ريـــــــهام شـــــاهين > ريـــــــهام's Quotes

“الناس لاتبوح بأسرارها للأصدقاء وإنما للغرباء في القطارات أو المقاهي العابرة”
― بهاء طاهر

“لا فائدة من وراء هذه المساعي , فكيف ينصفك عدوك , وكيف تتوقع ان يجيرك من المصائب من سببها لك !”
― رضوى عاشور, ثلاثية غرناطة

“حين تسير و لا تجد الحلم يمشي أمامك كالظل........يصفر قلبك”
― محمود درويش, كزهر اللوز أو أبعد

“وَعّـكَـةٌ عَـاطِفِية
أيّ علم هذا الذي لم يستطع حتى الآن أن يضع أصوات من نحبّ
في أقراص أو زجاجة دواء ، نتناولها سرّا ً عندما نصاب بوعكة
عاطفية بدون أن يدري صاحبها
كم نحن نحتاجه !!”
― أحلام مستغانمي, ذاكرة الجسد

“أجمل حب هو الذي نعثر عليه أثناء بحثنا عن شيء آخر”
― أحلام مستغانمي

“الحزن قوة جاذبة تشد لأسفل، تسحب الرأس والكتفين إلى تحت، كأن الجسم في حزنه يُمسي واهناً خفيفاً فتستقوي الجاذبية عليه وتستشرس”
― رضوى عاشور, فرج

“أحن إلى خبز أمي
وقهوة أمي ..
ولمسة أمي ..
وتكبُر في الطفولة
يوماً على صدر يوم
وأعشق عمري لأني
إذا مت،
أخجل من دمع أمي!”
― محمود درويش

“أحيانًا يساعدنا الآخرون بأن يكونوا فى حياتنا فحسب”
― أحمد خالد توفيق

“يتعين عليك أحيانا السفر بعيدا للعثور على ماهو قريب”
― باولو كويلهو, Aleph

“سيب
دايما على قد ما تتساب.. سيب
و على قد ما واحشك أحباب.. غيب
كل الداين.. كان متداين
والدين بيلف بدون ترتيب
أنا عمرى ما كنت بجرح قصد.. لحد ما قلبى اتجرح قصد
أنا جانى وقاضى ومجنى عليه
وطلعت براءة فـ حكم النقض
أنا دومينو ف صف ومش قصدى
كان نفسى أسند قمت موقع
أنا شايل قلبى ف محفظتى
وأول ما تجيلى فلوس.. بدفع
أنا عادى ودورى مالوش سوكسيه
بس دى أرزاق.. والدنيا نصيب
عمر ما فيه عادى بيسأل ليه
من الأصل اتساب... وليه هيسيب!”
― مصطفى إبراهيم, المانيفستو

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“العامة لا تعيش بالتقوى، العامة تحتاج الى الخوف لكي تعرف التقوى”
― بهاء طاهر, أنا الملك جئت

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“الكوتشى اللى باش ..
م اللف فى شوارعك ..
يحرم عليه ..
يبوس أرض غيرك ..
و القلب القماش ..
المكوى بعمايلك ..
لساه معبق ..
بريحة عبيرك ..
و الواد اللى عاش ..
طول عمره يحايلك ..
و نفسه إسمه ..
ييجى فى رسايلك ..
و تبعتيله تطمنيه ..
إن انتى عارفة ..
إن أنتى ليه ..
و إن أنتى قايمة و نايمة بيه ..
وقت الشتا يتدفى بيكى ..
ووقت الخطر تتحامى فيه ..
وساعة أما بيقسى عليكى ..
وساعة أما بتدعى عليه ..
محدش فيكوا بيهداله بال ..
وأول ما تصفى تفكى الريال ..
و تروحى تجيبيله كوتشى بدال ..
الكوتشى اللى باش ..”
― مصطفى إبراهيم, ويسترن يونيون فرع الهرم

“في حاجات لازم... علشان نعرف....درجة قوتها...بنكسرها

وحاجات ف ادينا... عشان نعرف.... اننا عايزينها ....بنخسرها

كدّبت ف عمرك كام صاحب

علشان كان نفسك تتطمن ؟

وخسرت اصحابك واتطمنت

طب كام بالون فرقعوا منك

وإنتا بتنفخهم ع الاخر؟

وعرفت اخرهم بس ندمت

دلوقتي فهمت

أنا عاوز إيه

ونا كنت بفرقع بلالين ليه

أنا عاوز حاجه بدون آخر

أو حتى بآخر ما اوصلّوش

كام حيطه ف ضهري

اضرب واهري

ف بدنهم بس ما يتهدوش

شيء مش مغشوش

مضمون دايما

من غير ما احتاج إني اتأكد

أو حتي اخاف إني اتنكد

لا يكون ف الاخر برضه فاشوش

يا بشر عرفاني وعارفه أنا مين

بلغوا اسفي لكل البلالين

كلنا كنا ف يوم بالونه

فقعتنا تجارب بني أدمين

بلالين عايشين نفسها تلقي

حد يصدق ويقدرها

متأكد من إنه عاوزها

من غير مايجرب يخسرها”
― مصطفى إبراهيم, ويسترن يونيون فرع الهرم