الشاعر جرفى > الشاعر's Quotes

“مالناش غير ربنا
نشكى له همنا
وتقول يارب وحدك
أنت العالم بينا
ومهما دنيتنا تضيق
والحزن لو بحره غريق
الصلاه للخالق طريق
وبتفرج وتزيل كربنا
الظلم لو يوم يسود
رب العباد موجود
الحق لصاحبه يعود
وينور الفرح عمرنا
(ديوان همسات القلوب)”
― الشاعر جمال جرفى

“دنيتى الى رسمتها
وضحكتى الى خسرتها
واحﻻم كتيره قوى
ف خيالى صدقتها
اقول مصيرها توفى
باقل القﻻيل بكفى
وﻻ يوم وقفت ف صفى
تقول الحزن طبعها
اجدل صبرى حبال
واتحمل لو كانت جبال
لو يصدق يوم الخيال
احﻻم الفرح حققتها
(ديوان خواطر قلم)”
― الشاعر جمال جرفى

“مهما الملامح
زادت التجاعيد
نفسى بتسامح
والقلب جوها ريد
صبرى و يقينى
وايمانى بيحينى
والقسمه ترضينى
والمكتوب مش باليد
تعلمت من نخيلى
اقدم تملى الخير
وشربت من نيلى
وجونا الحب كبير
انضم سعفى وياحلامى
واعيش بالرضا ايامى
و الذكر بحلى كلامى
وقلوبنا بالطيبه تزيد
(ديوان حكايات النيل والنخيل)”
― الشاعر جمال جرفى

“ياضئ عينى
ازرع وابنئ
فى البلد
خليك صبور
خليك جلد
واياك تكون
يوم بخيل
خليك كريم
زى النخيل
حتى لو
رموك بالحجاره
خليك طيب
خليك خليل
خليك كده
بطبع النيل
و اياك ياولدى
تهزمك الظروف
ولا يقدر
عليك الخوف
ااحلم حلمك
وصدقه
مصيرك ياولدى
يوم هتحققه
و يوم ماتعشق
اعشق بصدق
ومها طال ليلك
الفجر جى يشق
و يلون ايامك فرح
مهما قلبك انجرح
خليك ف ذكر الله
تلاقى صدرك انشرح
ده وصيتى اليك
افتكرها وصيتى
ف شروق وغروب
خليك طيب
و بلسم للقلوب
وماتدورش على
عيوب الخلايق
صلح فى نفسك
انت العيوب
واعلم ياولدى
ان الدنيا
فيها اللقاء
وفيها كمان
الفراق والشقاء
و ان مهما
زادت الذنوب
ربك غفار بيفرح
بعبده لما يتوب
والدنيا فيها
الخير وفيها الشر
وفيها الحلا
وفيها المر
ان حياتنا ياولدى
كل شئ مكتوب
ولايعلمها الا ربك
سبحانه علام الغيوب
( ديوان حكايات الجنوب)”
― الشاعر جمال جرفى

“كلنا جوه الرحايا
كل واحده حكايا
لا عارفين الجانى
ولا عارفين الضحايا
كلنا مطحونين
كلنا مجروحين
جاين و رايحين
عاشين نفس الحكايا
الحب واخدينه زاد
والحمل علينا زاد
وحلمنا راح وعاد
وهانحلم للنهايا
صح بنقع ونقوم
بنتعلم كل يوم
ظالم منا او مظلوم
الحق غالب ف النهايا
اشوقنا جوانا امواج
الحب عاملينه تاج
ومين فينا مش محتاج
بنتهى ونرجع للبدايا
كلنا صبرنا ايوب
كلنا مابنقدر نتوب
كله علينا مكتوب
وللاحلام ماهنقول كفايا
(ديوان بحر الكﻻم )”
― الشاعر جمال جرفى