الفيل الأزرق question

انا شايفة النهاية ان
أولا : يحيي اكتشف انه الارقام اللي كتبها بين الكاف والنون عشاان يطلع بيها نائل مش صح هو كتب حاجة تانية

ثانيا: هو اكتشف برده ان الارقام دي ممكن تترتب باي طريقة حسب نية الشخص ونية يحيي ساعة لما كتب الارقام انه يطلع نائل من شريف

فاللي حصل انه نائل طلع فعلا من شريف ولكن هو اتنقل ليحيي عن طريق زوجة المأمون وده اللي خلاه يكتسب الوشم واللي خلاه يدخل في غيبوبة زمنية زي اللي دخل فيها شريف ولبني حامل زي بسمة وزوجة المأمون وهيحصلها زي ما حصلهم بالظبط

في ناس فسرت موضوع الحرارة ده علي ان دي علامة لوجود نائل..بما ان هو جن و الجن من نار.. ف في وجوده طبيعي الحرارة تبقي اعلي من الطبيعي !

اول تعليقكدة سريعا
النهايه معجبتنيش طيب كانت مفروض تبق ازاى معرفش بس كدة مش عجبانى حسيت ان كان فيه كمان بس قص النهايه بمقص تلم لدرجة ان مع اخر وجعه انت حسيت بقسوة القطع
اول فصل درجة الحرارة 43 كويسه
تانى فصل تلقى المظروف اللى كان فيه المربعات
الفصل التالت درجة الحرارة 90 او 95 مش فاكر
عم سيد ظهر فى اول فصل و بيقول هو كان عارف انك هترجع مكتوب نتقابل عند الشجرة
معنى كدة ان المس "هنتفترض" انه بدأ من اول دخوله المستشفى
وبعدها بمل رجع البيت ف اخر اليوم ينام بدأ يجيله الكلب يبق كدة المس معاه من قبل ما يشوف شريف و قبل اى حاجة و كلمه كان عارف انك هترجع يبق نائل الى عارف مش حد تانى
""الروايه عايزة كمان مرة قرايه عشان افتكر الاحداث عشان بنسا""
لكن مبدأيا انا بيتهيألى ان نائل وطريقه كلامه الجنسيه على لبنى وظهورها ف البرزخ بدل مرات المأمونو كمان فى جزء بيتكلم ويقوله انه عايز لبنى فشخ و انه ضعبف و هيوصلها عن طريقه
كل دة خلانى افكر ان نائل هو اللى عمل دة كله من الاول و هو الوحيد اللى كان عارف انه هيرجع و عمل كل دة عشان يوصل ل لبنى
وحكايه الارقام اللى ف الاخر مكانوش مترتبين بالطريقه الصح ساعت عملها ف وش شريف بس بيأثروا حسب نيه اللى كاتبهم و هو كان عايز يطلع نائل من جسم شريف ف طلع بس ملبسهوش هو حسب ما البعض كاتب كدة
وبعد كدة لما بحث عن طلسم النكاح بعدها بشهرين وعرف الترتيب الصحيح اول مرتبها صح طلعتله مرات المأمون و عملت بى بى ف بقة :D
والوشم اتنقل و نائل لبسه
و هو دة اللى عايزة من الاول عشان نائل بيحب لبنى و كان ممكن الكلب يموته ف محل الوشم بس مجرالوش حاجة كل دة خلانى افكر ف كدة
بس
نائل موجود من اول الروايه وهو كان بيمشى الاحداث ع مزاجة عشان يوصل للبنى فى جسد يحي
===============================================

لكن النهايه برضو مش كويسه و مش عجبانى
والروايه فى مجملها عجبتنى عشان بحب جو ما وراء الطبيعه وكدة
الوصف الزايد بيخنق سعات ودة اسلوب احمد مراد
بس تحس بتعب فى الكتابه و الكلام بالتفصيل عن المرض النفسى ف الاول و وصف تأثيؤ الخمر بيفكرنى بأسلوب العظيم جول فيرن لما بيتكلم باسلوب علمى

الروايه عشان تتحل احسن من كدة عايزة كمان مرة قرايه

3 نجوم حلو اوى

انا لما وصلت للنهاية حسيت اني شقايا ضاع :D
يعني بعد كل ده يطلع الحوار كله سحر وشعوزة وطلاسم!! مصدقتش بصراحه
وشايف انها نهاية سيئة لروايه فيها كمية تفاصيل وحكاوي كويسة

أظن النهاية هي كذلك: يحيي لما أخطأ في فك الشفرة اللي هتطرد نائل من شريف طردته فعلا, بس نائل دخل جسم شريف و تحكم فيه تماما زي شريف (و زي المأمون قبل كدا) و نائل نيم يحيي طول السنتين اللي اتجوز فيهم لبني عشان يوصل للبني زي ما عمل في بسمة قبل كدا و الدليل علي كدا الوشم اللي يحيي
دي رؤيتي الخاصة للنهاية.

لم يكن من المفروض ان يدخل السحر و الشعوذة في مسار الرواية, كان التفسير العلمي افضل و الطب النفسي اكثر اقناعا خاصة و ان احمد مراد يكتب لطبقة معينة من الناس اغلبهم اصحاب منطق .. و هذا ما رايناه في تراب الماس و فيرتيجو.. و النهاية تحتمل عدة تفسيرات ككل كتابات احمد مراد و لكن هذه المرة كانت اكثر غموضاً و الشر غالب .. حيث ان يحيى قد يتجه لنفس طريق نائل و تنتهي زوجته نفس نهاية بسمة ! و قد يكون هو السبب في موت زوجته الاولى كما فعل شريف ببسمة ؟؟ و بالمناسبة لم اجد فائدة من حبوب الفيل الازرق الذي كان تعاطاه؟ الرواية غامضة اكثر من اللازم و لازلت افضل تراب الماس ...

# الفيل الازرق روايه رائعه مشوقه جداااااااا لكن احباااط شديد لنهايتها المفتوحه و الاستنتاجات اللانهائيه عن حقيقه ما حدث روايه مش سهله مينفعش تتقري مره واحده اكيد هقراها تاني و يمكن تالت علشان أقدر اربط احداثها :\

في رأيي أنه مش ممسوس, أعتقد أنه كان بيبرر لنفسه اللي سمعه في الشريط لما إكتشف أن هو بيكلم نفسه. المجنون مبيشوفش نفسه مجنون وباليتالي بيحاول يبرر دلائل الجنون. غير إن الجن بينتقل بالطلسم هيوصل ليحي إزاي؟
بس بردو إيه تفسير سرقة شريف للمتحف الإسلامي وسبب إحتفاظه بالقميص.
المشكلة في إن لو يحيي مجنون الإحتمالات ملهاش حدود.

اتوقع ان نائل كان داخل يحيى من الاول بس قضية شريف كشفتله عن اللي جواه هو و شريف

هناك سؤالا ظل يلح علي ماذا لو لم تأتي مايا للدكتور يحيي بالفيل الازرق ..كيف له ان يسافر عبر الازمان وان يكتشف الاسرار ..فالامر هنا على حسب فهمي محض صدفة وانا لا احب الصدف في الروايات خصوصا البوليسية منها لا سيما ان الرواية مبنية على الفيل الازرق و هو عنوانها

ثانيا رغم اني امتلك عادة خيالا واسعا الا اني عجزت عن فهم النهاية فهل تلبسه الجان هو ايضا ؟ الم تنهه زوجة المأمونة عن الزواج بمن تزوجت قبله ؟واين غاب مدة سنتين ؟ اسئلة كثيرة تدور بخلدي قد يكون مردها الى نقص في فهمي هذه المرة :(
سؤالى الاخير من حاول منكم معرفة الجمل التي قرأها د يحي ...انا عن نفسي وعلى الرغم بأنني اعتبر انسانة متعلمة ولكنني لم استطع الاقدام على فك الشفرات لأني بصراحة اخاف الخوض في تلك العوالم ...هو انا ناقصة

يحيى كان يرى احلاماً عن الكلب الأسود قبل أن يلتقي بشريف في 8 غرب
وطبعاً كان الحلم في الفصل الذي ترتفع فيه درجة الحرارة، يحيى كان ممسوس من البداية و "نيجوزي" لاحظت وجود روح سوداء مع يحيى، أعتقد بأن
نائل يتنقل بين يحيى و شريف! و اذا فرضنا إن قصة المأمون حقيقية و حصلت في الماضي و ليست أوهام من نسج الفيل الأزرق يعني ان القصة فيها تناسخ ارواح و إن يحيى كان المأمون في حياة سابقة و لبنى كانت في حياة سابقة زوجة المأمون و إن نائل متلبس المأمون و ظل مرتبط بروحه طول السنين حتى رجع المأمون في حياة يحيى. وفي نظرية تناسخ الأرواح بأن المتحابين يقعون في الحب مرة اخرى في الحياة القادمة. فالقدر جمع بين المأمون و زوجته في حياتهم الأخرى (يحيى و لبنى) و نائل يحاول إكمال عمله و إستغل دخوله في حياة بسمة و شريف للوصول إلى يحيى و لبنى لينهي عمله.

هناك شخصيات اخرى في زمن المأمون تتكرر في زمن يحيى، كنيجوزي (نجية) و ديجا (سيدة الوشم) و تصرفاتهم هي ذاتها في الزمنين و لدى ديجا كتاب قديم عن السحر يبدو إنه انتقل لها عبر القرون!

قد يكون كلامي غريباً لأن الكاتب لم يذكر تناسخ الأرواح في الرواية لكن هناك تلميحات بشأنها.

لكن الأمر الواضح بأن يحيى ممسوس من بداية القصة!

الأمر الذي لم أفهمه هو حادثة مايا.

انا النهاية مش مقتنع بيها فيها حاجات ناقصة كتير
1 لو افترضنا ان نائل خرج من شريف عشان خاف أن يحي يجيب الأرقام المرة التانية صح و يطرده فعلا طب دخل يحيأزاي من غير تاتو
2 طب هو شاف عم سيد أزاي يعني هو عنده قوى خارقة نه يشوف الأموات
3 يحى أمتلك أربع حبوب فيل أزرق أسخدم تلاته فين الرابعة ؟؟

طب في 3 اسئله دلوقتي
1- ليه نائل قال لسامح ان يحيى بيدعي انه جه المستشفى بجواب... و ليه نائل قال ليحيى انه قرأ خبر عن الحادثة قبل ما ييجي.... يعني أصلا يحيى مجاش المستشفى بسبب الجواب!!.. و فيه تفاصيل هو مش فاكرها! ن
2- هو ايه سر توقيت حريق محل ديجا... ممكن يكون في حاجه حصلت في الوقت ده!!!
3- التحقيقات كلها بتاخد 45 يوم.. و أول القصه في سبتمبر و أخرها في سبتمبر... هل ده معناه ان الروايه كلها حصلت في أقل من شهر .. !!!

ya gma3a plz ana msh fahma el nhaya 5aaasl 7ad hena fahm 7aga

النهاية وحشة جدا ..... انا مكنتش مصدقة بجد ان النهاية تطلع سطحية اوى كده !!! و مجردة من الابداع .... نهاية فصلتنى عن الجو ال الرواية حطتنى فييه فجاة و مخلتنيش افكر فى القصة تانى !! بالرغم ان لما كنت بوقف قراية فى النص كنت بفضل افكر .. و لما وصلت للنهاية زعلت بجد ان ابداع كده اتقفل تقفيله زفت ...

لازم نعترف ان احمد مراد عنده مشكلة فى كتابة النهايات

هقراها تانى يمكن افهم النهايه كويس انا اللى فهمته ان يحيى اتمس

ممكن تكون النهايه :
يحيى لما عمل الحادثه اتمس ونائل ده بقى معاه من ساعتها وده كان السبب فى قتل مايا وبرشام الفيل الازرق ده من خيال يحيى او عشان يفسر الى نائل بيخليه يشوفه او يعمله ويحيى منسيش حبه للبنى وان شريف مرداش يجوزهم وعشان كده حب انه ينتقم
من شريف بواسطه نائل ,ونائل عمل فى شريف كل ده
ورجوعه للمستشفى سبب عشان يتكلم مع لبنى وفى كل الى كان بيحصل كان نائل هو المتحكم فى شريف وفى يحيى
الدليل على ان يحيى ممسوس انه شاف عم سيد الى المفروض مات من 4 سنين
ويحيى لما قابل شريف فى الاخر والمفروض انه اتكلم مع نائل ممكن يحيى هنا فاق وكان حابب يخرج نائل من شريف
بس مخرجش من يحيى وعشان كده يحيى فضل يشوف الاحلام الغريبه ومرات المأمون وفى الاخر فاق انه متجوز لبنى وهيحصل نفس الى حصل لبسمه

انا لما خلصت اخر صفحة قلبت الصفحة وكنت فاكرة ان لسة في كلام تاني !! النهاية ذكية اوي وقريبة من نهاية فيلم شاتر بتاع ليوناردو دي كابريو وف نفس الوقت مش مريحة ومافيهاش ريحة التفاؤل والراحة الي استنيناها طول القصة... مش متفائلة ان الفيلم يتعمل بنفس مستوى خيال الرواية الا لو جابو منتج ومخرج امريكاني :)

نهاية اى كلام .. هو اصلا من اول م دخل على حوار السحر قلت ايه الهبل دا .. و كأن علم النفس خلص و عجز انه يلاقيلنا حدوتة احسن من كدا

وليه ميكنش حلم طويل؟ و خصوصا ان أحداث القصة خرافية لا مقبولة...!
واحد عمل حادثة...فقد أسرة..اكتئاب حاد..سكيزوفرينيا أو أى بتاع...!
والقصة عبارة عن حلم و لا يوجد ما هو حقيقى غير آخر صفحتين..فلا يوجد تأكيد هل كل اللى اتحكى حصل فعلا ولا لأ!

يحترم فى القصة انها أثارة عقل كل من قرأها..فهذا يكفى

ﻻزم تتقري تاتي!

النهاية يتعملها رواية تانية لوحدها لان ليها اكتر من احتمال واظن الاحتمالات كلها ذكرت فى كل كومنت قبلى انما مجمل الرواية كلها رائعه بصراحه

النهايه طبعا غريبه و مش متوقعه .. بس من رأيي ان هو نقلنا من رقي الطب النفسي للجن و الكلام ده ......طبعا بيزيد الحكايه غموض و بيخليك تفكر تاني في الاحداث
..... بالنسبه للحته بتاعه لبني دي أنا مش فاهمها أوي

رواية رائعه بس النهاية مش كويسة خالص حسيت انى عاوز اقول يا ريتني ما قريتها

!!قرأت الروايه و سألت ما الهدف ؟
و وصلت اني اسأل ليه نائل مقدرش يوصل للبنى لما كانت
!!متجوزه خالد ؟
و استعمل يحيى كوبري يوصله ليها لأن خالد حسب وصف لبنى كان مثالي مبيعملش كل الي يحيى بيعمله من قمار و خمر و مخدرات و زنا فصعب انو كان يركب خالد و يتمثل فيه انما كان سهل علي نائل انو يستعمل واحد زي يحيى لانه كان فاسد واقرب للشيطان
عشان كده لازم كلنا نقرب لله و نحتمي بيه :)

نائل دخل جسم شريف عن طريق وشم بسمه ،، لبني مكنش عندها وشم عشان كده مقدرش يدخل جسم خالد ،،، اللي هيفهم النهايه بس هو اللي ركز في حته التاتو اللي علي شكل ص متعاكسه و سلم حولين اليد ، كانت النهايه مش واضحه لناس كتير بسبب انهم ركزوا فاللي قالتو ديجا عن التاتو اللي علي فخد بسمه بس و مركزوش في تاتو شريف

طب مين غيرى شك فى لبنى ؟؟ انها ممكن تكون عملت كل ده عشان تنتقم من اخوها عشان مجوزهاش يحيى ؟؟ و هى اللى عرفت بسمة على محل الوشم ده... الرأى ده ملهوش علاقة بالنهاية كلنا مش عارفين ايه هى :D

نهاية سيئة جداً ومش كنت فهماها اصلاً !!

الرواية فى مجملها جامدة بس النهاية مش عجبانى اوى على الاقل كنت متوقعه اجابات على بعض الاسئلة الى بتدور فى دماغى ازاى شريف كلم يحى فى التليفون؟؟ ومين الى دخل التليفون له ؟؟وياترى كان فى اتفاق بين نائل وسامح ؟؟وسامح لما هدد نائل نائل موته؟؟ انا مش فاهمه حاجه انا محتاجة اقرء الرواية تانى على الاقل 3 مرات لحد ما يمكن افهم

ايه سبب اللي حصل ليحيي في الآخر ؟؟ يعني اللي حصل لشريف ومراته واللي تسبب فيه طلاسم"الوشم"
يخليها خيال منطقي
بس الخيال غير المنطقي انك تبدد كل اسباب وجود نائل داخل شريف بوجوده داخل يحيي



أولا يحيي مارسمش طلاسم ولا وشوم من أي نوع ولبنى استحالة تكون رسمت وشوم على جسمها بعد اللي حصل لأخوها
ويبقا خيال غير منطقي لو قولتلي ان يحيي اتلمس لمجرد رؤيته لقصة المأمون بعد أخده لقرص الفيل الأزرق ده !!
ويبقا خيال غير منطقي لو قولتلي ان يحيي اتلمس لمجرد
زيارة زوجةالمأمون ليحيي وكمان بدون طلاسم او وشوم

مادام من البداية بتختار تمنطق خيالك ماتحذفش المنطق في النهاية

انت بكده عايز تقولي ان نائل ده شبح طائر او روح طائرة بيلمس أي شخص بدون قوانين يعني زيه زي أشباح أفلام الرعب العبيطة

هو أحمد مراد مقالش أي تعليق أو توضيح للنهاية بدل ما نتوه وسط كل التكهنات دي ؟؟

الروايه فشيخه وفكرت فيها كتير لقيت ان مينفعش نهايه احسن من كده

ب النسبه ل النهايه تفسيرى انا ان نائل لما خلص على بسمه عجبتو لبنى و من هنا بدأ يلاعب يحيى عشان يوصلها عشان عارف انها بتحب يحيى و ان يحيى كده كده دماغه رايحه منه و من هنا بدأت لعبته و كل كلامه مع يحيى كان على لبنى .. لما يحيى كاتب الحروف و اﻻرقام غلط نائل دخل جسمه و غيبه و اتجوز لبنى و اختفى من حياتهم و يحيى فاق لما لبنى بقت حامل و بما ان اللى فى بطنها مش هينفع ينزل يبقى هى هيحصل فيها زى بسمه و الحكايه هتتعاد من اﻻول تانى " ده التفسير من وجهت نظرى"

هو ترك النهاية ليعيد خيالك القصة من اولها عشان تحس انك لازم تقراها تانى

نهاية تشعر القارئ بالضياع بعد قراءة 385 صفحة يحثا عن مخرج ! ولها اكثر من احتمال وهذا المزعج بالموضوع ...

انا شايفة الموضووع كللو كان في القميص الي لقاه لانو بمجرد مالمسو او عثر علية خلف سرير صحبو بدات الرويااا الي كان هو فاكرهاا انها بتخص صحبو وده حتي بنلاحظو لما اتصرف مع البنت الي كان مصاحبهاا وهي في الواقع بتقدم لييه النهاية الخاصة بيه هو مش الي حصل صديقووو وهو طبعااا نهااية مماثلة شايفة ان خط الرواية في الاخر كان اقوووي وكمااان وضع الفيل الازرق ليس لييه علاقة بالاحداث الرئيسية الا بمجرد انها تهيئة لحالة البعد عن الواقع لكن البطل الاساسي في الروايه هو القميص

انا شايف ان يحيى عندة مرض الفصام المتبقو الى هو شرحة فى صفحة ١١ عشان كدة كان بيهلوس و كدة و بلنسبة للنهاية كانت الحبايا الاخيرة من الفيل الازرق الو شاف فيها لبنى متجوزها و الارقام و زوجة الماموف عشان هو كان بيشفها فى الفيل الازرق بس دة الى انا فهمتوا بس الى مش فهمو بقا ان الفيل الازرق وصلوا مخصوص و ليه اختفى بعد كدة ؟

انا شايف ان مايا كانت من حبها في يحيي ان يكون ليها ابن منه و اظن انها عملت الطلسم و بسببه كان قصة انها اتكسر رسغها و خافت منه لما صحي ... يعتبر ده المنطقي من وجهة نظري

اللي مش عارفة لحد دلوقتي ايه علاقة درجات الحرارة المرتفعة اوي دي وموت مايا وشهر سبتمبر المذكور في اول فصل اخر فصل يعني انه كان ممسوس من اول الروايةو كمان يحيي مارسمش طلاسم ولا وشوم

*النهاية*

ان يحيي ملبوس من البداية بنائل والدليل درجات الحرارة المرتفعة ومكالمات التليفون اللي وصلته علي تليفون شريف وفي مكالمة منهم قاله "وتيجي ليه انا معاك في الشقة"
وعم سيد اللي طلع ميت من 4 سنين وكان
بيكلمه في المستشفي عادي

وبكده نائل من بداية القصة بيحاول يرجع يحيي المستشفي تاني عشان علاقته ترجع مع لبني ويحصل معاه زي اللي حصل مع شريف وبسمة
وهو ان يحيي يخش في غيبوبة ميحسش فيها بمتغيرات الاحداث اللي هتحصل وهي زواجه من لبني بعد طلاقها من خالد

حملها في الشهر السابع ده من نائل مش من يحيي وده اللي يحيي عرفه بعد ما شاف نفس الوشم اللي كان يد شريف مرسوم علي ايده هو

النهاية سيئة جدا و لا تليق ابدا بالثلث الاول للكتاب و الذي جذبني و جعلني انهي الكتاب في يويمن فقط علي امل ان اجد ما يسرني في النهايه و لكني وجدت نفسي وسط عالم من الخرافات..كنت اتمني ان تكون القصة ممكنة و اقعية و ليست كقصص تخويف الاطفال قديما

ممكن يكون اصلا اللي شافه يحيى في النهاية كان تكملة لحلمه و تخيلاته , ويحيى كان باقي معاه حباية فيل ازرق اللي حطها في جيبه لما كانت لبنى موجودة , يمكن استخدم آخر حباية ودي اللي خليته يشوف كدة , وان النهاية دي كانت ضمن تهيؤاته

النهاية غريبة فيها حاجة مش مقنعة :D
بس عادى عشان تليق مع باقى الروايه

النهاية محبطة جدا .. الرواية كانت ماشية كويس في طريق المرض النفسي .. لما وصلت لنصها تقريبا كنت متوقع أكتر من نهاية .. لكن لما دخلت في طريق الجن والمس أحبطتني ؟! بس عموما الرواية حلوة . :]

النهاية عجييييبة ومقتضبة
حاسس انه كتبها على استعجال

نهاية محيرة
تحتمل تفسيرين الاول ان نائل اتنقل ليحي ودي في حد ذاتها الكاتب بيفتح بيها باب لجزء تاني من الرواية والتفسير التاني ان دا كان حلم ليحيي افقدة الذاكرة لفترة قصيرة بس انا برجح التفسيير الاول

اعتقد ان فى كذا احتمال للموضوع و لكل واحد منهم دليل
1-ان يحيى اصلا ملبوس من الاول بدليل الجواب اللى جاله و كمان هو بيشوف عم سيد اللى اصلا مات من 4 سنين و الكلب اللى بيشوفه فى حلمه
2-نايل استخدم يحيى كوبرى عشان يوصل للبنى اللى واضح من كلامه مع يحيى ان هو نفسه مشتهيها.
3-لما يحيى قرأ الطلاسم غلط سببت ان نايل يوصل لجسم يحيى بدل من حرق الطلسم.
بس اللى مش فاهماه موت مايا؟!!!!
وكمان معنى ان مرات المأمون تحذروا من الست الارمله او المطلقه؟!!!!

تفاصيل كتيرة بتتقص فالنهاية الغريبة دى و حجات مش منطقية
يعنى فالكتاب اللى يحيي خده من عند ديجا مكتوب"ان الجن ينكح
"الواحدة شهراوعشرة أيام
طب أزاى لمايحيي صحى لقى لبنى حامل فالسابع! و ازاى لبنى ملاحظتش الوشم اللى على ايد يحيي مع أنها عارفة موضوع الوشم اللى على كان على أيد شريف؟
برضه مش فاهمه هو شريف-أو نائل أيا كان-قتل سامح ليه؟
مش فاهمه أيه الغرض من زيارة زوجة المأمون لما رجعت تقريبا فى فم يحيي؟ و درجات الحرارة الغريبة دى؟أشمعنا نيجوزى-خدامة عونى- هى الوحيدة اللى شافت حاجة بتتحرك جمب يحيي؟أيه الكلب الأسوداللى بيطلع كل شوية ده وليه معملش حاجة ليحيي؟
النهاية بتثبت أن يحيي مجنون أو عنده هلاوس أو حتى أنفصام زى ما كان مشخص حالة شريف !

الرواية جميلة و جاذبة وعجبني مزج العلم بالخيال و الطب النفسي بالسحر بس النهاية بتاكد انه يحيى ممسوس ب نائل بدليل غيابه مدة سنتين و انه شجع لبنى على الطلاق من زوجها رغم انه يحيى الطبيعي كان بفضل ينسحب من حياة لبنى ... الرواية مبهمة في موت مايا