Ghada Ragab > Ghada's Quotes

“ازاى الخوف وصلنى لدرجة انى ماخافش؟
ياللى فرقتوا الحب أنا قلبى بجد ماخدش”
― عمر طاهر, قهوة وشيكولاتة

“الحياة كوميدية بالنسبة للناس اللى دماغهم عاليه و مأساة بالنسبة للناس اللى احساسهم عالى”
― عمر طاهر, جر ناعم

“الأشخاص كالألوان , إذا رحل عن حياتك اللون الأحمر قد يهون عليك اللون الأخضر بعض الألم , لكنه مهما كان مخلصا لن يصبح أحمر فى يوم من الأيام”
― عمر طاهر, جر ناعم

“عندى صحيح حاجات كتير
لكن ناقصنى حاجات أكتر
ناقصنى إني أقدر أطير
و أنا عارف أنى فى يوم هقدر”
― عمر طاهر

“كان نفسى أكون سفاح
بس مجيبتش مجموع”
― عمر طاهر

“تيك كير ولا تثق في أحد.. فقد غنَّى هيثم شاكر لمصر (ارمي حمولك عليًّ)، راحت مصر مشيّلاه سنة سجن.”
― عمر طاهر, برما يقابل ريا وسكينه

“كل شئ كان عادي والمقابلة كانت عادية
عدى الوقت..
واكتشفت إن كل اللي فات هيبقى لحظات تاريخية!”
― وليد طاهر, حبة هوا...

“هو احنا مش من امبارح
بنقول نفسنا نبقى بكره؟
ادينا بقينا بكره وبعد بكره
ولسه احنا برضه..امبارح”
― وليد طاهر, حبة هوا...

“لا مش انا اللي ابكي
ولا انا اللي احكي
ولا انا اللي اشكي
ولا حتى اللي اتفلق
انا اللي بضحك لغاية
ما بتخنق !!”
― وليد طاهر, حبة هوا...

“الليل هو الشاي
والنهار هو اللبن
حط ده على ده
وانت تدوق طعم الزمن”
― وليد طاهر, حبة هوا...

“حبه هوا
طيروا الورق كله
يلا مش مهم
هو ايه اللي كان في الورق
أحلي م الهوا”
― وليد طاهر, حبة هوا...

“أشتاق كالأطفال ألهو.. ثم أشعر بالدوار
وأظل أحلم بالذي قد كان يوما..
أحمل الذكرى على صدري شعاعا..
كلما أختنق النهار ”
― فاروق جويدة

“صباحك شاي في حضن حليب مهوش بودره”
― هيثم دبور, وبعدها: أشعار بالعامية المصرية

“إذا خسر اليهود فإنهم سيعودون إلى البلاد التي أتوا منها، أما إذا خسرنا نحن، فسنخسر كل شيء”
― إبراهيم نصرالله, زمن الخيول البيضاء

“بدون ما أعرف سبب واضح ...
عشان أزعل...
أنا زعلان !”
― مصطفى إبراهيم

“عارفه إن أنا يوميا بكبر ؟
وبعجز اكمني مابنساش
أنا فاكر أيام بالميللي
أنا فاكر أيام بالتفصيل”
― مصطفى إبراهيم

“ساب الجاكت في الفاترينه
بعد ما قاس
ساب الجزمه في الكرتونه
بعد ما داس
حط التلج وبلع بق
وساب الكاس
ساب حكاياته للي حاكيها
وفضي حياته للي ماليها
ساب الدنيا بكل مافيها
بعد ماجرب كل الناس”
― مصطفى إبراهيم

“أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مله ودين”
― مصطفى إبراهيم

“والنتيجة كل مادا صورتى تتلخبط..
زيادة وأنسى أصل شكلى ايه وللا نفسى..
أشوفنى ليه حد زيى بعد فترة ازاى يصدق..
.. غير عينيه؟”
― مصطفى إبراهيم, ويسترن يونيون فرع الهرم

“إن الأحلآم العظيمة لآ يمكن أبدًا أن نجدها لقيطة على أرصفة الشوارع، إنها تسكُن أبراجًا وتحتاج إلى جهد كبير !”
― فاروق جويدة, ليس للحب أوان

“مَا عُدتُ أعبأ بالكَلام
فالنَاسُ تعرفُ ما يقالْ
كلُّ الذِي عنْدي
كلامٌ لا يُقالْ”
― فاروق جويدة, لأني أحبك

“أبعد نُقطة بِالنِسبالك
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― مصطفى إبراهيم, المانيفستو

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم

“أنا عايم على وش المية ..
وأنا سايب ايدى ورجليا ..
والموجة اللى تفوتنى بسيبها ..
وأتشعلق فى الموجة الجاية”
― مصطفى إبراهيم, ويسترن يونيون فرع الهرم

“ماشي ع البحر صافي
مدلدل كتافي
المية ساقعه والرمل دافي
أي..
دخل ف رجلي سؤال
آدي اخرة اللي يمشي حافي”
― وليد طاهر, حبة هوا...

“قرقضت ضوافرى .. متوتر .. متعفرط ...الحياة عمالة تتركب .. تتعقد ...وانا كنت فاكرها هتبقى ابسط !!”
― وليد طاهر, حبة هوا...

“الجاي مِش أد اللي راح ؟
وللا إللي جاي أكتر ؟
الشاش على أد الجراح ؟
وللا الجِراح أكبر ؟”
― مصطفى إبراهيم

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“الكوتشي اللي باش
م اللف ف شوارعك
يحرم عليه
يبوس ارض غيرك

والقلب القماش
اللي مكوي بعمايلك
لساه معبق
بريحة عبيرك

والواد اللي عاش
طول عمره يحايلك
ونفسه اسمه
ييجي في رسايلك

وتبعتيله تطمنيه
ان انتي عارفة
ان انتي ليه
وان انتي قايمة ونايمة بيه

وقت الشتا يتدفي بيكي
ووقت الخطر تتحامي فيه
وساعة اما بيقسي عليكي
وساعة اما بتدعي عليه
محدش فيكوا بيهنالوا بال

واول ما تصفي تفكي الريال
وتروحي تجيبيلوا كوتشي بدال
الكوتشي اللي باش”
― مصطفى إبراهيم

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم