Shabnam > Shabnam's Quotes

“وقتی یک سیاستمدار ساکت است اتفاق بدی می ‌افتد،
سیاستمدارها شبیه مرغ ‌اند؛
وقتی تخم می‌گذارند زیاد سر و صدا می‌ کنند، اما وقتی خراب می ‌کنند، آرام آن را دفن می‌ کنند”
― Aziz Nesin

“لەم نیشتیمانە چارەڕەشەدا
چیتان هێشتووە
دابەشی نەکەن وەک ڕەزی خۆتان؟
هەر بە شەهیدان سەرمان بڵند بوو
ئەوانیشتان کرد بە پەزی خۆتان

ناوێرم قەڵەمێک هەڵگرم
ناوێرم کراسێک لەبەر کەم
ڕووتان ڕەش بێ
خۆ ڕەنگەکانیشتان بەش کرد
بڵێم خوێندکار یا قوتابی؟
ژن یا ئافرەت؟
ڕووتان ڕەش بێ.

تا وشەی ناو فەرهەنگەکانیشتان بەش کرد
دوو کەناری زێی جاویدانی
خانی و حاجی قادرتان بەش کرد
خاک و ئاو و ئاگرتان بەش کرد

وا؟ چیتان هێشت؟
بگرە ...
قەحپە و دز و ڕێگرتان بەش کرد
وەک زرتەکی گاکوژبەدەست.
نیشتیمانێکتان کرد بە دوو ...
شار بە شار، گوند بە گوند گەڕان
لە هەر ماڵێک
ئاگردانێکتان کرد بە دوو!

خەڵک مێژوو‌یەکی هەیە
ئێمە دوو مێژوومان هەیە
هەموو دوونیا
یەک سەرکردەی لێ بەڵایە
ئێمە لەویش دوومان هەیە!”
― (Ebdulla peşêw)عه‌بدوڵا په‌شێو

“کوردم ئه‌من

گەرچی تووشی رەنجەڕۆیی و حەسرەت و دەردم ئەمن
قەت له دەس ئەم چەرخە سپڵە نابەزم، مەردم ئەمن

عاشقی چاوی کەژاڵ و گەردنی پر خاڵ نیم
عاشقی کێو و تەلان و بەندەن و بەردم ئەمن

گەر لەبرسان و له بەر بێ بەرگی ئیمڕۆ رەق هەڵێم
نوکەریی بیگانه ناکه‌م ،تا له سه‌ر هەردم ئەمن

من له زەنجیر و تەناف و دار و بەند باکم نییه
لەت لەتم کەن ، بمکوژن ، هیشتا دەڵێم کوردم ئەمن”
― هێمن موکریانی

“سەر کە جۆشێکی نەبێ من زرکەتاڵم بۆ چییە
دڵ کە هۆشێکی نەبێ شیشەی بەتاڵم بۆ چییە

دەرد و داغێکی دەروونی گەر ببێ با ڕەنگ و ڕوو
سیس و موغبەڕ بێ کەماڵم بوو جەماڵم بۆ چییە

تەجرەبەی عاشق بە سووتانی دەکرد ئەو زاڵمە
سەیری کەن ئێستا دەڵێ مشتێ زوخاڵم بۆ چییە

پێی بەسەرما نا کە بوومە خاکی ڕێی گەردم شوکر
گەییە داوێنی دەڵاڵی بای شەماڵم بۆ چییە”
― مەحوی- Mehwî

“چ شتێک لە دونیادا لەوە خراپترە
تا هەتاهەتایە لە جەهەنەمدا بیت و ویقاری خۆشت تێکنەدەیت،
لە جەهەنەمدا بیت و خۆشت بەختەوەر نیشانبدەیت!”
― بەختیار عەلی

“گوێم لە هاواری نەتەوەکەمە
بەڵام دڵنیام
جیهانی سبەی گوشاد و ڕوونه
لەدایک بوونی مناڵم دیوە
قیژە و لینگکوتان
یەکەم نیشانەی لەدایک بوونە”
― (Ebdulla peşêw)عەبدوڵڵا په‌شێو