Ganna Hammad > Ganna's Quotes

“ولأن خط الميرى أزرق
القلم ف الفصل أزرق..
ختمُه ختم النسر لازرق
واما قال مقلوب وهطفح
ركبوه البوكس لازرق
لبسوه ف السجن أزرق
واما أصبح جوا لعنة.. دق وشم اللعنة لازرق
والبنات القطر فاتهم
بخ تحت عنيهم أزرق
واللى ضايعة تستخبى
تحت ليل الهلس لازرق
والجميلة كى لا تُحسد
كان لابد الفص لازرق
والولد لفلف ودخن
فخ كان دخانه أزرق
مص دمه ودارى همه
فبنطلونه الجنز لازرق
وان قال حرام يرموه فمكان
ميعرفوش الجن لازرق
يبقى ليه لاحمر ولابيض ف العلم
لما هى لونها أزرق.”
― ميدو زهير

“يا بلدي طول الطريق
بابلع ترابك ريق
و يوم ماعطشي اتسقى
كان سم في الأباريق
علّمني كتر البكا
أشحك في عزّ الضيق
و اتعلّم التريقة
ع الدنيا و المخاليق
و لحدّ امتى بقى
أطفي الحريق بحريق
يا سفينة متزوّقة
جوّاها ألف غريق
زهقت منّك بقى
و حاشوفلي أي طريق
مع إنّي طول الطريق
بابلع ترابك ريق”
― ميدو زهير