RBCs Book Club discussion

في هذه المناقشة سنطرح في كل مرة سؤال ملغوم ..,
بمعنى السؤال غير المألوف ,
أي السؤال الفذ ... الذي يتطلب إجابة فذة ,
وقد ينجح هذا السؤال في تفجير ما في داخل النفس من مخلفات الواقع التي لم يستطع أن يفجرها أي سؤال كلاسيكي عادي ...

سبب فتح هذه المناقشة , أنه فعلاً مملنا من الأسئلة الروتينية التقليدية التي تتطلب إجابات معلبة وجاهزة منذ زمن ..
فكي نعيد جريان دم الأفكار الجديدة إلى أدمغتنا يجب أن نجدد تفكيرنا , وأحد طرق هذا التجديد
هو أن نسال أسئلة ملغومة أو خطيرة تكشف واقعنا المزيف وأخطائنا المخباة .., عن طريق أجوبتنا الفذة

الحرية مفتوحة أمام الجميع لطرح أي سؤال ملغوم ... والحرية مفتوحة كذلك أمام الجميع للإجابة عن هذا السؤال بالطريقة المناسبة

أهلاً وسهلاً في حقل الألغام
^__^

أول سؤال سأطرحه هو سياسي نوعاً ما ,
مع العلم أن جميع المجالات مفتوحة أمامنا لطرح أي سؤال في أي ناحية من نواحي الحياة الأخرى وليس السياسية منها فقط ....
___________
السؤال هو :
ماذا كان سيحدث لنا لو لم تكمن إسرائيل موجودة ..؟؟

أولاً أحييك على طروحاتك المتميزة دائماً .. ما شاءالله يعني :)

تانياً سؤالك بدو تفكيييييير .. مشان هيك الي عودة بإذن الله ، بس حبيت اشكرك و قلك : Go ahead !

^_^

شكراً زميلة نور على الإطراء :)
, وبإنتظار جوابك

_____
معقول ما حدى طلع معو جواب ..؟
شو هالبرود المسيطر على رواد الغروب ...!!؟

رح إبدأ بالجواب :
لو لم تكن إسرائيل موجودة ح بتبدأ مسيرة حياتنا المعطلة بإسم محاربة إسرائيل
أول شي
وتاني شي بتكسد تجارة القماش يلي بينكتب عليه الشعارات في الإحتفالات الجماهيرية المناهضة لإسرائيل ...
PpP...
وفي كمان شوية شغلات بتصير

ما يخطر ببالي حالياً بنص هالليل ، إنو لو لم تكن إسرائيل موجودة لما كان هناك شيء اسمه الصراع العربي الإسرائيلي و ما يتبعه من أمور عدييييييييدة

ولكانت دولة اسمها فلسطين مستقلة مجاورة لنا ، مثلها كمثل لبنان أو الأردن ، نذهب إليها للسياحة و شم الهوا !

و ربما لم نكن لنكره اليهود لو لم تكن اسرائيل موجودة

و أخيراً و ليس آخراً ، لو لم تكن إسرائيل موجودة ، لما وجد الطغاة شماعة يعلقون عليها ظلمهم و جورهم و كبتهم للعباد باسم المقاومة و الممانعة !!!!!!!!!!!!


هذا ما خطر ببالي حالياً ..

Yazoo wrote:
ولو لم يكن هناك صراع عربي اسرائيلي ربما كان رح يكون الصراع مع محور بديل مماثل تحت مسمى آخر وهو اللي بكون متحكم بالعالم
"
تماماً
بنظري أنو ما رح يختلف شي، لو ما كانت اسرائيل موجودة كان في ألف بديل لإبقاء الشعب العربي متخلف، وللاقى الحكام العرب ودول العالم الوسائل دوماً لإبقاء الشعب العربي بقمة التخلف!!

ههههههه يا سلام هي النتيجة يلي كنت خايف ما نوصللها.....سبحان الله نفس التفكير

إذا لو لم تكن إسرائيل موجودة أكيد كانت أنظمتنا الموقرة إخترعت " إسرائيل بديلة " لأنها لازمة لبقائهم ,
______


حدى يسألنا شي سؤال ملغوم خلينا نتسلى بالإجابة عليه ..

ما الذي كان سيحدث لو أن الاتحاد بين سوريا و مصر استمر؟

أول مرة بشوف النقاش.. حبيتو.. وإلي رجعة انشالله :)

لو لم تكن هنالك إسرائيل لكان هنالك مشروع دولة أُخرى تشابهه.. صراع الخير والشر لا يفنى ولا يخلق من العدم وإنما ينتقل من شكل إلى آخر

أما عن السؤال الثاني فكان عليك أن تسأل أولاً ما هي الأسباب التي أدت إلى نهاية الاتحاد بين سوريا ومصر وما هو السبيل إلى حلّها ذلك أن بوجود تلك المشاكل المسببة لم يكن الاستمرار ممكناً بأي شكل من الأشكال

تماااااااااااام :)

و أنا عم بكتب إنو ما كان رح يكون في صراع عربي إسرائيلي .. كنت عم اتسائل إزا كنا رح نعيش بأمان و حضارة لولا وجوده ..

بالنتيجة صح متل ما قلتو : الصراع بين الخير و الشر هو شي من مسلمات الحياة ، و الحكام العرب رح يلاقوا 100 وسيلة ليخلونا متخلفين مشان يعيشوا هن ع حسابنا .....


أما مشان السؤال التاني إن شاء الله لي عودة بوقت بكون فيه مخمخة أكتر :)

Ahmed wrote: "ما الذي كان سيحدث لو أن الاتحاد بين سوريا و مصر استمر؟"

الوحدة بين سوريا ومصر لم تقم على أسس صحيحة على الإطلاق ,
كانت وحدة عاطفية بحكم الظروف الصعبة التي مرت على البلاد العربية في تلك الحقبة التاريخية , لذلك طلب هذه الوحدة الشعب السوري أكثر من الشعب المصري وحصل عليها....وللأسف لم يكن ليلبي طموح هذا الشعب العظيم قائد خطابات متل جمال عبد الناصر

جمال عبد الناصر كان ديكتاتور حقيقي ,وهو اول زعيم عربي أدرج موضة الحكم البوليسي القائم على أجهزة المخابرات القمعية , إرتكب الكثيير من الاخطاء في عهد الوحدة ...

لو إستمرت الوحدة بين سوريا مصر فنحنا امام خيارين :
يا اما حدث إنقلاب آخر أطاح بالوحدة غير انقلاب عبد الكريم النحلاوي 1961 ,

يا اما لحدثت ثورة شعبية في سورية طالبت بالإنفصال وحصلت عليه ,

إستمرار الوحدة بالاخطاء التي ارتكبها عبد الناصر كانت أمر مستحيل

جواب موحد.. كنّا كرهنا مصر بدل إسرائيل :)

غريبة انا نزلت تعليق مبارح الساعة2 بالليل بس مانو موجود وكان
الوحدة ما بس بالشعارات وبضم دولتين لبعض الوحدة اكبر من هيك ولو استمرت لكان اعلان انفصالا بعد زمن كتير قصير لانو ما عنا الفكر الوحدوي لسى ...

هل يمكن ان تحدث عملية قرصنة للضمير؟

Maha wrote: "هل يمكن ان تحدث عملية قرصنة للضمير؟"

ما بعرف شو بدي جاوب بس ليش لا بيتهكر الضمير, إذا كان ضمير الواحد بلا مبادئ أبوالعشر ليرات و مستعمل
أو إذا الواحد تارك ضميرو فلتان بلا برامج مكافحة تجسس وبرامج فيروسات
؛p

Khaled wrote: "Maha wrote: " إذا كان ضمير الواحد بلا مبادئ أبوالعشر ليرات و مستعمل
أو إذا الواحد تارك ضميرو فلتان بلا برامج مكافح..."

جوابك حلو،
ههههه عندك قدرة على محاكاة لغة الآخر ... بهنيك
كان عندي قناعة انو من الممكن نعمل (حظر) على الضمير من خلال جعله: ضمير مرفوع لأسباب مالية مثلاً، أو جعله خارج نطاق الخدمة لضرورات أمنية وغيرا...
بس بحياتي ما قدرت اتخيل انو ممكن يتهكر الضمير بمعنى ينسرق من صاحبو عنوة عنه، بس بعد تفكير استنتجت انو فعلاً ممكن، ومتل انت ما قلت أحد أسبابه إذا ما في برنامج مكافحة فيروسات
هلأ إذا بدنا نحكي بلغة الضمير: فينا (نقرصن) ضمير شخص ما عن طريق تغير مفهوم هالشخص لشيء معين، وبيتعلق نجاحنا بتغير مفهومو على: طريقة التغير، وبناء على الرادع الذي يردع الشخص وشدة ارتباطه به..
بمعنى: أنا إذا بدي غير مفهوم شخص ما عن الرشوة مثلاً وبعرفو بحب الهدايا ما بجي وبقلو لازم ترتشي لانو كل العالم صار هيك(هون بتكون الطريقة غير مناسبة) بس فيني قلو انو يعتبرا هدية وبقنعو بهالشغلة... وهون بقى قبول هالشخص لهالموضوع رح يتعلق بليش هوي ما كان يقبل رشوة، شو رادعو خايف من العقاب أو من ربه .....الخ
وهيك بكون عملت عملية قرصنة على ضميرو حتى بدون ما يحس الشخص بأي تأنيب منو، وبكون مقتنع 100% بالشي يلي عم يعملو.

Maha wrote: "Khaled wrote: "Maha wrote: " هلأ إذا بدنا نحكي بلغة الضمير: فينا (نقرصن) ضمير شخص ما عن طريق تغير مفهوم هالشخص لشيء معين
، "

طريقة ذكيةومثال بمحلو , ح حاول طبقها باقرب فرصة
P:
____
سؤال شخصي حشري شوي ,بس مشان نتعلم من بعضنا كيفية الإستفادة من الوقت :
اليوم 24 ساعة لجميع البشر , لكن فعلياً هناك أشخاص ينجزون في اليوم أعمال وكأن اليوم 70 ساعة لديهم ..؟؟ وذلك بسبب حسن إدارتهم للوقت

والسؤال الرئيسي هو : يومك الفعلي كم ساعة ..؟؟
,

من المهم الواحد ينظم وقتو بس الأهم الله يباركلو بالوقت
امممم هلأ بالنسبة إلي يومي الفعلي يكاد يكون معدوم للأسف
لانو الشي يلي عم اعملو بالوقت الحالي وان كان مفيد ولكن مانو داخل ضمن الخطة يلي راسمتا لحالي على طول حياتي
اذا بدنا نوصل لهدفك من طرح السؤال بقول لما بكون الشخص راسم خطة لكل حياتو. وعرفان الهدف من وجودو على وجه الارض. وقتا بس فينو يستفيد من كل يومو
الله يهدينا لما فيه صلاحنا

يومي الفعلي 0 ساعة للأسف ، بهذه الأيام لا أفعل شيئاً مفيداً

لكني أنوي أن أطور نفسي من ناحية تنظيم الوقت .. فقررت أن أكتب خطتي اليومية في دفتر صغير ..
يعني مثلاً : اليوم سوف أفتح النت ليس أكثر من ساعتين باليوم
و سأتابع على التلفاز كذا و كذا
و سأقرأرواية كذا ليس أكثر من ساعة باليوم
وسأدرس المقرر كذا

وهكذا ، جربت هذه الطريقة لمدة 3 أيام ، أفادتني كثيراً .. لكن الاستفادة الأفضل أن أحدد ساعات العمل ، فلا يكفي أن أكتب ما سأفعل ، بل يجب أن أحدد من الساعة كذا للساعة كذا علي فعل كذا

إن شاء الله يمشي الحال معي :) وعذراً على الإطالة، بس قلت لحالي بلكي بفيدكم ولو شوي و إنتوا كمان بتفيدونا ^_^

أتمنى أن يأخذ هذا الموضوع اهتماماً و نقاشاً مطولاً .. لأن الوقت من أهم الأمور بحياتنا ، و من نظم وقته فقد تقدم و تحضر و أدرك ما يريد ، و أفاد و استفاد ...

" و عن عمره فيم أفناه "

خليني قول القديم.. لأن "برأيي" كل ما الآنسان عم يتقدم بالتكنولوجيا عم يتراجع بالانسانية..
وقديماً ما كان العلم متل هلق.. كان محدود ووجوهو الشريرة محدودة أكتر بكتير من هلق!!
مجرد رأي.. ومو كامل..

بالنسبة لرأيك الجانبي.. فأنا معو 100% :)
فعلن هي الشغلة الوحيدة اللي استفدناها من الجديد ×_×

في كتاب "المرأة المسلمة المعاصرة" مكتوب ما يلي
ـ"والحكمة الشرعية من القوامة تأمين مسؤول عن الأسرة. وهو في حد ذاته تكريم للمرأة لتحفيف العبء عنها، فتشعر بالحماية لقوة الرجل، واتساع مداركه العقلية، ويتأكد ذلك عندما نرى من نساءاً يتذمرون من ضعف شخصية الزوج، خاصة أمام أهله"ـ
وفي مكان آخر من الكتاب يذكر أن الزوج له حق القوامة والقيادة لأنه بالمقابل عليه واجب النفقة

سؤالي، طيب اذا كانت شخصية الزوج أضعف من زوجته، أو كان عاطفي أو عقله غير ناضج بقدر زوجته. أو إن كان لا يستطيع حماية أسرته لمرض مزمن أصابه مثلا، أو كانت الزوجة قد تكفلت بالنفقة بسبب كسل الزوج او مرضه أو عدم وجود عمل له
ماذا يحدث للقيادة والقوامة حينها؟ هل تنقلب للمرأة؟ هل يبقى للزوج حقوقه ان لم يستطع القيام بواجباته؟

اذا كان العرف في المجتمع يقلب القيادة في هذه الحالة للمرأة فيمكن أن تنقلب القوامة للمرأة لأن العرف يجب أن يؤخذ بعين الاعتبار و أيضا اذا كانت علة القوامة هو الانفاق (فقط) فيجب أن تنقلب في هذه الحالة

كنت أقوم بجولة على الغروب
فمررت بهذه المناقشة
حقاً كانت رائعة:(

فتذكرت هذا البيت لطرفة بن العبد وهو يرثي الأطلال :
وقوفاً بها صحبي عليّ مطيهم.... يقولون لا تهلك أسىً وتجلدِّ

طيب معلش سؤال مو ملغوم بس كتير مهم لالي وعنكن الجواب :-
اول شي اسفة انو فايتة بالنص لاني طالبة بكالوريا مو طالبة طب :3
تاني شي بدي اسالكن بما انو كلكن طلاب طب انو يعني مافي حدا جاب مجموع الطب و ماقتل حالو دراسة بالبكالوريا :/ ؟
كل الدكاترة الي بعرفون ماتو ميت موتة بالبكالوريا مافي شي حل وسط !؟ :(

اسفة انو يمكن سؤالي مكانو غلط وهيك بس لقيت هون احسن مكان للسؤال بما انو كلكن دكاترة ماشا الله :)

<> ❤وشكراً

Damascinian wrote: "طيب معلش سؤال مو ملغوم بس كتير مهم لالي وعنكن الجواب :-
اول شي اسفة انو فايتة بالنص لاني طالبة بكالوريا مو طالبة طب :3
تاني شي بدي اسالكن بما انو كلكن طلاب طب انو يعني مافي حدا جاب مجموع الطب و ما..."

اي بصراحة بآخر سنة قتلنا حالنا دراسة ... هيك الطب بدو ... وغير هيك عزمناتنا كانت الفحوص معتبرة وما كانت الامور فلتانة متل اليوم

Damascinian wrote: "طيب معلش سؤال مو ملغوم بس كتير مهم لالي وعنكن الجواب :-
اول شي اسفة انو فايتة بالنص لاني طالبة بكالوريا مو طالبة طب :3
تاني شي بدي اسالكن بما انو كلكن طلاب طب انو يعني مافي حدا جاب مجموع الطب و ما..."

بصراحة عن تجربتي الشخصية , , أنا ما قتلت حالي بالبكالوريا لفتت طب
في أساليب كتير كنت اتبعها , هية كانت طريقتي بالدراسة مو انو اتبعتها لانو حدا دلني عليها
مابعرف إذا هلأساليب ممكن تزبط مع الكل, بس هية ما خلتني حس بعبء بالبكالوريا
وهلأ ومع أني سنة تالتة طب و واجهت كتير ضغوط دراسية بالجامعة بس قدام غيري دائما عم اتجاوز هلمرحلة بنجاح
اهم شي اهم شي لا تتوتري و لا تخلقي عبء و ترميه عكتافك, ادرسي من قلبك و عملي اللي عليكي و كلشي رح يكون منيح :)