Manal > Manal's Quotes

“يأسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة وعجبي لقيت
الصبر مر وبرضه اليأس مر

عجبي”
― صلاح جاهين

“ساعات أقوم الصبح قلبى حزين
أطل بره الباب ياخدنى الحنين
اللى لقيته ضاع
واللى اشتريته انباع
واللى قابلته راح وفات الأنين

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين

حبيبى سكر مر طعم الهوى
فرق ما بيننا البين ماعدناش سوا
حرام عليك يا عذاب
نبقى كده اغراب
ده البعد والله جرح من غير دوا

آدى اللى كان وآدى القدر وآدى المصير
نودع الماضى و حلمه الكبير
نودع الأفراح نودع الأشباح
راح اللى راح ماعدش فاضل كتير

ايه العمل فى الوقت ده يا صديق
غير اننا عندافتراق الطريق
نبص قدامناعلى شمس أحلامنا
نلقاها بتشق السحاب الغميق

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين”
― صلاح جاهين

“يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول

عجبي !”
― صلاح جاهين

“يابخت من يقدر يقول ....
واللى فى ضميره يطلعه...
يابخت من يقدر يفضفض بالكلام ...
وكل واحد يسمعه...
يقف فى وسط الناس يصرخ .. أأأأه ياناس
ولاملام
يجى الطبيب يحكى له ع اللى بيوجعه ...
يكشف مكان الجرح ويحط الدوا ...
ولو أنكوى
يقدر ينوح
وأنا اللى مليان بالجروح ...
مأقدرش أقول
ماأقدرش أبوح
والسهم يسكن صدرى ماأقدرش أنزعه”
― صلاح جاهين, عن القمر والطين

“أنا قلبي مزيكا بمفاتيح .. من لمسة يغني لك تفاريح
مع إني مفطرتش وجعان .. ومعذب ومتيم وجريح”
― صلاح جاهين

“أنــا دبــت وجزمتـى نعلهـا داب
مــن كتــر التدويــر عَ الأحبـاب
يـا سلمـلم لــو أعتــر فـى حبيب
ده أنا أرقـص من كتـر الإعجاب
كدهه ! كدهه ! كدهه !
أنـــا قلبـــى مزيكـــه بمفاتيـــح
من لمســه يغنــى لــك تفاريــح
مــع إنــى ما فطرتــش وجعــان
ومعـــــذب ومتيـــــم وجريــــح
باتنطط واتعفرت واترقص كدهه
كدهه ! كدهه ! كدهه !
بيانـــولا وألابنضـــه وحركــات
أطلعى بقى يا نصاص يا فرنكات
أنـا عازمـك يا حبيـبى لما ألاقيك
علـى فسحـة فى جميـع الطرقات
نتنـطط نتعـفـرت نترقـص كدهه
كدهه ! كدهه ! كدهه !”
― صلاح جاهين

“و في ظلال القرآن تعلمت أنه لا مكان في هذا الوجود للمصادفة العمياء, و لا للفلتة العارضة: ((إنا كل شيء خلقناه بقدر)).. ((و خلق كل شيء فقدره تقديرا))..و كل أمر لحكمة. و لكن حكمة الغيب العميقة قد لا تتكشف للنظرة الإنسانية القصيرة.”
― سيد قطب, في ظلال القرآن

“آمن أنت أولا بفكرتك آمن بها إلى حد الاعتقاد الحار ! عندئذ فقط يؤمن بها الآخرون !! وإلا فستبقى مجرد صياغة لفظية خالية من الروح والحياة !..”
― سيد قطب, أفراح الروح

“أتمنى أن أبكي و أرتجف , التصق بواحد من الكبار , لكن الحقيقة القاسية هي أنك الكبار! .. أنت من يجب أن يمنح القوة و الأمن للآخرين!”
― أحمد خالد توفيق

“كيف نضجر وللسماء هذه الزرقة ، وللأرض هذه الخضرة ، وللورد هذا الشذا ، وللقلب هذه القدرة العجيبة على الحب ، وللروح هذه الطاقة اللانهائية على الإيمان. كيف نضجر وفي الدنيا من نحبهم ، ومن نعجب بهم ، ومن يحبوننا ، ومن يعجبون بنا.”
― نجيب محفوظ

“أستمتع بالحاجات الصغيرة بكره هتعرف أنها كانت كبيره”
― عمر طاهر, جر ناعم

“عندما تتكاثر المصائب يمحو بعضها بعضاً ..
وتحل بك سعادة جنونية غريبة المذاق ..
وتستطيع أن تضحك من قلب لم يعد يعرف الخوف !”
― نجيب محفوظ

“الحياة فيض من الذكريات تصب في بحر النسيان . أما الموت فهو الحقيقة الراسخة”
― نجيب محفوظ, أصداء السيرة الذاتية

“سألت الشيخ عبد ربه :

- ما علامة الكفر؟

- فأجاب دون تردد:

- الضجر”
― نجيب محفوظ, أصداء السيرة الذاتية

“الناس تراقب وتتذكر، تحصي اللفتات والنوايا، تؤول الأوهام بأوهام، تتعجل تحقيق الظنون، تتستر بالتقوى والبراءة.”
― نجيب محفوظ, الحرافيش

“لو ظل التخلف في مجتمعاتنا فسيأتي السياح ليتفرجوا علينا بدلاً من الآثار”
― نجيب محفوظ

“لا دائم إلا الحركة .هى الألم و السرور .عندما تخضر من جديد الورقة ,عندما تنبت الزهرة ,عندما تنضج الثمرة .تمحى من الذاكرة سفعة البرد و جلجلة الشتاء.”
― نجيب محفوظ

“من ملك الحياة والإرادة فقد ملك كل شيء، وأفقر حي يملك الحياة والإرادة".”
― نجيب محفوظ, أصداء السيرة الذاتية

“وكان أعجب ما وقع له أنه اكتشف عند صلاة الصبح أنه لم يكن يفقه معنى للفاتحة! حقا لم ينقطع يوما عن الصلاة، ولكنه كان يؤديها كما يحلق ذقنه، وكما يعقد رباط عنقه. بفكر مشغول بأمر أو بآخر. ـ”
― نجيب محفوظ, دنيا الله

“ماذا جنى من حياته الماضية؟ ماذا جنى غير الفراغ والدوار؟ قدّمتُ من الجهد فوق ما يطيق البشر، ولكنه جهد مضى باسم الطموح الجنوني، باسم الجشع، باسم الأنانية، باسم الكراهية، باسم الحقد، باسم العراك، ولا عمل واحد باسم الله! ـ”
― نجيب محفوظ, دنيا الله

“للأسف من صغر سني
علتي .. بزهق قوام
ابتدى و أسخن لكنى
بعد فترة أبرد و أنام
كله في الأول بميل له
و كله في الأخر بمله
حتى لو كان شئ فاضله
خطوة واحدة ع الختام”
― مصطفى إبراهيم, ويسترن يونيون فرع الهرم

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“الكوتشى اللى باش ..
م اللف فى شوارعك ..
يحرم عليه ..
يبوس أرض غيرك ..
و القلب القماش ..
المكوى بعمايلك ..
لساه معبق ..
بريحة عبيرك ..
و الواد اللى عاش ..
طول عمره يحايلك ..
و نفسه إسمه ..
ييجى فى رسايلك ..
و تبعتيله تطمنيه ..
إن انتى عارفة ..
إن أنتى ليه ..
و إن أنتى قايمة و نايمة بيه ..
وقت الشتا يتدفى بيكى ..
ووقت الخطر تتحامى فيه ..
وساعة أما بيقسى عليكى ..
وساعة أما بتدعى عليه ..
محدش فيكوا بيهداله بال ..
وأول ما تصفى تفكى الريال ..
و تروحى تجيبيله كوتشى بدال ..
الكوتشى اللى باش ..”
― مصطفى إبراهيم, ويسترن يونيون فرع الهرم

“بدون سبب واضح

بدون م أعرف سبب واضح
عشان أزعل
أنا زعلان
و فجأة بدون سبب برضه
يفرحنى
بكون فرحان
لا منى عرفت أعمل إيه
عشان مزعلش من تانى
و لا منى
عرفت إزاى
أدوق الفرحة بالمجان”
― مصطفى إبراهيم, ويسترن يونيون فرع الهرم

“الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.”
― مصطفى إبراهيم, ويسترن يونيون فرع الهرم

“الدنيا أساسا م الأول
شيء يشبه سلك السماعة
يتلعبك منك في ثواني
وعشان يرجع مفرود تاني
لازم تتعذب وتعاني
وتفكه في أكتر من ساعة”
― مصطفى إبراهيم, ويسترن يونيون فرع الهرم