Ro'a جمال > Ro'a's Quotes

“كما توقعت .. كانت لحظات الفرح بالغة الندرة”
― محمد المنسي قنديل, انكسار الروح

“الموت قبيح مهما حاولنا مداراته ... قاس و عنيف .. يسلب أي بهجة.”
― محمد المنسي قنديل, انكسار الروح

“ما أعجب السير في الضباب
الحياة وحدة
فليس هناك إنسان يعرف الآخر
كل إنسان وحيد”
― Hermann Hesse

“نحن لا نعيش أبداً .... نحن دائماً على أمل أن نعيش "فولتير”
― كريم الشاذلي

“أنا بخير، و لكني أدور في حلقات مفرغه بنفسٍ قصير”
― عمرو صبحي, يوميات كهل صغير السن

“للأسف

مشكلتك مالهاش حل
جنونك عاقل جداً
بس عقل العاقلين
من حواليك
مختل..”
― خالد كساب

“حاجات كتير
فى حياتى اللى فاتت
راحت
بس لسه
عندى امل فيها
عشان كده
الزرعه الميته
فى بلكونتى
مع انها خلاص
ماتت
يوماتى باسقيها ...”
― خالد كساب

“الصبح في نص الكوكب.. ليل في النص التاني.. الأرض عندها شيزوفرينيا.. محتاجة دكتور نفساني”
― خالد كساب

“قد إيه البني ادم منا
كائن مسكين
في عز ما هو مش طايق روحه
ولا مستحمل نفسه
مطلوب منه يستحمل التانيين”
― خالد كساب

“الصبر مفتاح الفرج
ماشي
اوكيه
الصبر بقى مفتاحه ايه؟”
― خالد كساب, ضربة شمس

“الحلم بوابة أمل علي بكرة جى _ ما هو بكرة دنيا مضلمة والحلم ضي _ عكاز بيسند خطوتك لو يوم تميل _ الحلم ده اكبر دليل ان انت حي”
― محمد السيد

“اكتئب
اقعد لوحدك
اصنع العُزلة اللعينة
وإعمل البحر بدموعك
وإرمى قلبك فيه سفينة
وأمّا تبكى البحر يعلى
يرتجف قلبك يتوه
وقتها روحك هتصرخ
إلحقونى ياناس ياهوه
قلبى غرقااااان ...إلحقوه
بس مين ياخد بايدك
وانت مختار تكتئب وتكون لوحدك”
― محمد السيد

“ﻟﺴﻪ ﻗﺎﺩﺭ ﻉ ﺍﻟﺘﻔﺎﺅﻝ ..ﻣﻬﻤﺎ ﻳﺤﺼﻞ ﻣﺶ ﺑﻤﻞ

ﻟﺴﻪ ﺷﺎﻳﻞ ﺣﻠﻢ ﻋﺎﻗﻞ .. ﺷﻤﺴﻪ ﺗﻜﺴﺮ ﺍﻯ ﺿﻞ

قلبي قادر ع اللي عادو .. مهما قالو ومهما عادو

الامل عارف معادو .. زاد ومش ممكن يقل”
― محمد السيد

“نصيبنا ان احنا نتفارق... هنعمل ايه مع القسمة... ماهى الدنيا تبكينا ..... وتفضل هى مبتسمة”
― محمد السيد

“رحمتك اكبر مساحة
مهما بيضيق الوجود
دعوتك للقلب راحة
جاية من وضع السجود
الرحيم اسمك ووصفك
ياللي مابتظلم عبيد
قلبى متعشم في عطفك
رغمي اني كتيربعيد
رحمة نازلة وذنب طالع
وف رضاك القلب طامع
ده انت شايف وانت سامع
وانت اقرب م الوريد”
― محمد السيد

“يأسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة وعجبي لقيت
الصبر مر وبرضه اليأس مر

عجبي”
― صلاح جاهين

“لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره

عجبي!”
― صلاح جاهين, رباعيات صلاح جاهين

“أنا اللي بالأمر المحال اغتوى
شفت القمر نطيت لفوق في الهوا
طلته مطلتوش - إيه أنا يهمني ؟
وليه ما دام بالنشوى قلبي ارتوى

عجبي !!”
― صلاح جاهين

“ايديا فى جيوبى و قلبى طرب
سارح فى غربة بس مش مغترب
وحدى لكن ونسان و ماشى كده
وبابتعد....ماعرفش....او باقترب
عجبى”
― صلاح جاهين

“يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول

عجبي !”
― صلاح جاهين

“ولدي نصحتك لما صوتي اتنبح..
ما تخافش من جني ولا من شبح ..
وان هب فيك عفريت قتيل اساله ..
ما دافعش ليه عن نفسه يوم ما اندبح ..

وعجبي”
― صلاح جاهين

“دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت

عجبي !!”
― صلاح جاهين, رباعيات صلاح جاهين

“أنا قلبي كان شخشيخة أصبح جَرس
جلجلت به صحيوا الخدم والحرس
أنا المهرج .. قمتو ليه خفتو ليه
لا فْ إيدي سيف ولا تحت مني فرس
عجبي !!”
― صلاح جاهين

“يابخت من يقدر يقول ....
واللى فى ضميره يطلعه...
يابخت من يقدر يفضفض بالكلام ...
وكل واحد يسمعه...
يقف فى وسط الناس يصرخ .. أأأأه ياناس
ولاملام
يجى الطبيب يحكى له ع اللى بيوجعه ...
يكشف مكان الجرح ويحط الدوا ...
ولو أنكوى
يقدر ينوح
وأنا اللى مليان بالجروح ...
مأقدرش أقول
ماأقدرش أبوح
والسهم يسكن صدرى ماأقدرش أنزعه”
― صلاح جاهين, عن القمر والطين

“سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!”
― صلاح جاهين, رباعيات صلاح جاهين

“ارفع غماك يا تور وارفض تلف
واكسر تروس الساقيه واشتم وتف
قال خطوه كمان وخطوه كمان....
يا اوصل نهاية السكه
يالبير تجف!!!
وعجبي”
― صلاح جاهين

“في يوم صحيت شاعر براحة و صفا الهم زال و الحزن راح و اختفي ... خدني العجب و سألت روحي سؤال .. أنا مت ؟و لا وصلت للفلسفة عجبي”
― صلاح جاهين

“الحسن يوجد حين يوجد رآء”
― إيليا أبو ماضي

“Be yourself; everyone else is already taken.”
― Oscar Wilde

“أيقظ شعورك بالمحبة إن غفا...لولا الشعور الناس كانوا كالدمى ”
― إيليا أبو ماضي, الأعمال الشعرية الكاملة