”
― Maurice Switzer, Mrs. Goose, Her Book

“في قلب الرجل ألف باب يدخل منها كل يوم ألف شيء ولكن حين تدخل المرأة من أحدها لا ترضى إلا أن تغلقها كلها”
― مصطفى صادق الرافعي, السحاب الأحمر

“تالله لو جددوا للبدر تسمية...لأعطي اسمكِ يا من تعشقُ المُقل
كلاكما الحسن فتانا بصورته....وزدت أنكِ أنتِ الحب والغزل
وزدت يا حبيبتي أنكِ أنتِ”
― مصطفى صادق الرافعي, أوراق الورد

“نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!”
― صلاح جاهين

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم

“الكوتشي اللي باش
م اللف ف شوارعك
يحرم عليه
يبوس ارض غيرك

والقلب القماش
اللي مكوي بعمايلك
لساه معبق
بريحة عبيرك

والواد اللي عاش
طول عمره يحايلك
ونفسه اسمه
ييجي في رسايلك

وتبعتيله تطمنيه
ان انتي عارفة
ان انتي ليه
وان انتي قايمة ونايمة بيه

وقت الشتا يتدفي بيكي
ووقت الخطر تتحامي فيه
وساعة اما بيقسي عليكي
وساعة اما بتدعي عليه
محدش فيكوا بيهنالوا بال

واول ما تصفي تفكي الريال
وتروحي تجيبيلوا كوتشي بدال
الكوتشي اللي باش”
― مصطفى إبراهيم

“البحر بيضحك ليه
و أنا نازلة أدلع أملا القلل

البحر غضبان مابيضحكش
أصل الحكاية ماتضحكش
البحر جرحه مابيدبلش
و جرحنا ولا عمره دبل

و البحر بيضحك ليه
و أنا نازلة أدلع أملا القلل

مساكين بنضحك م البلوه
زي الديوك و الروح حلوه
سارقاهام السكين حموه
ولسه جوه القلب أمل !

و البحر بيضحك ليه
و أنا نازلة أدلع أملا القلل

قللنا فخارها قناوي
بتقول حكاوي و غناوي
يا قلة الذل أنا ناوي
ما أشرب و لو في الميّه عسل

و البحر بيضحك ليه
و أنا نازلة أدلع أملا القلل

ياما ملينا و ملينا
لغيرنا .. و عشطنا ساقينا
صابرين و بحر ما يروينا
شايلين بدال العلّة علل

و البحر بيضحك ليه
و أنا نازلة أدلع أملا القلل

في بالي ياما و على بالي
و اللي بيعشق ما يبالي
مايهمنيش من عزالي
يا حلوة لو مرسالي وصل

و البحر بيضحك ليه
و أنا نازلة أدلع أملا القلل

بيني و بينك سور ورا سور
و أنا لا مارد و لا عصفور
في ايدي ناي و الناي مكسور
و صبحت أنا في العشق مثل

و البحر بيضحك ليه
و أنا نازلة أدلع أملا القلل”
― نجيب سرور, منين أجيب ناس

“وانت عايش لحظه حلوه
كات في يوم م الامنيات
حط فيها ملو ايدك
كل حاجه من الحاجات
اللي نفسك تفتكرها
في الكلام او في السكات
وافتكر انك لغيرك
جي تعمل ذكريات”
― مايكل عادل

“حبي نفسك
لإنك لو حبيتيها هتخليها الأجمل و الأصلح و الأحسن
والأذكى والأشطر والأجدع
وبالتالي كل الناس حتحبها”
― أمل محمود, علشان السناره تغمز: كلام لازم كل البنات تعرفه

“لازم يحس انك أعظم من انك تستني مكالمته أصلا
هو انتي فاضياله ؟؟!!”
― أمل محمود, علشان السناره تغمز: كلام لازم كل البنات تعرفه

“في أول خروجة لا تاكلي شوكولاتة قبل ماتقابليه ولا وانتي

معاه
لإن الشيكولاته بتساعد المخ على انه يفرز مادة الدوبامين

والعلماء
أثبتوا ان الفارة لما تتحقن بالمادة دي في وجود فــار أودامها

بتحبه وبتطلعه
بعد كده من وسط 100 فار فلو عايزة السنارة تغمز أكليه هو

الشيكولاته”
― أمل محمود, علشان السناره تغمز: كلام لازم كل البنات تعرفه

“لو مافيش اهتمامات مشتركة وهو عاجبك
يبقى تخلقيها .
مش انتي عايزاه ؟؟ يبقى لازم تتعبى
يعنى مثلا لو بيحب السينما يبقى تقري في تاريخ السينما
وابهريه بمعلوماتك وثقافتك
لو بيحب العلم اتحولي لدودة كتب علشان تجاريه
بيحب الموسيقى اسمعي
بيحب المخدرات اطلبي له البوليس”
― أمل محمود, علشان السناره تغمز: كلام لازم كل البنات تعرفه

“مهم قوي انك زي ما بتدي تاخدي
وزي ما بتاخدي تدي
العلاقة اللي بتتبني على ان طرف واحد بيدي
والتاني بياخد وبس
بتنتهي برضه على ان طرف واحد هو اللي بيدي
بس بالجزمة”
― أمل محمود, علشان السناره تغمز: كلام لازم كل البنات تعرفه

“هو مش محتاج أنتيكة محتاج انسانة
يعني لو كان شكلك عادي جدا
لكن شخصيتك دافية وجذابة
هيشوفك مارلين مونرو”
― أمل محمود, علشان السناره تغمز: كلام لازم كل البنات تعرفه

“الراجل يا حبيبتى لما بيكون شارى فعلابيبقى واضح و صريح من أولها”
― أمل محمود, علشان السناره تغمز: كلام لازم كل البنات تعرفه

“لو ما عندوش اهتمامات أصلا يبقى منصحكيش تماما
مش معقول حتتجوزي ورقة بيضة مملة
عرضة لإن أي حد ممكن يشخبط عليها
أو يكتب عليها حجات تودي في داهية
الا إذا كنتي انتي كمان ما عندكيش اهتمامات
وصباح الناس اللي عايشين على وش الفتة”
― أمل محمود, علشان السناره تغمز: كلام لازم كل البنات تعرفه

“بصي في المراية
قومي بصي في المراية
لو اللي انتي شايفاه عاجببك يبقى حيعجب الناس
خللي بالك الناس بتشوفك
بعنيكي انتي”
― أمل محمود, علشان السناره تغمز: كلام لازم كل البنات تعرفه

“ولقد يكون في الدنيا ما يُغني الواحد من الناس عن أهل الأرض كافّة.. ولكن الدنيا بما وسعت لا يمكن أبدا أن تغني محبا عن الواحد الذي يحبه! هذا الواحد له حساب عجيب غير حساب العقل.. فإن الواحد في الحساب العقلي أول العدد.. أما في الحساب القلبي فهو أول العدد وآخره .. ليس بعده آخـِـر إذ ليس معه آخـَر”
― مصطفى صادق الرافعي, أوراق الورد

“وسط اوراقى القديمة ....
اللى لسه منها باقى ...
شوفت صورتى بين زميلى ...
و احنا لسه فى إبتدائي ...
الوشوش كانت بسيطة ...
طاهرة لكن مش عبيطة ..
نرسم الأحلام خريطة ....
فى قلبها نقطة تلاقي ....
هو صاحبى
لما كان فى الدنيا صاحب
اما دول كانوم جيرانى .....
كل واحد فينا حقق ...
جزء من بعض الأمانى ...
ا ما دى الشاطرة البليدة ....
العنيدة أم الضفاير ….
تبقى حبى الأولانى .....
أد ايه حزنت عليها ...
لما راحت فصل تانى ....
ما احنا كنا تخته واحده ...
فى تانيه تالت ...
مره قلت ...
و هى قالت ..
لما مدت ايدها شالت ..
دمعة وقعت غصب عنى ....
جوه كراسة الحساب ..
كنا لسه صفحه بيضه فى الكتاب ...
الوشوش كانت بسيطه ....
طاهرة لكن مش عبيطه ...
نرسم الأحلام خريطة ...
فى قلبها نقطة تلاقى ...
واحنا لسه فى أبتدائي ..”
― علي سلامة

“في الحب تصبح الأحلام مشتركة نشعر بنشوة الوصول حينما يحقق الآخر غايته وكأننا من حقق الغاية ومن أصاب الهدف”
― أثير عبدالله, أحببتك أكثر مما ينبغي

“يقول مارك توين : لولا البلهاء لما حقق الآخرون أي نجاح ..نناور ونخفي أفكارنا , ونكذب ونتزلف .. وفي النهاية نحقق ربحا أكيدا . لكن أرقي أنواع الخداع طرا وأقواها تأثيرا هو الخداع الذي نمارسه علي أنفسنا”
― أحمد خالد توفيق

“أكره المذاكره لأنها تعطي الأفضلية والنجومية لـ عيال دمها تقيل”
― عمر طاهر, كابتن مصر: ألبوم ساخر للمراهقين

“الجهل مريح يا فاطمة
الجهل مريح
عدم العلم مليح
يا أم أولادي يا إنسانة زي الناس
عدم العلم مليح
عدم العلم عيون تنعس في الليل
ضحكة من القلب
من القلب صحيح
عدم المعرفة بيخلي الرجالة عيال
يضحكوا يبكوا
و دايما للدنيا طعم جديد”
― عبد الرحمن الأبنودي, جوابات حراجي القط

“كلّما ازداد الإنسان غباوة .. ازداد يقيناً بأنه أفضل من غيره في كل شيء .”
― علي الوردي, مهزلة العقل البشري

“لا تصالح علي الدم .. حتي بدم!
لا تصالح! و لو قيل رأس برأس
أكل الرؤوس سواء؟
أقلب الغريب كقلب أخيك؟!
أعيناه عينا أخيك؟
و هل تساوي يد ... سيفها كان لك
بيد سيفها أثكلك؟”
― أمل دنقل, الأعمال الكاملة

“ناقص حته
وكل ما أوزن
ألاقي لسه
ناقصلي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
وأقول ها نفرح
ف يوم
ها نفرح
ويوم مانفرح
علي الله يفضل
في القلب حته”
― علي سلامة, ناقص حتة

“Being a woman is a terribly difficult trade since it consists principally of dealings with men.”
― Joseph Conrad, Chance

“لما تقوم الصبح لوحدك
فايق أوى فرحان
والدنيا بتاخدك بالحضن من غير لف ودوران
وإنه كمان مسموح لك تحلم وبدون استئذان
لما تحس بروحك طايرة وبتقرب منك
وقلبك رغم الحزن يقولك مش زعلان منك
وإنك لسه بتقدر تعشق
وإن الكلمة بتطلع سهلة مش غصب عنك
وإن حياتك كلها تفرق عن كام ساعة فاتوا
وإن النقط السودة ف توبك اختفوا أو ماتوا
وإنك حد مصالح روحه وبيحب حياته
إياك تسأل ليه وإزاى وتدور على تفسير
وامسك فيها بعمرك كله وأوعى تسيبها تطير
أصلها حالة جميلة جميلة ومابتحصلش كتير”
― علي سلامة

“معرفش ليه ...
تنحت للدنيا كده .. !
وفجأة لقيتني مسكون بالملل ...
لاعندي رغبة ف البكا ..
ولا في الكلام ...
ولا عايز أنام ...
ولا حتي بسأل إيه ده ليه ..
وآخرتها إيه ..
وإيه العمل .......
وأخاف أقول لأي حد ….
أحسن يقوم يقلبها جد …
حد صاحبي ينزعج ...
يمد إيده جوه قلبه من باب الكرم ..
عشان يشاركني الألم ...
أو يستلفلي من لئيم حبة أمل ..
حالة كده ....
معرفش إيه ...
ملهاش معاد ..
ساعات تزورني ف الربيع ..
ف الحر ...
وف عز الشتا ...
وتجيب حاجات ...
لا فيها روح ولا ميته...
حالة كده ....
لا معاها تنفع كلمتين ولا غنوتين ...
ولا لقطة من ألبوم صور ..
آلاقي قلبي ف الهوا ويا الكور ...
أخاف أقول لأي حد ....
أحسن يقوم يقلبها جد ..
حالة كده ..
معرفش إيه ..
لكني بطلع منها بعد السكات ..
فاهم شويه ف اللي فات ..
حاسس أوي بحضن الصحاب ...
محظوظ أنا ...
ساعات أشاور ...
ينفتحللي ألف باب…
لكني باغلط ف الحساب ..
ومعرفش ليه
تنحت للدنيا كده ...”
― علي سلامة