Mahmoud > Mahmoud's Quotes

“كلما اتسعت الرؤية، ضاقت العبارة”
― محمد بن عبد الجبار النفري

“أحلى ما في الفرحة بتنسي الكبير سنه ، واحلى ما في الحزن كل الحكمة تيجي منه”
― عبد الرحمن الأبنودي

“بنلف في دواير والدنيا تلف بينا
ودايماً ننتهي لمطرح ما إبتدينا
طيور الفجر تايهة في عتمة المدينة .. بتدور

مابنكتبش الرسايل مابننتظرش رد
...لا حد في يوم سمعنا ولا بنسمع حد
طيور العمر تايهة في عتمة المدينة .. بتدور

ساكنين في عالم يعشق الخطر
فيه الطيور تهرب من الشجر
وتهرب النجوم من القمر
وتهرب الوجوه من الصور

بنلف في دواير ندور ع الأمان
ونلاقينا رجعنا تاني لنفس المكان
ندور .. ندور .. ندور

نحلم ونحلم بالحياة المُفرحة
وأتاري أحلامنا بلا أجنحة
ندور ندور ندور بجناح حزين مكسور
ساعات نشوف في العتمة
وساعات نتوه في النور
ساعات عيوننا بالأسى تفرح
وساعات في ساعة الفرح ننوح

ولا حاضر ولا ماضي
تروس بتلف ع الفاضي
ولا فينا شباب زعلان
ولا فينا شباب راضي

مفيش غير إننا بندووور ..
ندووووور .. ندووووور”
― عبد الرحمن الأبنودي

“قلبى ميشبهنيش.. فعلا ميشبهنيش، أوقات بيعرفنى وساعات ميعرفنيش.. فى الحب والإحساس.. وفى اختيار الناس.. يمشى على كيفه.. كتير وميقليش... أصدق كتير منى... وأجرأ كتير منى... وياما صدقته ياما... وكتير مصدقنيش”
― عبد الرحمن الأبنودي

“إنتو كلاب الحاكم
وإحنا الطير
إنتو التوقيف
وأحنا السير.
إنتوا لصوص القوت
واحنا بنبني بيوت
إحنا الصوت
ساعة متحبوا الدنيا سكوت”
― عبد الرحمن الأبنودي

“الجهل مريح يا فاطمة
الجهل مريح
عدم العلم مليح
يا أم أولادي يا إنسانة زي الناس
عدم العلم مليح
عدم العلم عيون تنعس في الليل
ضحكة من القلب
من القلب صحيح
عدم المعرفة بيخلي الرجالة عيال
يضحكوا يبكوا
و دايما للدنيا طعم جديد”
― عبد الرحمن الأبنودي, جوابات حراجي القط

“ويا مصْر وان خيّروني ما اسكن إلاكي
و لاجْل تتبِّسمي.. يا ما بابات باكي
تسقيني كاس المرار.. و برضُه باهواكي
بلدي ومالي إلا انتي ولو ظلمتيني..
مقبولة منِّك جراح قلبي وْدموع عيني
الجرح يشْفى إذا بإيدك لمستيني..
كلّك حلاوَة.. وكلمة «مصر».. أحلاكي!!”
― عبد الرحمن الأبنودي

“عارفه يا مرتي الراجل في الغربه يشبه إيه .. ؟
عود دره وحداني .. في غيط كمون ..”
― عبد الرحمن الأبنودي, جوابات حراجي القط

“إحنا شعبين شعبين شعبين
شوف الاول فين
والتاني فين
وأدي الخط مابين الاتنين
بيفوت
إنتوا بعتوا الارض بفاسها
بناسها
في ميدان الدنيا فكيتوا لباسها
بانت وش وضهر
بطن وصدر
ماتت
والريحه سبقت طلعت أنفاسها.”
― عبد الرحمن الأبنودي

“واحنا ولاد الكلب الشعب
احنا بتوع الاجمل وطريقُه الصعب
والضرب ببوز الجزمه وبسٍن الكعب
والموت في الحرب..!!”
― عبد الرحمن الأبنودي, الأحزان العادية

“أنا باشكر اللى خلق لى الصوت وأوصانى
أقول كلام حُرّ.. مايقبلْش لون تانى
مااسكتش ع الضِّيم واهشّ الغيم بقولة آه
وإن سرقوا صوتي.. بينسوا ياخدوا قولة آه
في الفرْح في الجرح إيه حيلتى إلاّ قولِة آه”
― عبد الرحمن الأبنودي

“بيكدبوا الصدق
اما الكدب يتصدق
يا ليل ياليل
تطول
بكره نلاقي الفجر
بيشقشق
انا في انتظار الصباح
انا احتويت الجراح
وخلاص
نسيت الي راح
ومن جديد هبدأ
ودي
مسألة مبدأ”
― عبد الرحمن الأبنودي

“مدّ الأمل سِكِّتُه.. وقالِّنا: سيروا
نصيبكو حيصيبكوا تمشوا ولاّ حتطيروا
عيشوا النهارده الزمن.. بكره زمن غيره
آدى أول السكة صوت الضحكة بيلالي
والشمس أمشيلها ألاقيها اللى ما شيالي
ولا حدّ يقدر يعكّر قلبنا الخالي
لكن و مين بكرة يعرف إحنا فين فيها؟
هيه حتدينا والا احنا حندّيها؟
وإيه نصيبنا من الأيام ولياليها؟
غاب الزمن في الزمن.. واحنا بِلا عزوة
ولا نملك إلا نماشي السكة و نسيروا”
― عبد الرحمن الأبنودي

“بكره الجراح تندمل.. عُمر الظلام مايدوم..”
― عبد الرحمن الأبنودي

“واذا كنت لوحدي دلوقت
بكره مع الوقت
حتزور الزنزانه دي اجيال
واكيد فيه جيل
أوصافه غير نفس الاوصاف:
إن شاف يوعى
وإن وعي ما يخاف”
― عبد الرحمن الأبنودي

“الدنيا عِلم !
والعلم أوحش ما ف راسه ،
إنه ميعرِفش إيه طعم حلاوة الحلم !
.
.
العلم بيحقق الأحلام ،
لأنه مبيحبش يبقى في ف الدنيا حِلم !”
― عبد الرحمن الأبنودي

“والطفل
حتي إن ضحك
فالضحكة
تياري
باعوا البلد حتة حتة
ووزعوا الباقي
فجأة صوت الوطن علي
ودش القفل”
― عبد الرحمن الأبنودي

“حاشتنا اغراض الحياه عن النظر”
― عبد الرحمن الأبنودي, الأحزان العادية