آيات مختار > آيات 's Quotes

“الكلامُ ليسَ عن همسةٍ خائفةٍ في العتمة

الكلام هو عن النهارِ والنوافذ المشرعة

وَعن الهواء الطازج

وعن موقدٍ يحرقونَ فيه أشياء غيرَ مجدية

وعن أرضٍ حبلى بمزروعٍ آخر

الكلام هو عن أيدينا العاشقة

التي نصبت جسراً من بشارة

العطر وَالنور والنسيم

فوق الليالي.”
― فروغ فرخزاد, وحده الصوت يبقى

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم

“أنا مش فاكر ..
آخر مرة بكيت كات امتى ..
أنا مش فاكر .. آخر دمعة عليها القيمة ..
أنا مبقتش بصدق ولا مشهد فى الدنيا ..
أنا مبقتش بدمع .. غير وأنا جوة السـيما”
― مصطفى إبراهيم, ويسترن يونيون فرع الهرم

“بلالين عايشين نِفسها
تلقى حد يصدَّق و يقدرها
مُتأكِده مِن إنه عاوِزها
مِن غير ما يجرَب يخسرها”
― مصطفى إبراهيم, ويسترن يونيون فرع الهرم

“أنا عايم على وش المية ..
وأنا سايب ايدى ورجليا ..
والموجة اللى تفوتنى بسيبها ..
وأتشعلق فى الموجة الجاية”
― مصطفى إبراهيم, ويسترن يونيون فرع الهرم

“ان كان ولابد تبيع نفسك بيع نفسك فرط..
لميت واحد قالك أحسنلك .. تتبعتر أحسن..
ما يلمك جيب واحد”
― مصطفى إبراهيم, ويسترن يونيون فرع الهرم

“والنتيجة كل مادا صورتى تتلخبط..
زيادة وأنسى أصل شكلى ايه وللا نفسى..
أشوفنى ليه حد زيى بعد فترة ازاى يصدق..
.. غير عينيه؟”
― مصطفى إبراهيم, ويسترن يونيون فرع الهرم

“و العمر دايرة..
مقفولة صح ..
اولها..
نلقاه ف الختام”
― مصطفى إبراهيم, ويسترن يونيون فرع الهرم

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم

“يا بشر عرفاني و عارفه أنا مين
بلغوا أسفي لكل البلالين
كلنا كنا ف يوم بالونة
فقعتنا تجارب بني أدمين”
― مصطفى إبراهيم, ويسترن يونيون فرع الهرم

“لوح البنور الصافي
الرايق زي الميه
كان اجمل جايز لاكن
الأجمل دايما هش
علشان كدا لما اتجرح
كان عارف ان الدنيا
بتبدل نعمة بتانية
و خلته ميخافش الخدش”
― مصطفى إبراهيم, ويسترن يونيون فرع الهرم

“انا زى زيـــــــــك ....معنديش حاجه تمنعنى من دخول جهنم
غير قوله
يــــــــــــــا رب”
― أحمد العايدي, العشق السادي

“من يقرأ التاريخ في دول العالم الثالث سيجد المأساة مؤلمة، كثيرون تحرروا بالثورة من المحتل الاجنبي ليخضعوا طواعية للمحتل الوطني”
― أحمد العايدي, أن تكون عباس العبد

“ملعونه كل الاسئله
لما الجواب يوصل غلط”
― أحمد العايدي, العشق السادي

“للأسف ...
النور رجع
بس انـــــــا
مبقتش أشوف”
― أحمد العايدي, العشق السادي

“ما كرهتش حد في الدنيا قد اللي حبيته
ومن ساعتها أنا كل ما أحب حد
أسيبه عشان ماخسروش”
― أحمد العايدي

“عارفه إن أنا يوميا بكبر ؟
وبعجز اكمني مابنساش
أنا فاكر أيام بالميللي
أنا فاكر أيام بالتفصيل”
― مصطفى إبراهيم

“لازم أدارى الدمع
بالضحك الرخيص
ودا م الخجل”
― أحمد العايدي

“هو أنا لو نمت عندك م العَشَم ع الباب حتزقني ؟
يارب أنا عايز أشوفك.. عشان بجد وحشتني”
― أحمد العايدي

“امتحانك من
مقامك
.. وأنا بجد
مش قادر
يا رب”
― أحمد العايدي

“ثلاث نساء لا يمكنك الهروب منهن
إمرأه حطمتك
إمرأه خانتك
إمرأه لا تريدك”
― أحمد العايدي, أن تكون عباس العبد

“لا أحد يحب أن يقرأ عن عذابات أنصاف الآلهه حين يتكشف لهم كم هم أرباع بشر”
― أحمد العايدي, أن تكون عباس العبد

“ناقص حته
وكل ما أوزن
ألاقي لسه
ناقصلي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
وأقول ها نفرح
ف يوم
ها نفرح
ويوم مانفرح
علي الله يفضل
في القلب حته”
― علي سلامة, ناقص حتة

“معرفش ليه ...
تنحت للدنيا كده .. !
وفجأة لقيتني مسكون بالملل ...
لاعندي رغبة ف البكا ..
ولا في الكلام ...
ولا عايز أنام ...
ولا حتي بسأل إيه ده ليه ..
وآخرتها إيه ..
وإيه العمل .......
وأخاف أقول لأي حد ….
أحسن يقوم يقلبها جد …
حد صاحبي ينزعج ...
يمد إيده جوه قلبه من باب الكرم ..
عشان يشاركني الألم ...
أو يستلفلي من لئيم حبة أمل ..
حالة كده ....
معرفش إيه ...
ملهاش معاد ..
ساعات تزورني ف الربيع ..
ف الحر ...
وف عز الشتا ...
وتجيب حاجات ...
لا فيها روح ولا ميته...
حالة كده ....
لا معاها تنفع كلمتين ولا غنوتين ...
ولا لقطة من ألبوم صور ..
آلاقي قلبي ف الهوا ويا الكور ...
أخاف أقول لأي حد ....
أحسن يقوم يقلبها جد ..
حالة كده ..
معرفش إيه ..
لكني بطلع منها بعد السكات ..
فاهم شويه ف اللي فات ..
حاسس أوي بحضن الصحاب ...
محظوظ أنا ...
ساعات أشاور ...
ينفتحللي ألف باب…
لكني باغلط ف الحساب ..
ومعرفش ليه
تنحت للدنيا كده ...”
― علي سلامة

“لو موصوفلك

لو موصوفلك ترجع.....جوة الهيصة

وعيش

لو موصوفلك ترجع....روح ويارايت

متجيش

لو موصوفلك تضحك......اضحك

على أحزانك

لو موصوفلك تعشق...حب واقف فى

مكانك

لو تختار فى زمانك........أحسن

ماتنقيش

لو موصوفلك تحلم....قضى الليل

بردان

واعمل روحك ترتاح....ناسى انك

انسان

لو موصوفلك ترتاح....نادى وقول

يا جراح

ما يغركش براح ساكت ما بيبكيش......


ساكت ما بيبكيش !”
― علي سلامة

“الرزق على الله قوم يلا نرمي الشباك
بحبك يا أمل يا بكرى وبستناك
الرزق على الله ..مَت يلا نرمي الشباك
بحبك يا أمل يا بكرى وبستناك....
وياك تغير الموضوع إياك

أقلك قلب الوطن موجوع تقلي العيب على السباك!

إذا كان الأهلي بيدور على مهاجم
والزمالك عايز مسالك

مصر حتموت من زمان على حتت شباك
تطل منو على الأمل”
― علي سلامة

“You've gotta dance like there's nobody watching,
Love like you'll never be hurt,
Sing like there's nobody listening,
And live like it's heaven on earth.”
― William W. Purkey

“Be the change that you wish to see in the world.”
― Mahatma Gandhi

“يعمل أيه اللى قلبه ...
بين صوابعك
غير يطيعك
حتى لو عصاك
مش طالعه منى
بحق ديقى ...للسما
غير همهمه ...
يمكن بيبانك ليا
لسا مقفله
بس انا
آسف يا رب”
― أحمد العايدي, العشق السادي