Esraa > Esraa's Quotes

“يأسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة وعجبي لقيت
الصبر مر وبرضه اليأس مر

عجبي”
― صلاح جاهين

“75 ترانفيل
انا فاضل لسه معايا
كام ( اول مرة ) ف جيبى ؟
كام عود كبريت ف العلبة
مارضيش يولع ع الفاضى ؟
كام عود مالوش ولا سابقة
ف الحرق الا المرة دى ؟
اول مرة ادخل سيما مع بنت كانت ف اعدادى
كان كدة للموضوع قيمة
و بعديها خلاص بقى عادى
انا اسف جدا جدا
ع اول مرة اتحرقت
ع الفاضى و مش وياكى
و ابوسك اول بوسة
تتباس اصلا ف حياتى
و اتأسف بعدك تانى
ع اول مرة معاكى
و اتأسف تانى و تالت
ع كل كلام اتقال
و احرق ف حاجات اتقالت
كانت لازم تتشال
لبتوع الدور الجاى
و الجاى ابقى من الفايت
و ميت بيسلم ع حى
و الميت و ان كان تافه
ف بيفضل مالهوش زى
ف انا هفضل فاكر مى
و اول ايد بنت امسكها
و اول شيكولاتة هدية
و اول توصيل للبيت
و لحد ما فجأة لقيت
مش باقى معايا ف جيبى
غير كام ( اول ) يتعاش
لا اعرف ان كنت هشيلهم
ولا هابيعهم ببلاش
متشكر جدا جدا
ع وقتك تانى يا دكتور
- العفو يا سيدى اتفضل
و اديتنى روشتتى تانى
مشطوب منها اربع تسطر
- مش حاسس انك احسن
- من اخر مرة تجيلى ؟
مش حاسس اصلا حاجة
و ع ايدك اديلى
ساعتين عمال اتكلم
و مش فاكر نص كلامنا
- السبت الجاى معادنا ؟
لا دنتا الحد .. نسيت
- خد بالك بقى من نفسك
- و فيه دوا هنكرره تانى
انا اصلا هبقى كويس
و مفيش حاجة مضايقانى
و اخدت الباب ف اديا
و ما صدقت انى مشيت
.......................
كان فاضل لسه سيجارة
ف العلبة لقيتها معايا
بس استخسرت اشربها
قبل اما اوصل للبيت”
― مصطفى إبراهيم, المانيفستو

“البالونة - مصطفى ابراهيم

فى حاجات علشان نعرف درجة قوتها

...بنكسرها


وحاجات ف ادينا عشان نعرف اننا عايزينها

....بنخسرها


...كدّبت ف عمرك كام صاحب

علشان كان نفسك تتطمن ؟

وخسرت اصحابك واتطمنت

طب كام بالون فرقعوا منك

وإنتا بتنفخهم ع الاخر؟

وعرفت اخرهم بس ندمت

دلوقتي فهمت

أنا عاوز إيه

ونا كنت بفرقع بلالين ليه

أنا عاوز حاجه بدون آخر

أو حتى بآخر ما اوصلّوش

كام حيطه ف ضهري

اضرب واهري

ف بدنهم بس ما يتهدوش

شيء مش مغشوش

مضمون دايما

من غير ما احتاج إني اتأكد

أو حتي اخاف إني اتنكد

لا يكون ف الاخر برضه فاشوش

يا بشر عرفاني وعارفه أنا مين

بلغوا اسفي لكل البلالين

كلنا كنا ف يوم بالونه

فقعتنا تجارب بني أدمين

بلالين عايشين نفسها تلقي

حد يصدق ويقدرها

متأكد من إنه عاوزها

من غير مايجرب يخسرها”
― مصطفي ابراهيم

“Sweet words are like honey, a little may refresh, but too much gluts the stomach.”
― Anne Bradstreet

“It is better to arm and strengthen your hero, than to disarm and enfeeble your foe.”
― Anne Brontë