حسام > حسام's Quotes

“آ باي .. ما كنت شقي وعفريت
من دون كل الولدات
كنت مخالف…
براوي
وكنت مخبي في عنيك السحراوي
تمللي حاجات
زي الحدايه..
تخوي الحاجه وتطير.
من صغرك بصوافر واعره
ومناقير !!
بس ما كنت كداب
واديني استنيت بالدنيا
لما شعرك شاب!!”
― عبد الرحمن الأبنودي, المختارات يامنة وقصائد أخرى

“أحلى ما في الفرحة بتنسي الكبير سنه ، واحلى ما في الحزن كل الحكمة تيجي منه”
― عبد الرحمن الأبنودي

“ويا مصْر وان خيّروني ما اسكن إلاكي
و لاجْل تتبِّسمي.. يا ما بابات باكي
تسقيني كاس المرار.. و برضُه باهواكي
بلدي ومالي إلا انتي ولو ظلمتيني..
مقبولة منِّك جراح قلبي وْدموع عيني
الجرح يشْفى إذا بإيدك لمستيني..
كلّك حلاوَة.. وكلمة «مصر».. أحلاكي!!”
― عبد الرحمن الأبنودي

“واحنا ولاد الكلب الشعب
احنا بتوع الاجمل وطريقُه الصعب
والضرب ببوز الجزمه وبسٍن الكعب
والموت في الحرب..!!”
― عبد الرحمن الأبنودي, الأحزان العادية

“بيكدبوا الصدق
اما الكدب يتصدق
يا ليل ياليل
تطول
بكره نلاقي الفجر
بيشقشق
انا في انتظار الصباح
انا احتويت الجراح
وخلاص
نسيت الي راح
ومن جديد هبدأ
ودي
مسألة مبدأ”
― عبد الرحمن الأبنودي

“ملعون أبوها الحمامة أُم غصن زتون
.معمولة لأجل الضحايا يصدقوا الجلاد”
― عبد الرحمن الأبنودي, الموت علي الأسفلت

“يا هل ترى الليل الحزين..
أبو النجوم الدبلانين..
أبو الغناوي المجروحين..
يقدر ينسّيها الصباح..
أبو شمس بترش الحنين؟؟”
― عبد الرحمن الأبنودي

“ساعات نشوف في العتمة.. وساعات نتوه في النور.. ساعات عيوننا بالأسى تفرح... وساعات في ساعة الفرح ننوح..!!”
― عبد الرحمن الأبنودي

“أنا باشكر اللى خلق لى الصوت وأوصانى
أقول كلام حُرّ.. مايقبلْش لون تانى
مااسكتش ع الضِّيم واهشّ الغيم بقولة آه
وإن سرقوا صوتي.. بينسوا ياخدوا قولة آه
في الفرْح في الجرح إيه حيلتى إلاّ قولِة آه”
― عبد الرحمن الأبنودي

“مدّ الأمل سِكِّتُه.. وقالِّنا: سيروا
نصيبكو حيصيبكوا تمشوا ولاّ حتطيروا
عيشوا النهارده الزمن.. بكره زمن غيره
آدى أول السكة صوت الضحكة بيلالي
والشمس أمشيلها ألاقيها اللى ما شيالي
ولا حدّ يقدر يعكّر قلبنا الخالي
لكن و مين بكرة يعرف إحنا فين فيها؟
هيه حتدينا والا احنا حندّيها؟
وإيه نصيبنا من الأيام ولياليها؟
غاب الزمن في الزمن.. واحنا بِلا عزوة
ولا نملك إلا نماشي السكة و نسيروا”
― عبد الرحمن الأبنودي

“القصيدة توصف الدم الذكي
ما تشيلش نقطة
توصف ألام اللي ماتت بنتها قدام عينيها
بس وصف
وصف جيد…….وصف خايب
وصف صادق….وصف كاذب
في النهاية……….كلة وصف
كل شعر الوصف
مايساويش في سوق الحق صرخة
الكلام عن كل دة
شئ من التطاول
إنما…..لازم نحاول”
― عبد الرحمن الأبنودي, الموت علي الأسفلت

“قدم البيت
اتهدت قبله بيوت وبيوت
واصيل هوه
مستنيني لما اموت
حاتيجي العيد الجاي
واذا جيت ..
حاتجيني الجاي؟
وحاتشرب مع يامنه الشاي؟
حاجي ياعمه ..
وجيت…
لا لقيت يامنه ولا البيت!!”
― عبد الرحمن الأبنودي, المختارات يامنة وقصائد أخرى

“ آن الآوان ترحلي يا دولة العواجيز

 

عواجيز شداد مسعورين اكلوا بلدنا اكل

 

ويشبهوا بعضهم نهم وخسة وشكل

 

طلع الشباب البديع قلبوا خريفها ربيع

 

وحققوا المعجزة صحوا القتيل من القتل

 

اقتلني قتلي ما هيعيد دولتك تاني

 

بكتب بدمي حياة تانية لأوطاني

 ”
― عبد الرحمن الابنودي

“وانا الدرويش بأنزف دم
وسع لي الطريق يا عم
وماشي بجرحي مش مهتم”
― عبد الرحمن الأبنودي, الموت علي الأسفلت

“تكلمها النسوان تضحك..لكن تقعد تبكي

وتقول مالكم بيّا بس يا خلق..؟

سيبوني.. فرحانة..وماله لما ابكي..؟

يعني الفرحة دي حاجة بتاجي يوماتي؟

سيبوني ابكي.

أهي دمعة تطفي القلب المحروق.”
― عبد الرحمن الأبنودي, جوابات حراجي القط

“و ان صرخ القول في الحشا
عمر الخشم الحر
ما يقدر يقعد مقفول ..”
― عبد الرحمن الأبنودي, جوابات حراجي القط

“النبي يا حراجي ما اطول قلبك
لاقطع بسناني الحتة القاسية فيه”
― عبد الرحمن الأبنودي, جوابات حراجي القط

“حبيبتى ..
كل ما بنسى ، تفكرنى الحاجات بيكى
أئنك تدمعك عينى
كأنى مش بغنيكى
و أنا الدرويش
أنا السارح بمسبحتى و مبخرتى
و توب الخيش
أغنيلك و أمولك مواويلك
ما تسمعنيش و لا تشوفينيش
و مش لازم ..
ما دام عايشة ، ما دمت بعيش !”
― عبد الرحمن الأبنودي

“تذكرة القطر بمبلغ و بقدره
و القطر ماهوش على كيفه.. ولا قطرُه
و إن مات حتى بخـُطره
و إن شالله يخس دراع
لكن مش ممكن حاجة تعطل سفره
مسافر يعنى مسافر
أبنود ضاقت .. وملوش فيها دلوقت
غير تمن القطر .. وتمن القطر ده وقت”
― عبد الرحمن الأبنودى, أحمد سماعين: سيرة إنسان