Mohammad Anter > Mohammad's Quotes

“وكأن فيه قطاع طريق للأمنيات
واخدين تمللي من ايديك كل الحاجات
هما اللي ورثو لوحدهم في الفرعنه
يعني كمان الخصخصة واصله الجينات”
― محمد السيد

“لو كنتى فين.. بقدر اشوفك كل وقت وكل حين.. بقدراحسك بالإيدين... واسمع غناكى وهو بيشق السكوت.. بقدر افوت من اى لحظة تغرّبك.... بُعد المسافة مقرّبك قرب الرموش للعين”
― محمد السيد, التلت الأسود في العلم

“الحلم بوابة أمل علي بكرة جى _ ما هو بكرة دنيا مضلمة والحلم ضي _ عكاز بيسند خطوتك لو يوم تميل _ الحلم ده اكبر دليل ان انت حي”
― محمد السيد

“معقول تكون المشكلة هي الوجود؟! معقول خلافي مع الحياة ملهوش حدود؟! زاد اقتناعي بإن اطراف النزاع ... اتنين و رافض مشترك.. انسان ..... ودنيا.. والموت مسكن أسئلة وماهوش جواب.. الامضة بس بتنتقل.. من خانة الحاضر وجع.. لخانة الموجوع غياب.. اذن الوجود مش هو اصل المشكلة والأزمة لو أزمة حياة فلكل ازمة منحني الأزمة في الغالب...أنا”
― محمد السيد

“إنتظارِك حالة من صبر إختياري .. بس أنا مجبر عليها تحت تهديد الوعود .. إنتظارك معنى تاني للأماني .. ومعنى أول للوجود”
― محمد السيد

“رغم ان جيوبي فاضية... قلبي مليان هموم.... حتي الايام ما راضية... تضحك قدامي يوم.... بتألم بس عايش... راضي باللي اتقسملي... واتبسم للمعايش.. لو رفضت تبتسملي... عريان من اي بهجه... ومتداري في الهدوم...”
― محمد السيد

“تغيير ابوس رجلكم من قبل شوط تاني كل اللي مات منكم جايز يموت تاني”
― محمد السيد, التلت الأسود في العلم

“حلمك لوني..
قلبك ابيض حتة ف كوني...
وفين ماتكوني بكون وبعيش...
راضي معاكي بحتى.. مفيش”
― محمد السيد, التلت الأسود في العلم

“ﻟﺴﻪ ﻗﺎﺩﺭ ﻉ ﺍﻟﺘﻔﺎﺅﻝ ..ﻣﻬﻤﺎ ﻳﺤﺼﻞ ﻣﺶ ﺑﻤﻞ

ﻟﺴﻪ ﺷﺎﻳﻞ ﺣﻠﻢ ﻋﺎﻗﻞ .. ﺷﻤﺴﻪ ﺗﻜﺴﺮ ﺍﻯ ﺿﻞ

قلبي قادر ع اللي عادو .. مهما قالو ومهما عادو

الامل عارف معادو .. زاد ومش ممكن يقل”
― محمد السيد

“نصيبنا ان احنا نتفارق... هنعمل ايه مع القسمة... ماهى الدنيا تبكينا ..... وتفضل هى مبتسمة”
― محمد السيد

“وراح قلبي في دمعة عين ..وكلمة كل شئ قسمة .. نصيب وصلنا للقسمة.. بقينا اتنين .. وجايز كل شئ بيننا ما عدا الجمع”
― محمد السيد, التلت الأسود في العلم

“الناس في بلدي اغنيا _ بالركعتين والادعيا_ مبيتزاروش لكنهم _ بيزورو كل الاوليا”
― محمد السيد, التلت الأسود في العلم

“الموت مسكن اسئلة وماهوش جواب ____ الإمضا بس بس بتتنقل .. من خانة الحاضر وجع لخانة الموجوع غياب”
― محمد السيد, التلت الأسود في العلم

“يا ضحكة متغربة عن يومي من يومك.... حرماني م التجربة وانا نفسي اعوم عومك.... معقول تكون بسمتي مش لايقة علي وشي.... وللا انتي خايفة ابتسم فدمعتي تلومك”
― محمد السيد, التلت الأسود في العلم

“لما جناح القلب يرفرف
سيبه يطير...
اوعى تضيـّع طعم اللحظة بالتفكير”
― محمد السيد, التلت الأسود في العلم

“انا بين ايدكى بتولد..
انسان بيدخل دنيته من غير ذنوب...
ومالوش مطالب فى الحياة غير يبقى شايفك...
يتوضى من ريق الملايكة بين شفايفك...
ويصلى فرض الشكر على نعمة وجودك...
ويطوف فى دوامة عنيكى بالسنين”
― محمد السيد, التلت الأسود في العلم

“انا مش هامننى الجراح والألم ... ولا مين بيظلم ومين اتظلم ... انا بس خايف عليك لما تبعد ...تجّرح عيونك دموع الندم”
― محمد السيد

“ولا ابوكي كان محتل .. ولا باشا عثمانلي __ ولا عمره داق الذل .. لو حتي متحلي __ معرفش يوم الأنا مع انه كان فرعون __ ولا عمر ضهر انحني غير لما بيصلي”
― محمد السيد, التلت الأسود في العلم

“الكلمة اللي بتعصي اوامرك
مش بتعمّر أي قصيدة..
قشّة بتقسم جوه دماغك ضهر لآخر فكرة جديدة...
أزمة شاعر كان بيدوّر ع الحدوتة المش تقليد...
لسه الشوف في عيونه عنيد...
لكن برضه الكلمة عنيدة”
― محمد السيد

“لو كنتى فين...
قلبى بيسمع كل خطوة فى مشيتك..
وينظم الدقات عليها ويهتدى...
واليوم باسمك يبتدى اعلان وجود”
― محمد السيد

“ياللى صالحتي العمر عليا..
وصالحتيني علي الايام..
انا مهما اكتب اي كلام...
مش هيكفي..
يا مخليا الفرح ف صفي..
يا مخليا الدنيا في كفي وتحت الطوع...
ومنسيه عيوني تجرب اي دموع”
― محمد السيد

“الضحك هاجر م الوشوش بقى ع الدقون....
شر البليه مخلانيش حتى ابتسم”
― محمد السيد

“على السادة اللى مش عشاق ...يراعو الفرق فى التوقيت...حبيبى لما اكون جنبه... بيبقى الوقت فيه عفريت”
― محمد السيد