Hossam > Hossam's Quotes

“انت نفسك عارف نفسك ، إزاي ممكن نظرة الناس ليك هتصلح صورتك في المراية ؟!!!”
― أحمد العسيلي

“النظرية اللي انا مصدقها جدا انك لو مش سعيد تبقي حمار”
― أحمد العسيلي, كتاب مالوش اسم

“لو حد سألنى عن رأيي هقول طظ في الناس مش لازم تليق عليهم خالص لو مش عايز ... بس لازم تليق على نفسك .. ليق على نفسك بس ، هتبقى رائع .. حتى لو وحش ، و حاشتك هتبقى ساعتها بتاعتك.. هتبقى رائع الوحاشة”
― أحمد العسيلي

“كلام في سركوا .. في المصالح الحكومية الشهرة بتخليك تتعامل على إنك بني آدم . مش قصدي إنك تبقى تحصل على خدمة غير عادية يعني ، بس بتخليهم يعاملوك كبني آدم طبيعي!!”
― أحمد العسيلي

“المجهود اللي بيبذلوه الناس في تخبية عيوبهم أو التنكر من انفسهم أو إدعاء أي كذبة هو غالبا أقل من اللي محتاجين يبذلوه عشان يبقوا فعلا بني آدمين أحسن ماعندهمش حاجة يستخبوا منها و لا يخبوها”
― أحمد العسيلي

“- القناعة كنز لا يفنى مش للي مامعاهوش بس ، القناعة الحقيقية في رأيي للي معاه بس مش عايز!”
― أحمد العسيلي, كتاب مالوش اسم

“نفسك عايزة تاخدك لتحت ، (طبيعتك الأرضية الحيوانية )، و روحك عايزة تمتد عشان توصل لخالقها ، و الخناقة اللي بين الإتنين

تسمى بني آدم!!”
― أحمد العسيلي

“بس اللي متأكد منه بقه هو ان أكبر و أعظم موهبة في الدنيا هي موهبة الحياة نفسها. و أعتقد كمان ان الموهبة دي تحديديا كل البشر مزودين بيها. الموهبة اللي تقدر تمكنك من انك تعيش الدنيا بتوازن؛ تحب الحياة بس ما تتعلقش بيها, تختلف عن الاخرين بس ما تكرهمش, تنتمي لأي حاجة بس من غير تعصب, تسامح بس ما تنساش, ترفض بتعقل, تفرح باتزان, تعيش بس ما تنساش الموت, تتخيل بس ما تبعدش عن الحقيقة, تبقى طموح بس ما تطمعش, تسأل بس ما تكفرش , تعيش باتزان.”
― أحمد العسيلي

“الإيمان بيخلي البني آدم أشجــع”
― أحمد العسيلي, كتاب مالوش اسم

“غريبة جدا كلمة الإستسلام دي ، من اكثر الكلمات اللي ليها معاني مختلفة في الدنيا .. الإستسلام في الحرب خيانة ، الإستسلام للحق فضيلة .. الإستسلام للشيطان رذيله .. الإستسلام لله هو كل الموضوع!”
― أحمد العسيلي, كتاب مالوش اسم

“ايه البجاحة دى؟؟ مش قصدى بجاحة بمعنى وحش طبعا
بس قصدى البجاحة انك تعمل حاجة أغلب الناس شايفينها مستحيلة , بل أصلا أغلب الناس ويمكن كلهم مش شايفينها أصلا”
― أحمد العسيلي, كتاب مالوش اسم

“لو نزلت الجامع اللي جنب بيتكو تقولهم وطوا صوت الميكروفون ده لإنه عالي ومزعج , حتلاقيهم واقفينلك كإنهم بيدافعوا عن الحضارة الإسلامية المنقرضه , مع إنهم بيدافعوا عن فعل قبيح ودميم ولا له أدنى علاقة بالدين , الإسلام مافيهوش ولا ميكروفونات ولا سماعات كبيرة ولا أصوات أحيانا أنكر من صوت الحمير وفاكرين نفسهم النقشبندي .”
― أحمد العسيلي

“خلق هذا العالم من حب وفقط الحب يبقيه حيا”
― أحمد العسيلي, كتاب مالوش اسم

“-ليق على نفسك بس حتبقى رائع ,لو انت وحش وحاشتك حتبقى ساعتها بتاعتك ..فحتبقى رائع الوحاشة ..”
― أحمد العسيلي, كتاب مالوش اسم

“جميلة الحياة بانها ما بتفضلش أبدا على حالها, جميلة بتغير الفصول والطلوع والنزول, جميلة الحياة بتغيرها. جميلة بكل ما فيها من حيرة وتساؤل و فضول, جميلة الحياة بالذكريات و بكل ما فيها من جنون.”
― أحمد العسيلي, كتاب مالوش اسم

“من غير ألم مش حتتعلم ..ومن غير ازمات قوية تقطم الوسط وتكسر الضهر حنبقى ضعاف”
― أحمد العسيلي, كتاب مالوش اسم

“الحيرة قدرنا لأن البني ادم هو الكائن الوحيد على الارض اللي بيحتار, لانه الكائن الوحيد اللي بيختار و عشان كده هو الكائن الوحيد اللي حيتحاسب.”
― أحمد العسيلي, كتاب مالوش اسم

“أعتقد يعني ان الدليل على ان روحك بتكبر فعلا هو ان مفاهيمك تتغير. مش مبادئك, مفاهيمك.”
― أحمد العسيلي

“احنا دايما مستسلمين لربنا لكن أوقات بنبعد عنه و أكيد بييجي وقت معين نرجع بسرعه غريبه لربنا عن نفسي انا مجرب لو رجعت لربنا مرة واحده بينك و بينه بس محدش شايفك غيره هتلاقيك بتبكى لربنا زي ما الطفل بيبكي لما يكون جوعان لانك بتبقى فعلا جوعان لربنا نفسك تشوف منه و نفسك تقابله نفسك تعرف ازاى رحمته فى الارض واحد من 100 ؟؟؟؟؟”
― حسام ابراهيم