“وكان يلومها عندما يراها واقفة امام الولد وزوجته أذا امتد بهما السهر وأوشكا على الرحيل، ويسمعها وهى تقول:
"ما تخليكوا الليلة دي يا سليمان، او، ما تخليكوا الليلة دي يا أشرف، حاجيب جلابية لهدى، أو لسامية، وانت هدومك مغسولة وزي الفل".
وتمد يدها تعرض الهدوم.وكان سليمان او أشرف يقول:
"على ايه بقى يا ماما. نروح بالمرة".
وبعد انصرافهما كان يقول لها:
"انا من رأيي انك ماتطلبيش من حد فيهم يبات. اللي عاوز يبات يبات واللي مش عاوز هو حر".
وكانت تقول:
"هو انا اتعلقت في رقبته.ما اللي يبات يبات واللي مايباتش ما عنه ما بات”
―
إبراهيم أصلان,
حجرتان وصالة: متتالية منزلية
