Mena Anees > Mena's Quotes

“مرغم عليك يا صُبح مغصوب يا ليل

لادخلتها برِجْليَّا ولا كانلي ميل

شايلنِّي شيل دخلت انا في الحياة

وبكره ح اخرج منها شايلِّني شيل

عجبي !!”
― صلاح جاهين

“سمعت نقطة ميه جوه المحيــط.
بتقول لنقطه ما تنزليش في الغويط.
أخاف عليكي م الغرق .. قلـــــت أنا
ده اللي يخاف م الوعد يبقي عبيط.
عجبي !”
― صلاح جاهين

“ازاي شبابنا يقوم و ياخـــــــــد دوره

من غير صراخ يئذيه و يجرح زوره

يا هلتري أحسن له يقعد ساكـــــــــت

أو ينترك و لو خرج عن طــــــوره ؟

عجبي !!!”
― صلاح جاهين, رباعيات صلاح جاهين

“- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!”
― صلاح جاهين, رباعيات صلاح جاهين

“يا ملونين البيض في شم النسيـــــم

لون الحنين و الشوق و خمر النديم

ما تعرفوش سايق عليكو النبــــــي

تلونوا الأيام بلون النعيــــــــــــــم ؟

عجبي!!”
― صلاح جاهين, رباعيات صلاح جاهين

“الضحك قال يا سم ع التكشيـــــــر

امشير و طوبه وانا ربيعي بشيـر

مطرح ما باظهر بانتصر ع العدم

انشالله أكون رسماية بالطباشيــر

عجبي !!!!”
― صلاح جاهين, رباعيات صلاح جاهين