Pinoy Reads Pinoy Books discussion

Ang kanyang obrang Mga Ibong Mandaragit ay isa sa apat na aklat na talagang itinatangi ko kayat binigyan ko ng 5 stars dito sa GR.

Walang katulad na prosa. Malikot na imahinasyon at malawak ng pananaw at kamalayan sa pag-inog ng sitwasyong politikal sa bansa mula noong umalis ang mga kastila hanggang sa pagdatal ng Martial Law.

Babasahin kong susunod ang kanyang kalipunan ng mga tula, Isang Dipang Langit: Katipunan ng mga tula ni Amado V. Hernandez at ang pinahiram ni Ayban na Langaw sa Isang Basong Gatas at Iba Pang Kuwento.

Mahirap lang ngang basahin ngunit mararamdaman mong sulit pag natapos mo.

Magandang nobela ang Mga Ibong Mandaragitbukod sa pagkukwento nagbibigay ito ng kaliwanagan sa pananaw sa politika.

Tama, at gaya ng sinabi ni Edgar C. Samar sa Halos Isang Buhay: Ang Manananggal sa Pagsusulat ng Nobela, isa ito sa mga gumamit, as springboard, ng huling tagpo ng El Fili. Paliwanag nya, karamihan sa mga nobelistang Pilipino, dahil sa kamalayang o kabihasaang sa mga akda ni Rizal (required reading kasi sa high school) ay gumagamit ng mga elemento ng 2 nobelang ito sa kanilang mga akda.

Pinagaralan namin ito nung 4th year Panitikan sa HS. Medyo nakalimutan ko na ang kwento ngunit ang pagkakaalala ko ay nagustuhan ko siya kumpara sa Noli at El Fili dahil masmadali sya intindihin. Naalala ko si Dolly...at Paulina!

@Krizia- ang heavy naman ng 4th year nyo! Haha. Isang buwan ko itong binasa, nahirapan rin ako dahil may pagka lumang tagalog ang gamit ni Ka Amado. Subukan mong basahin ang Luha ng buwaya maganda rin. :)

@ayban: Ewan ko ba. Pinagsama kasi nila yung Noli at el Fili nung 3rd year kaya medyo hindi ko nagustuhan kasi medyo "rushed". Ito masnaintindihan ko. Pero ang tagal na kaya medyo nalimutan ko na ang istorya.

Si Dolly yong naging kabit na Amerikanong sundalo?

Siguro kasi alam ko siya yung promiscuous! hehe

Oo, kasi sa pangalan. Kuwentong Pinoy, tapos may karakter na ang pangalan ay "Dolly" noong panahon ng mga amerikano.

Oo, tapos nagpalaglag sa Hongkong. Haha.

Oo nga. Talas ng memorya mo, Ayban.

noong college kami sa Appreciation Of Film subject, nabanggit sa amin na mula sa librong Luha Ng Buwaya nakuha ang idelohiya ng pelikulang Sister Stella L ni Mike de Leon... at hanggang ngayon hindi ko pa rin nababasa ito :(

Si Vilma yun, di ba, bilang madreng aktibista. May kopya na rin ako ng Luha ng Buwaya. May panahon pa naman para magbasa.

Vheel, totoo? Napanood ko ang Sister Stella L pero babasahin ko pa lang ang "Luha ng Buwaya." Malapit na. Anong aspeto ng "Sister" ang nakuha sa "Luha?"

Ryan: opo si ate Vi bilang Sister Stella Legaspi. At nagpasikat ng linyang “Kung walang kikilos sino ang kikilos, kung hindi ngayon kailan pa, katarungan para kay Ka Dencio! Katarungan!” :D

K.D. ayon po sa aking guro na-inspire si Mike de Leon sa prinsipyong pinairal ng pangunahing bida sa Luha Ng Buwaya, na mula sa pagiging "mata" lamang sa suliranin ay naging "bibig" at nabigyan ng pagkakataon bilang maging "paa" sa solusyon (lead metaphors). Sa tingin ko magkaiba nga lang yung settings dahil sa libro raw eh tungkol sa pang-gigiit ng nakatataas sa mga maralitang magsasaka (hindi ko pa po nababasa ng buo kaya yung pagkakasalaysay lamang noon ang binabatay ko po) samantalang sa pelikula eh labor oppression sa pabrika ngunit parehong gumagamit ng utilitarianism sa pagsasalaysay. :D

Salamat, Vheel. Babalikan kita kapag nabasa ko na ang "Luha."

Katatapos ko lang basahin ang Luha ng Buwaya. Nagustuhan ko ang kwento lalo na ang twist sa istorya. Binigyan ko ito ng 5stars.

Nasa pahina 100 yata ako. Malayo pa. Lalo akong na-eksayt. Salamat, Mara anak.

Naku Itay, maganda po cia. Gusto ko din basahin ang ibong mandaragit

Maganda ang "Mga Ibong Mandaragit." Parang mas malawak ang scope ng nobelang iyon kaysa dito sa "Luha ng Buwaya."

Tsaka ngayon nakapagisip-isip pa ako. Mas maraming tagpong nagdedebate sa "Mga Ibong Mandaragit" ang mga tauhan para makikita mo talaga ang katwiran ng bawa't isa. Natatandaan mo yong huling kabanata ng "El Filibusterismo" kung saan si Simoun at si Padre Fernandez ay naguusap ng matagal? May mga ganoon sa "Mandaragit."

Nakulangan ako sa "Luha ng Buwaya." Sa librong iyan, ang masamang karakter ay masama hanggang dulo at ang mabuti'y mabuti. Consistent. Tapos ang masama ay ang milupa. Ang mabuti ay ang mga magsasaka. Hindi ko naman sinasabing hindi tama o baliktarin. Ang sa akin lang ay mas naging challenging kay Ka Amado kong medyo hinirapan niya at magiging mas interesting din sa babasa (gaya ko). Pero di nga, parang kagaya ng Noli at El Fili, tinggin ko propaganda rin ito ni Ka Amado (gaya rin ng kay Rizal) kung kaya't di dapat sipatin ang kanyang mga gawa ng sinsil ng makabagong literatura.

Yan din ang parang paltos sa mga nagsasabing di gaanong maganda ang pagkakasulat ng Noli at El Fili. Di dapat ginagamitan ng modern yardsticks ang aklat ni Rizal na una-una'y propaganda: ang pagpapakita ng kalabisan ng mga Kastila upang magalab ang damdamin ng mga Pilipino.

K.D., sa pamagat pa lang ay alam na agad natin kung kanino ang simpatya ni Ka Amado. Ang nobela ay umikot naman sa kung ano ang pwedeng gawin ng mga maliliit ng tao, ng mga magsasaka. Palagay ko ay hindi nya layunin na gawing komplikado ang karakter ng mga kontrabida.

Babasahin ko pala next year ang Mga Ibong Mandaragit.

Sige nga, Rise at nang mapagusapan natin nina Ayban.

Makalipas ang halos tatlong buwan, sa wakas natapos ko na ang Mga Ibong Mandaragit! Yey! ^.^

Nakakakilabot 'yung mga nangyari sa panghuling kabanata, at may pakiramdam akong may mga propesiyang nagkatotoo sa mga isinaad ni Hernandez. Ang kakatwa pa rito, di pa man bansag ang Right to Information Bill ay isinususog na ito ni Ka Amado noon pa man. Tunay na umiiral pa rin ang mensahe ng nobela, relevant pa rin sa panahong ito at laging nagpapaalaala sa atin na ang tao ang siyang gagapi at magwawaksi sa mga naghaharing-uri.

Kahit na radikal ang nobela kakatwang di ko man lang nadama na ito'y may bahid pula o Marxist. Ngunit sa kabuuan, sosyo-politikal siya.

Ang galing!

Pulahan talaga si Ka Amado. Kaya nga siya nabilanggo. Pero astig magbasa ng may bahid ng pula. Nakaka-astig hahaha.