Amira > Amira's Quotes

“حمدا لله علـى أوهامنـا، إنّها تمنحنـا بقية أمل ، و بقيـة عزاء”
― يوسف السباعي, نادية، الجزء الأول

“في استعراضي للذين خذلوني في حياتي ..
أجد نفسي مضطرًا للاعتراف بأن أحداً لم يخذلني مثلي”
― محمد عفيفي

“ في علاقتي بالآخرين أحب على الدوام أن يظلوا آخرين”
― محمد عفيفي

“Be yourself; everyone else is already taken.”
― Oscar Wilde

“أتمنى لكِ اليأس يا حبيبتي؛ لكي تصيرين مبدعة. اليائسون هم المبدعون، لا تنتظريني ولا تنتظري أحدًا. انتظري الفكرة، لا تنتظري المفكّر. انتظري القصيدة، ولا تنتظري الشاعر. انتظري الثورة، ولا تنتظري الثائر. المفكّر يخطئ، والشاعر يكذب، والثائر يتعب.”
― محمود درويش, يوميات الحزن العادي

“الفرق بين الحب الفاشل والحب الناجح، أن الأول يؤلمك شهرا، في حين الثاني يؤلمك مدى الحياة”
― محمد عفيفي, للكبار فقط

“You have everything needed for the extravagant journey that is your life.”
― Carlos Castaneda

“ - يعني لسه بتحبني ؟
- على فكرة أنا مش مؤمن بمبدأ السؤال ده .
- ليه ؟
- دا سؤال لفظي .. إحنا بنحس الحب زي ما بنحس الخوف والفرح والكره .. فعشان تعرفي إذا كنت لسه بحبك واللا لأ إسألي نفسك .. ”
― يوسف إدريس

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“النهارده كنت كويس قدام الناس .. بس ما كنتش أنا، ومش عارف إمتى هاكون كويس وأنا!”
― فؤاد حداد

“إننا لا ننتهي أبداً من صنع أنفسنا”
― Juan José Millás, هكذا كانت الوحدة

“بكيت .. مسحت دموعى ... بامسح دموعى ... بكيت”
― فؤاد حداد

“الرجل يعاف المرأة بعد أن ينالها”
― نوال السعداوي, تعلمت الحب

“لا تُوحِشُ الوحدةُ أصحابَها!”
― ياسر ثابت, مراودة

“لكلّ شيء ثمن، وكلما عزّ المراد ارتفع ثمنه”
― رضوى عاشور, ثلاثية غرناطة

“You've gotta dance like there's nobody watching,
Love like you'll never be hurt,
Sing like there's nobody listening,
And live like it's heaven on earth.”
― William W. Purkey

“المراية بعيدة جداً ،
و الطريق على مد شوفي ..
و الفضول اللي ف عنيا إني اشوفني ..
مداري خوفي ..
وصف كل الخلق ليا .. ليه تمللي عكس بعضه ؟
و كل وصف اتقال عليا .. ليه بييجي عكسه بعده ؟
حد شايف اني خايف .. غيره حاسس اني بايع ..
حبه فاكرين اني عارف .. حبة عارفين اني ضايع ..
طلعوا كل الطبايع ، الصفات الممكنة ..
و ارسموني بفرشة تايهة .. م الآراء و الألسنة ..
تطلع الصورة الغريبة ..لحد أصلاً مش هنا ..
و النتيجة كل مادا ..
صورتي تتلخبط زيادة ..
و أنسى أصل شكلي إيه ..
و للا نفسي أشوفني ليه ..
حد زيي بعد فترة ازاي يصدق غير عينيه ؟
نفسي أوصل للحقيقة ،،
قبل ما اوصل للنهاية..
نفسي أشوف صورتي الدقيقة ..
و لو دقيقة .. في المراية ..
و المراية ..
بعـيدة جداً ..
و الطريق على مد شوفي ..
و الفضول اللي ف عنيا .. إني اشوفني ..
مداري خوفي ..”
― مصطفى ابراهيم

“والحضن دايماً يختصر
نُص الكلام”
― مصطفى ابراهيم

“نظرتها ليك حتى .. ساعة ما بصتلك .. لو دامت لعين غيرك .. مكنتش وصلتلك ....”
― مصطفى ابراهيم

“فيه فرق ما بين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده”
― مصطفى ابراهيم

“دايماً على قد ما تتساب ..سيب
وعلى قد ما واحشك أحباب ..غيب
كل الداين ..كان متداين
والدين بيلف بدون ترتيب”
― مصطفى ابراهيم

“أبعد نُقطة بالنسبالك جوّا الدايرة
هيّ مكانك
ولأن أساساً ف الدايرة
هنا هوّ هناك
ف طبيعي تحسّ إنك عايش
بإتنين جوّاك”
― مصطفى ابراهيم

“قالولي زمان و انا صغيّر ما فيش انسان بيتغيّر ..
و ان الوش و الماسكات تمللي عمرها قصيّر ..
و مادام الطبع كالعادة .. تملى بيغلب التطبيع
هتفرق تربيــة زياده .. فى واحد بالجينات هيصيع ؟!”
― مصطفى ابراهيم

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

“أنا مش فاكر ..
آخر مرة بكيت كات امتى ..
أنا مش فاكر .. آخر دمعة عليها القيمة ..
أنا مبقتش بصدق ولا مشهد فى الدنيا ..
أنا مبقتش بدمع .. غير وأنا جوة السـيما”
― مصطفى إبراهيم, ويسترن يونيون فرع الهرم

“كل الحاجات حواليك...

ف الكادر سانده عليك....

لو جيت وشلْت اديك....

الصورة تتفركش ….

ضلك على الحيطه ….

كان خافي عنها النور ….

وطلّعها بتنغمش...

كفك على السفره...

من غيره كان إزاي...

مفرشها يتكرمش ؟..

بصمة صباع إيدك...

لسّاها ع الشبابيك...

ميت ألف تفصيله...

ملهاش وجود غير بيك..

وإنتا عليك تختار...

حتبدّي مين على مين ؟..

وتبدّي إيه على إيه ؟..

الجاي والجايين ؟

وللا اللي خدت عليه ؟

أصل الحياه للعلم..

مفهاش حاجات ببلاش..

وعشان ماتصبح فيلم...

وأصلا عشان تتعاش..

كادر الحياه المشحون...

فرح والم وشجون..

لازم يكون
بيلف....

لازم يكون….
بيدور..


يتقل عليك ويخف..

ويعشّمك بالنور..

ف نهاية المشوار...

ونا قلبي لف و دار.....

ميت ألف ليل ونهار....

نفسه ف فرحه كادوه.....

وحلاوه من غير نار....

ومّا الزمن تعبه...

قصقص شريط الفيلم....

وخَد كادر كان عاجبه....

وقرر يعيش ف الحلم.....”
― مصطفى إبراهيم, ويسترن يونيون فرع الهرم

“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
― مصطفى إبراهيم, ويسترن يونيون فرع الهرم

“لما قلتوا الدنيا فانية و قلت ايوة
فزتوا انى امنت بيكو
و فاتكوا انى بعد فترة
هبقى زاهد
حتى فيكو”
― مصطفى إبراهيم, ويسترن يونيون فرع الهرم