AbdulHamid > AbdulHamid's Quotes

“مش مهم انك تغير الكون... المهم انك تخلي الكون ما يغيركش”
― عمر طاهر

“أستمتع بالحاجات الصغيرة بكره هتعرف أنها كانت كبيره”
― عمر طاهر, جر ناعم

“الأشخاص كالألوان , إذا رحل عن حياتك اللون الأحمر قد يهون عليك اللون الأخضر بعض الألم , لكنه مهما كان مخلصا لن يصبح أحمر فى يوم من الأيام”
― عمر طاهر, جر ناعم

“أبعد نُقطة بِالنِسبالك
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― مصطفى إبراهيم, المانيفستو

“أنا أحسن واحد يقنعك تحكي…

ومابيحكيش…

وأحسن واحد يقنعك تبكي…

...وما بيبكيش…

أنا أحسن واحد يقنعك تفرح….

وأحسن واحد يقنعك تجرح…

أنا أحسن واحد ميت….

يقدر يقنعك….تعيش…”
― مصطفى إبراهيم, المانيفستو

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“ما بيبكيناش ف غيابكم إلا الشوق
وما تفهموش من ضحكتى إنى ارتحت
لو حدّ فينا ارتاح يبقى اللى بيغمض ساعة الفراق
أما أنا ساعة الفراق .. فتّحت”
― مصطفى إبراهيم, المانيفستو

“يا خالق كل شئ ناقص .. كمالته معاك
يا شايل م الحاجات حتة .. بنترجاك
بحق المشهد الكامل
و اسمك اللى أنا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته”
― مصطفى إبراهيم, المانيفستو

“سيب
دايما على قد ما تتساب.. سيب
و على قد ما واحشك أحباب.. غيب
كل الداين.. كان متداين
والدين بيلف بدون ترتيب
أنا عمرى ما كنت بجرح قصد.. لحد ما قلبى اتجرح قصد
أنا جانى وقاضى ومجنى عليه
وطلعت براءة فـ حكم النقض
أنا دومينو ف صف ومش قصدى
كان نفسى أسند قمت موقع
أنا شايل قلبى ف محفظتى
وأول ما تجيلى فلوس.. بدفع
أنا عادى ودورى مالوش سوكسيه
بس دى أرزاق.. والدنيا نصيب
عمر ما فيه عادى بيسأل ليه
من الأصل اتساب... وليه هيسيب!”
― مصطفى إبراهيم, المانيفستو

“وطّى على ودنى ف قلب المسيرة وقال:
كده يبقى فاضل كام شهيد ع النصر؟
كده يبقى فاضل أد إيه على مصر؟”
― مصطفى إبراهيم, المانيفستو

“السلام عليكم ياللى سيبتونا و نزلتم تحت
السلام عليمن ياللى سيبتونا و طلعتم فوق
ما بيبكيناش ف غيابكم الا الشوق
و ما تفهموش من ضحكتى انى ارتحت
لو حد فينا ارتاح
يبقى اللى بيغمض ساعة الفراق
اما انا ساعة الفراق ... فتحت”
― مصطفى إبراهيم, المانيفستو

“الخائفون من الفراق.. والخائفات
والعارفون ان اللقا بيدوم ساعات
كل فى فلك يسبحون.. ويذبحون
عمر الحاجات الجاية على حس اللى فات”
― مصطفى إبراهيم, المانيفستو

“إزاي هزهد في حاجا ماعييش؟
-ياحمار دي فضيله الاستغناء
وانا كنت استغنيت بمزاجي؟
أنا اسمي يئست ومستغنتش
إيه الزهد في إني أما أجي
أشتري ما بجيبش عشان ما لقتش؟
فيه فرق ما بين صبر العاجز
علشان مبقاش حاجه ف إيده
وبين واحد أصلا مش عايز
غير زي ما بس يعوز سيده
صدقني أنا زاهد بالصدفه .. أو من غير قصد
أنا طاير آه .. لكن علشان مش لاقي الأرض”
― مصطفى إبراهيم, المانيفستو

“كل يومين .. بكبر و ارمي حاجات
و اكتشف إن أنا .. كان ممكن أعيش
من غيرهم اصلا من ألاول
ما اعرفش بقى اليأس اتحول
و قلب زهد
و لا دا جين صوفي من الأول مش محتاج جهد ؟”
― مصطفى إبراهيم, المانيفستو

“إزاى تعرف مين سابق مين جوا الدايرة و مين فيها فطع أطول مشوار .. مش ممكن برضه اللى ف ضهرك يطلع سابقك و انت اللى حمار ؟؟”
― مصطفى إبراهيم, المانيفستو

“الزمالك لا يلعب من أجل البطولات , و محبتنا له لا تتأثر بهذه المكاسب الدنيويّة ، نحن نشجّع الزمالك بنظرية حسين فهمي في فيلم " مافيا " : " إنت مابتحبش أمك علشان هيَّ أحسن واحدة في العالم ”
― عمر طاهر, زمن الغم الجميل: يوميات مواطن مصري قبل الثورة

“لو عاوز شئ بشده
اعمل حواليه قوسين
خلى عيونك تحاوطه
لو حتى يروح لفين
خليك فاهم يا صاحبى
الحلو بييجى مرة
ومفيش فى الدنيا فرصة
تتكرر مرتين”
― عمرو حسن, ناس كافيه

“قدرك انك وُلدت في مصر المعاصرة، الأمر أشبه بمن خرج من رحم أمه إلى الزنزانة فورًا”
― أسما حسين

“ﺍﻟﻌﺎﺭ ﻋﻠﻴﻜﻢ ﺟﻤﻴﻌﺎً ﻳﺎﻟﻠﻰ ﺑﻌﺘﻮﺍ ﺑﻼﺵ
ﺍﻟﻌﺎﺭ ﻋﻠﻴﺎ ﻋﺸﺎﻥ ﻭﻳﺎﻛﻮﺍ ﺑﺘﺴﺎﻫﻞ”
― عمرو حسن, ناس كافيه

“عن العشرة اللي عاوزة تعيش ف عز ما فيه حاجات بتموت”
― عمرو حسن, ناس كافيه

“كل واحد يسأل الآن: (مصر رايحة على فين؟) مش تسألوا قبل ما تركبوا”
― جلال عامر

“البلد دى فيها ناس عايشة كويس وناس كويس إنها عايشة”
― جلال عامر