Madi > Madi's Quotes

“من بين شقوق الشيش وشقشقت لك
مع شهقة العصافير وزقزقت لك
نهار جديد أنا ... قوم نشوف نعمل ايه
أنا قلت .. يا هتقتلنى يا هقتلك”
― صلاح جاهين, رباعيات صلاح جاهين

“ليه يا حبيبتي ما بينا دايما بحور
أعدي بحر ألاقي غيره اتحفر”
― صلاح جاهين

“لما بلد تتعرض للبيع بجملتها.. تتباع رعيتها بالقطاعي..بالملاليم..”
― صلاح جاهين

“ليل بعد ليل .. و نجم ورا نجم اتحدف ..
و انا باغني ... لكن لوحدي للأسف ..
لحني الجميل مش لاقي إنسان يسمعه
يا ريته ما اتغنى .. يا ريته ما اتعزف”
― صلاح جاهين, رباعيات صلاح جاهين

“هات يازمان وهات كمان يازمان
غير البسمة الشجعان مامني يبان
هو اللي داق الفرحة يوم ثورته
يقدر يعود ولاثانية للاحزان
وعجبي!!”
― صلاح جاهين, رباعيات صلاح جاهين

“غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!”
― صلاح جاهين

“فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!!”
― صلاح جاهين

“علم اللوع اضخم كتـــــــــاب في الأرض

بس اللي يغلط فيه يجيـــــــــبــه الأرض”
― صلاح جاهين

“ساعات أقوم الصبح قلبى حزين
أطل بره الباب ياخدنى الحنين
اللى لقيته ضاع
واللى اشتريته انباع
واللى قابلته راح وفات الأنين

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين.”
― صلاح جاهين

“الشارع لنا، إحنا لوحدنا و الناس التانيين دول مش مننا، دول ناس أنانيين في مكانهم واقفين
دول مش مننا”
― صلاح جاهين

“زحام و أبواق سيارات مزعجـــــة
للي يطول له رصيف.. يبقي نجـــا
لو كنت جنبي يا حبيبي أنــــــــــــا
مش كنت أشوف إن الحياة مبهجة
عجبي!!
 
إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!
 
يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!
 
مرحب ربيع مرحب ربيع مرحبــــــــــه
يا طفل يا للي ف دمي ناغا  وحبــــــــا
علشان عيونك يا صغنن هويــــــــــــت
حتي ديدان الأرض و الأغربــــــــــــــة
عجبي !!!
 
فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!!
 
غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!”
― صلاح جاهين, رباعيات صلاح جاهين

“النوم قيود والجسم مغلول بها..
غلّاب غلب ع العين يا غلبها..
فيه ناس بتشكي قلة النوم ، وأنا..
بأشكي الدقايق اللي بأغفل بها!”
― صلاح جاهين, رباعيات صلاح جاهين

“أنا مش تبع مخلوق يا سيدنا البيه
أنا حُر في إللي يقول ضميري عليه
وإن كنت تُحكم جوا ملكوتك
الشارع الواسع فاتح لي إيديه”
― صلاح جاهين, رباعيات صلاح جاهين

“يا طير يا عالي في السما: *طـــــظ فيك*. ما تفتكرشي ربنا مصطـفيك.
برضـك بتاكل دود و للطين تعود.
تمص فيه يا حلو -و يمص فيك. عجبي”
― صلاح جاهين

“يا طير يا طاير فـِـ السما .. يا بختك
لا فارق معاك حاجة وعايش براحتك
لــو عــرفــت إيــــه اللـــي فـيـنـــا
عــمــــرك مــــا هـتـبـــص تـحـتـــك
وعجبي !!”
― صلاح جاهين

“ياماما... ياأما...يا أماتي
سلاماتي .... احتراماتي .... قبلاتي
صباح الخير يامولاتي
ياماما ....يا أما ....يا أماتي
أبوس الأيد ,,,وقلبي سعيد
يا أول حب في حياتي
يا أمي
علشانك النهاردة
الدنيا كارت معايدة
لا الربيع أركانها
بمليون ألف وردة
والكون بقى جوة بيتك
وأنا قبل الكل جنبك
ياللي
أنا وأنتي حاجة واحدة
تحبيني وأنا أحبك
وأعيش بالقرب من قلبك
عيوني معجبة بيكي
وروحي كلها تجاوبك
تفضل تقول لك وتقول لك
دايما وابدا اقول لك
صباح الخير يامولاتي
بأغني للأمومة
واليد الخدومة
وأقول الله ياأمي
ع الدفء والنعومة
ياست يافدائية
ياللي قضيتها هي
تجعل حياتي جنة
ولو تبات مهمومة
تعبتي كثير عشان خاطري
عشان أمشي .. عشان أجري
لما جريت بعيد خالص
في عيدك جيت ووفيت نذري
أضمك بفرحة وأقول
صباح الخير يامولاتي
ما أنساش الإبتسامة
ومش هنسى ياماما
الشخطة اللي تعلم
وما تهينش الكرامة
علمتيني المعاني
والصبر ع الأماني
والضحك والأغاني
وبكتيني ياماما
باجيكي وأهنيكي
وأقول يارب يحميكي
كل ما أشوف أمل وحياة
أشوف صورتك وأناديكي
يا ماما...يا أمة ...يا أماتي
صباح الخير يامولاتي”
― صلاح جاهين

“يا وردة قلبي معاكي في الريح لعب
لا تعبتي م الريح و لاقلبي تعــــــــب
إحنا كده : نرتاح في صخب الجنون
و في السكون بنخاف قوي و نترعب
عجبي”
― صلاح جاهين

“عبثا باقول واقرا في سورة عبس / ماتلومش حد إن ابتسم أو عبس / فيه ناس تقول الهزل يطلع جــــد / و ناس تقول الجد يطلع عبـــــث”
― صلاح جاهين, رباعيات صلاح جاهين

“فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد
عجبي!!!”
― صلاح جاهين, رباعيات صلاح جاهين

“أنــا دبــت وجزمتـى نعلهـا داب
مــن كتــر التدويــر عَ الأحبـاب
يـا سلمـلم لــو أعتــر فـى حبيب
ده أنا أرقـص من كتـر الإعجاب
كدهه ! كدهه ! كدهه !
أنـــا قلبـــى مزيكـــه بمفاتيـــح
من لمســه يغنــى لــك تفاريــح
مــع إنــى ما فطرتــش وجعــان
ومعـــــذب ومتيـــــم وجريــــح
باتنطط واتعفرت واترقص كدهه
كدهه ! كدهه ! كدهه !
بيانـــولا وألابنضـــه وحركــات
أطلعى بقى يا نصاص يا فرنكات
أنـا عازمـك يا حبيـبى لما ألاقيك
علـى فسحـة فى جميـع الطرقات
نتنـطط نتعـفـرت نترقـص كدهه
كدهه ! كدهه ! كدهه !”
― صلاح جاهين

“في يوم صحيت شاعر براحة و صفا الهم زال و الحزن راح و اختفي ... خدني العجب و سألت روحي سؤال .. أنا مت ؟و لا وصلت للفلسفة عجبي”
― صلاح جاهين

“أعرف عيون هي الجمال والحسن
وأعرف عيون تاخد القلوب بالحضن
وعيون مخيفة وقاسية، وعيون كتير
وبنحس فيهم كلهم بالحزن
عجبي”
― صلاح جاهين, رباعيات صلاح جاهين

“ارفع غماك يا تور وارفض تلف
واكسر تروس الساقيه واشتم وتف
قال خطوه كمان وخطوه كمان....
يا اوصل نهاية السكه
يالبير تجف!!!
وعجبي”
― صلاح جاهين

“الشوارع حواديت
حواداية الحب فيها..و حواداية عفاريت
اسمعى يا حلوة لما أضحك
الشارع ده كنا ساكنين فيه زمان
كل يوم يضيق زيادة عن ما كان
أصبح الآن بعد ما كبرنا عليه
زى بطن الأم مالناش فيه مكان

الشارع ده رحنا فيه المدرسة
اللى باقى منه باقى
و اللى مش باقى اتنسى
كنسوه الكناسين بالمكنسة
ييجى دور لحظة أسى
أنا برضه كمان نسيت

الشارع ده أوّله بساتين
و آخره حيطة سد
ليا فيه قصة غرام
ما حكتش عنها لأى حد
من طرف واحد..و كنت سعيد أوى
بس حراس الشوارع حطوا للحدوتة حد

الشارع ده شفتك انتى ماشية فيه
لابسة جيب.. و بلوزة وردى
و عاملة ديل حصان وجيه
اتجاهك فى اتجاهى..مشينا ليه
و الشارع دا زحام و تيه
بس لازم نستميت

و الشوارع حواديت
حواداية الحب فيها
و حواداية عفاريت
و اضحكى يا حلوة لما اسمّعك”
― صلاح جاهين

“أنا قلبي مزيكا بمفاتيح .. من لمسة يغني لك تفاريح
مع إني مفطرتش وجعان .. ومعذب ومتيم وجريح”
― صلاح جاهين

“سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!”
― صلاح جاهين, رباعيات صلاح جاهين

“عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق

!!!عجبي ”
― صلاح جاهين, رباعيات صلاح جاهين

“نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!”
― صلاح جاهين

“أنا قلبي كان شخشيخة أصبح جَرس
جلجلت به صحيوا الخدم والحرس
أنا المهرج .. قمتو ليه خفتو ليه
لا فْ إيدي سيف ولا تحت مني فرس
عجبي !!”
― صلاح جاهين

“يابخت من يقدر يقول ....
واللى فى ضميره يطلعه...
يابخت من يقدر يفضفض بالكلام ...
وكل واحد يسمعه...
يقف فى وسط الناس يصرخ .. أأأأه ياناس
ولاملام
يجى الطبيب يحكى له ع اللى بيوجعه ...
يكشف مكان الجرح ويحط الدوا ...
ولو أنكوى
يقدر ينوح
وأنا اللى مليان بالجروح ...
مأقدرش أقول
ماأقدرش أبوح
والسهم يسكن صدرى ماأقدرش أنزعه”
― صلاح جاهين, عن القمر والطين